من سمعت بالمركز البريطاني للعقم

[space wamen]

السلام عليكم ...

حبايبي ...

من سمعت او درت او راحت للمركز البريطاني للعقم وطفل الانبوب في اربيل ..

ابنة خالتي راحت له .. وتقول ماشاء الله تقنيات هائلة , والدكتور المشرف بريطاني معه البرفسور محمد ..

انا مشكلتي اريد اعرف هل يمكنهم البحث عن الحيوان المنوي بعد فتح الخصية مكريسكوبيا ,
يعني شوي مشكلتنه صعبة . .

واسال الله العظيم رب العرش العظيم ان يفرج همنا ويرزقنا من غير حول منا ولاقوة ..

( حسبنا الله سيؤتينا الله من فضله إنِـا الى الله راغبون )

[white flower]

والله يا عزيزتي اني ما اعرف اي شي عن هذا المركز

إن شاء الله البنات يكدرون يفيدوج

تحياتي يا وردة

[املي برحمتك]

والله حبيبتي ماعرف
بس انتي شنو مشكلة زوجج لان اني هم السبب من زوجي

[space wamen]

اهلآ وسهــلآ ..الوردة البيضاء ..تحيآتي لمرورك وشكرا جزيلا

صمت الازمان..اختي مشكلة زوجي عقم اولي يعني صفر بسبب خلل وضمور في الخصية بسبب تعلق الخصية اثناءالطفولة ..

وانتي شنو السبب تحياتي ورزقنا الله من فضله

[املي برحمتك]

حبي اني عنده ضعف ونسبة الاكتف صفر
والعدد بين ال5 ملايين والسبعه نتيجه النكاف من جان صغير
بلك يالله يباوع على حالنه

[space wamen]

اللهم امين وهو ارحم الراحمين ..

طبعا عندي صديقات ازواجهن صفر بسبب النكاف يعني انتي زوجك احسن ان شاء الله ..

وخلي زوجج يستعمل البروكـسيد بلس ان شاء مفيد لحالته ,,
ولابد المراكز المتطورة تقدر تطلع كم حيوان بيه اكتف يحقنونه ..
الله يرزقنا

[naznaz]

مرحبا ختي

اني قبل يومين رحت للمركز بريطاني هم جان عندنا شوية اسئلة وسمعت عنه عن طريق اعلان بالتلفزيون على اساس جايين دكاترة من بريطانية, بس من رحت ماجان فد شي,اكو بيها د.محمد هو اختصاصه اطفال انابيب وعقم وابوه جراح اثنيناتهم دارسين باللندن يعني هم عراقين بس فاتحين مركز باسم مستشفى بريطاني اني عن نفسي ما ارتاحين لهم.!!!!!!
وادا تريدين رقم المركز اني عندي

[أشرقت]

ياريت اختnaznaz تسولفين عيه يعني التعامل الكلفة الاطباء شنو شفتي هناك من حالات

[naznaz]

مرحبا اختي (الله كريم)
المراكز كلهم يدعون بوجود مشرف غير عراقي عليهم, بس هدا الركز ماعندها شهرة في اربيل . الي اني شفت نسبة كلش قليلة من مراجعين .
وفيا يخص التعامل جان تعامل دكتور ويانة كلش زينة .
وتكلفة اعتقد00 45 حتى 5000$

[samar333]

اخت ناز اذا انتي من اربيل او بنت اربيل ياريت اتفيدينا اشويه يعني من خلال ماسمعتي احسن مركز وموثوق باربيل منو والله اكو ممنونه الج واستفسار اخر انتي ناز الي درست اداب انكليزي مسائي جامعه بغداد بسنه 1998

[naznaz]

شلونج اختي سمر
اي اني من اربيل بس مو هي ,اني ماشايفة بغداد اصلا
وبالنسبة للمراكز الي باربيل اكو هواية مراكز مثل
مركز اناتوليا _مركز هولير_مركز سوران_مركز اخر في مستشفى سردم_مركز بريطاني _مركز مستشفى ولادة
بصراحة مااكدر اقرر ياهو احسن او اسوء بس اني جربت مركز هولير وفشلت ومركز ولادة هم ماصار حمل وهسة ناوي اكرر في مركز ولادة وزرت مركز بريطاني ومستشفى سوران بس ما اقتنعت بهم
و اي معلومات اخر اني حاضرة اختي

[حلا الروح]

اختي اني سمعت العلاج بلبنان كلش مضبوط بس مااعرف اذا احد مجرب اما الطب الانابيب مو زين بلعراق حتى بسوريا عندي كرايبنه تروح كل سنه لسوريا بس مستفادت شي اما لبنان ودينه بابا وعمي لعلاج عام هناك وجانت عمليه بابا كلش خطره والحمدلله نجحت اني اعرف هسه تكولين هذا مو موضوعنه بس حبيت ابينلج تطور الطب هناك ماانكر هناك العلاج كلش غالي
حبي ان شالله الله يرزقج ويرزق كل محرومه بلذريه الصالحه

[merna]

حبايبي اني راجعت مركز سوران قبل اشهر بس مقتنعت بيه كانت د اطياف الي اصلا هيه مو اختصاصها انابيب دخلت دوره بلبنان شهرين وصارت هسه بس هيه وبس وعرضت حاله زوجي عليها وع الدكتور الاردني بس هم معرفو الحاله وكالو ناخذ خزعه المهم مقتنعت وطلهنه ورحنه هم لمركز ساوا بسليمانيه هم مقتنعنه لام اصلا المستشفا عباره عن غرفتين وصاله ومكان اكو احد يمه.... ونصيحيتي الكم خواتي الي تريد تسوي انابيب خل تورح بره العراق بس مادري سوريا لو عمان الافضل اريد ارائكم ولتنسوني بالدعااااء

[merna]

حبايبي اني راجعت مركز سوران قبل اشهر بس مقتنعت بيه كانت د اطياف الي اصلا هيه مو اختصاصها انابيب دخلت دوره بلبنان شهرين وصارت هسه بس هيه وبس وعرضت حاله زوجي عليها وع الدكتور الاردني بس هم معرفو الحاله وكالو ناخذ خزعه المهم مقتنعت وطلهنه ورحنه هم لمركز ساوا بسليمانيه هم مقتنعنه لام اصلا المستشفا عباره عن غرفتين وصاله ومكان اكو احد يمه.... ونصيحيتي الكم خواتي الي تريد تسوي انابيب خل تورح بره العراق بس مادري سوريا لو عمان الافضل اريد ارائكم ولتنسوني بالدعااااء