دكتوره ارجوج جاوبيني

[suror nassir]

:mbv:السلام عليكم ارجو المساعده من الدكتوره المحترمه ومن الاعضاء اني صار عندي اسقاط وبعد شهرين حملت وهسه اني حامل بالسبوع 6 وعندي الم بااسفل بطني ولكن دوم نزول قطرات دم هل هذا طبيعياو شنو؟

[suror nassir]

دكتوره دون نزول قطرات دم والدكتوره الي اراجعها كتبتلي مثبت واسبرين

[um. nooran]

غلاتي ان شاء الله الدكتورة تجاوبج
بس اعتقد عادي هاي الالام اهم شي واضبي ع المثبت
بس ليش انطتج اسبرين ؟؟اول مرة سمع انه الاسبرين يعطى لبداية الحمل
الاسبرين للضغط
انتي عندج ضغط ؟؟

ان شاء الله يمر حملك بخير وسلامة وتفرحينة بسلامتج انتي والنونو

[~.~ ميمو العسل ~.~]

ربي يثبت حملج غاليتي وان شاء الله الدكتورة تفيدج

[نناوي]

هلو بيج حبيبتي اول شي مبروك الحمل وياربي يثبتة الج واعتقد هاي التقلصات عادية مال تثبيت وابقي اخذي المثبت وان شاء الله يثبت حملج بأذن رب العالمين وان شاء الله الدكتورة هم تجاوبج

[suror nassir]

تسلموووووون حبايب كلبي اشكركم هوايه وياربي يثبت حمل الجميع

[K a w t h a r]

حبيبتي ربي يثبت حملك يارب
نفس حالتي بالضبط
اول مرة صار عندي اسقاط
وراها بشهر صار عندي حمل ثاني
ولحد الشهر السادس او اكثر كان عندي العفو نزول قطرات دم
هالشي طبيعي حبيبتي لاتخافين

[suror nassir]

حبيبتي ام نوران اني ماعندي ضغط بس انطتني اسبرين لان عندي اسقاط سابق

[نور الصباح]

ان شاء الله يتثبت حملج وحمل سليم معافى

والأسبرين لان إسقاط سابق حتى ليصير تخثر بالدم عادي ميأثر

[suror nassir]

تسلمين حبي نور الصباح وياربي يثبت حمل الجميع

[Miss Perfume]

الله يثبت حملج ويقر عينج بشوفة مولودج

[هانزادة]

عيني هاي التقلصات عادي بس اتأكدي من النزيف حتى لو بسيط هم راجعي الدكتورة حتى تطمنين اكثر وانشالله يثبت حملج

[صموووته]

مبرووك الحمل ورده وان شالله يثبت
وتكومين بسلامه انتي والنونو

[د.فراشة الليل]

حبيبتي
الله يتمم حملج على خير ان شاء الله
الالام عاديه بس نزول قطرات الدم يخوف...لازم تستمرين عالمثبت والاسبرين
وان شاء الله اذا مازاد الدم ماكو شي يخوف
الله يرزقج كل خير ان شاء الله

[Asmaa]

حبيبتي
الله يتمم حملج على خير ان شاء الله

[أم نور]

هلو حبي شلونج عيني

لا تخافين هاي الاوجاع عادية بس انتي ديري بالج على نفسج ولا تتحركين هواية والاسبرين هذا حتى لا سامح الله يمنع التشوهات الخلقية بالاطفال وتاخذيه لحد الاشهر التاسع وتكطعيه لان اني الدكتورة هم نطته الي من صرت حامل لان هم صار عندي اسقاط مرتين والله يسهل عليج ويثبت حملج