ممكن طريقة طهي الرز

[ام عبد الكريم]

حبيباتي
ممكن طريقة طهي الرز الابيض (التمن) بدون اي اضافات يعني تمن عادي ابيض

[manal63]

سلام عليكي ام عبد الكريم

بالنسبة لطبخ الرز اكو طريقتين :

الاولى التطبيق : بعد غسل الرز اضع شوية زيت بالقدر وبعدين اضع الرز وفوقه اضع الماء بقدر سنتيمتر واحد او عقدة اصبع ممكن تقيسيها بيدك

الثانية : وضع الماء بقدر على النار الى ان يغلي ثم يوضع الرز وبعد فورة واحدة يصفى من الماء ويوضع على نار هادئة

الطريقة الاولى يحتفظ الرز بنشوياته وفوائده اما الثانية فالفائدة كلها ترمى

والاهم هو وضع القدر على نار هادئة ثم يؤكل بالعافية

[ام علاوي الوكح]

طبعا منال كفت وفت
بس اني استخدم الطريقة الثانية ونسميها طريقة البزل
يعني افور مي وبي ملح واسقط التمن بية الى ان ينضج الاشوية بعدين اصفي واكون حامية شوية زيت احمي الجدر وخلي بي زيت وانزل التمن وبعدين اطش الزيت الحار واغطيبكيس نايلون ويطلع كلش طيب وخفيف على المعدا

[ام عبد الكريم]

حبيبتي منولة ولو دا اسبب ازعاج بس اني مفهمت
يعني المي يكون مقدارة سنتمتر واحد بمستوى يعلوا مستوى التمن

[نسمة بابل]

اختي ام عبد الكريم

تقصد الاخت منال انو من تضعين الرز بالقدر تضعين فوفقه ماء وتنظرين للماء يصعد فوق الرز سنتمتر 1


لكن طريقة الرز المصفى اطيب واخف على المعدة مثل مكالت الاخت ام علاوي

واسفة على التدخل

[نداوى]

عزيزتي ابسط طريقة

تذوبين الدهن (وللعلمالدهن مايخلي التمن يلزك باسفل الجدر مثل الزيت ) وبعدين تخلين الماي والملح وتخليه يغلي. .. الى ان يغلي تغسلين التمن وتضيفيه للماي المغلي بحيث يغطي الماي التمن بشكل بسيط وممكن اتوقفين الملعقة اذا وقفت يعني ماوكعت يكون الماي مناسب , يغلي غلوتين اتقلبيه وتوطين حرارة الطباخ على اقل درجة وتتركيه الى ان ينضج .
هاي طريقتي

[gadeer]

ماشاء الله عليج نداوي اشكد نادرة