دكتورة اريد نصيحتج

[طيف79]

مرحبا دكتورة
دكتورة اريد نصيحتج حيث انني اعاني من فشل في خروج البويضة الناضجة من الجريب , عملت سونار داخلي في اليوم 12 من الدورة وكان حجم البويضة 20-21 ملم وفي اليوم 16 من الدورة ايضا عملت سونار داخلي ووجدت الدكتورة ان البويضة لم تنفجر وان حجما وصل الى 23 ملم على الرغم من ان دورتي كل 24-25 يوم فما هو السبب يا دكتورة وما هو العلاج وهل هناك امل بعد الله بحدوث حمل علما انني متاخرة بالحمل لاكثر من سنة وعندي طفلين الله يحفظهم . وشكرا

[أم يوسف]

والله حبيبتي اكيد الدكتورة افهم مني بهذي السالفة
بس عن تجربة اكو ابرة تنطي بيوم 14 او 15 من الدورة تفجر البويضة وهي حالة كلش بسيطة هوايه اعرف بس يضربون الابرة يصير الحمل
ان شاء الله الشهر الجاي تكونين حامل وربي يرزق كل وحدة بالذرية الصالحة

[طيف79]

اشكرج حبيبيتي ان شاء الله يقضي حوائج المحتاجين بجاه مصاب الحسين واله بيته.

[sara201012]

اي حبي ان شاء الله ماكو شي بس تضربين الابرة التفجيرية تخرج البويضة وان شاء الله تجين حامل وتفرحينه

[طيف79]

اشكرج عيوني والله يسمع منج ويرزقني ويرزق كل متمنية للحمل يا الله, واني سبق ان اخذت منشطات وابرة تفجيرية بس ماصار حمل . الله كريم ان شا الله خير.

[د.فراشة الليل]

حبيبتي الابر التفجيريه ممكن تساعد هذي الحاله
بس من تضربيهه ووره 36 ساعه بالضبط لازم تسوين سونار حتى تعرفين صار تبويض او لا
حتى نعرف اكو حالة تكيس لو لا؟
وبعدهه ممكن نعالج الموضوع
وان شاء الله حاله بسيطه وممكن يصير حمل باي وقت
تحياتي

[طيف79]

مرحبا
اني عملت سونار داخلي في اليوم 14 وكان حجم البويضة صغير 14 ملم واخذت ابرة منشطة 75 iu وبعدها بيوم اخذت الابرة التفجيرية 5000 وحدة دولية وبعدها ب48 ساعة تابعت التبويض بالسونار فوجدت ان الاباضة قد حصلت فماذا يعني ذلك يادكتورة .