سؤال --حامل وشايلة لولب

[ام كرم]

السلام عليكم ورحمة الله وبركاته

محتاجة مساعدة الدكتورة وكل عضوة عدها معلومة ياريت اتفيدونا والله يجزيكم كل الخير والكم الاجر والثواب يارب

اختي شايلة لولب صارلهة سنتين ونص وكل ثلاث اشهر تروح اتجيك
هذا الشهر اجتها الدورة على شكل نقاط خفيفة لمدة 15 يوم راحت لدكتورة كلتلها اللولب ابدا مدا يبين وبعد مسوت سونار طلع انها حامل بشهرين واللولب موجود فوق الطفل وحاليانبض الطفل وحالتا زينة بس الدكتورة كالتلها يمكن راح يصير اسقاط ونطتها علاج مثبت للحمل

بس اختي واحنا كلش قلقين وبصراحة اني خايفة عليها وخايفة يصير تشوهات بلطفل او ميبقى اصلا
دكتورة انتي شنو رايج وشدكولين واسفة دا نشغلج ونزعجج

[~.~ ميمو العسل ~.~]

حبيتي ربي يتمم عليها حملها كل خير وان شاء الله ماكو علية شي وان شاء الله الدكتورة تمر على موضوعج

[lovelysara]

ربي يتمملها على خير حبيبتي وماعدها الا العافية

[ام كرم]

الله يعافيكم يارب
ياريت الي مرت عليها هيج حالة او عدها كم معلومة همين اتساعدنا الى ان تجي الدكتورة

[Dark Spirit]

ماعدها الا العافية يارب
وان شاءالله الطفل سالم وتفرحون بسلامتهم اثنينهم

[sara201012]

ان شاء الله ماكو غير الخير

[طيف79]

والله حبيبتي ماعندي علم ان شاء الله اختج ماعدهة غير العافية

[ام كرم]

دارك سارة ريحانة
تسلمون الله يعافيكم يارب

[د.فراشة الليل]

حبيبتي
ممكن يتم حملها على خير مع وجود اللولب هوايه حالات هيج صايره
اللولب بحد ذاته ميسوي تشوهات وحالة الاسقاط مع اللولب نادره
بس ممكن تتعرض الحامل لالتهابات نتيجة وجود اللولب وبالتالي تقلصات
لكن ممكن يتم الحمل على خير وبعد الولاده يستخرج اللولب
ماكو شي ان شاء الله

[ام كرم]

شكرا دكتورة
والله يطمن قلبج مثل ما طمنتينا
بس اذا سمحتي بسؤال ولو دا اتعبج وياية
هي مرات اتشوف نقط دم قليلة
يعني هذا طبيعي
و مشكور ة والله يعطيك الف عافيه

[د.فراشة الليل]

اذا قليله كلش يعني مره كل يومين هذا عادي
اما اذا يوميا او اكثر من مره باليوم
فلازم تدير بالها على نفسها وتاخذ مثبت وتتجنب الجهد
وتبقى تتابع بالسونار شهريا وضع الجنين

[ام كرم]

لا الحمد لله قليل
الله يجعلها بميزان حسناتج دكتورة
اسفة على الازعاج

[fulla86]

اني حملت ببنتي بوجود اللولب عادي ميصير شي

بس اني بشهر الثالث شلته للولب ومصار شي وجبت طبيعي وعادي


يعني مندري شنسوي حتى باللولب نحمل والله بوكتها ردت اتخبل

[Miss Sarosh]

الله يقومها بالسلامة هي والبيبي

[♥؏مور♥روحے♥]

الله يكومها بالسلامة ويبعد عنها كل مكروه

[احباب الروح]

ان شاء الله ياربي سلامتها هيه والطفل

[ام كرم]

منورات واشكركم عاى وكفتكم هي حاليا بلشهر السادس والحمل زين بس اللولب باقي مع الطفل لان الدكاترة مكدرو ايطلعو وكالو مابيها شي انشاء الله
اشكركم ومنورات