ساعدوني بخبرتكم الله عليكم

[لولو 2009]

شلووووووونكم بنات ساعدوني واتمنى الدكتورة هم تدخل تساعدني
راح احجيلكم وبالتفصيل انا كنت استخدم حبوب المنع الياسمين مدة كم شهر وتركتة لان كنت اريد الحمل طبعا اول شهر ماكو من تركتة كلت خل انتظر وانتظرت شهرين و3 و4 و5 شهور وهم ماكو هنا بدء القلق عندي راجعت دكتورة وكتلها صارلي كم شهر تاركة المانع وماكو حمل كالت الدورة منتظمة كتلها لا كالت راح اسجلج منظم ومايمنع الحمل بنفس الوقت وتاي فحصتني كالت نظيفة ماكو اي التهابات وفحصت صدري وماكو حليب هم ولله الحمد
واستمريت ع المنظم وبس تركتة رجعت خربطة الدورة ورحتلها كالت استمري علية لانة مايمنع الحمل وخذيت سونار بيوم 13 من الدورة وكان حجم البويضة 10
فكتبتلي منشطات كلوميد على الرغم انا اخاف من المنشطات بس توكلت على الله وخذيتها حبتين باليوم من 5 الدورة وياها ابرة لتنزيل البويضة بيوم 13 من الدورة
وتالي خذيت سونار بعد اخذ الكلوميد وكانت حجم البويضة 16 هذا بيوم 13 من الدورة
وكل املي هالشهر احمل لكن انصدمت بالدورة وكلش ضجت على الرغم من انا بعد الجماع انام على ظهري ورافعة رجلي فد ربع ساعة
والدكتورة كالت اذا ماحملتي زيدي جرعة الكلوميد 3 حبات باليوم مع الابرة بيوم 13 من الدورة واستمر عليه 3 شهور وتالي اراجعها اذا ماكو شي
بس مااصبر بعد هالشهر كلش انحبطت وللله الحمد على كل شيء
وانا سمعت بعصير الاناناس هم زين يصير اخذه هالشهر مع الكلوميد
ياريت اللي عدها اي خبر بهالموضوع اتساعدني واكون ممنونة واسفة على الاطاله

[هانزادة]

حبيبتي لولو انا اول ماتزوجت رأسآ بأول شهر حملت الحمدلله صار عندي بنوتة ورا ثلاث سنوات ردت احبل بس صار عندي مثل حالتج بس الدكتورة كتبتلي كلوميد وابرة 13 من الدورة اول شهرين ماصار حمل بس الشهر الثالث كتبتلي نفس العلاج بس وياها 3 ابر مقوية نسيت اسمها كل يومين اضرب وحدة وجان سعر الوحدة 35 الف وراسآ الشهر الثاني صرت حامل واسفة على الاطالة بس انتي استمري ويا الدكتورة ولله كريم ويرزقج

[لولو 2009]

تسلمين لاجابتج بس هم كلتلج زيدي جرعة الكلوميد لو لا
والمشكله اني هم التفكير بالحمل كاتلني هذا الشي هم يأخره بس والله مو بيدي مو بيدي

[هانزادة]

لا ماكلتلي ازيد الجرعة بقت نفسها
وانتي حبيبتي لاتظلين تفكرين اذا مابيج شي انشالله يصير حمل بس ينراد وقت واهم شي الاسترخاء

[لولو 2009]

بنات وين ردودكم منتظرتكم ومنتظرة الدكتورة تدخل وتجاووب

[لولاتي]

حبي هذا حملج الاول لو صاير عندج حمل قبل
؟؟؟؟
مو هذا هم يأثر واما الكلوميد اني سامعة عنة انة اخذة اكثر من ستة اشهر يسوي تكيس و هواي 3 حبايات باليوم واني هم سامعة انو الاناناس كلش زين ويكبر حجم البويضة واللي اعرفة انو تبقين اكثر من ربع ساعة نايمة نامي فد ساعة رافعة رجليج خسرانة خسارة و بعد الجماع استرخي وخللي ببالج انو انتي حامل وما بيج شي والله نفسيا ترتاحين وتحملين ترة التفكير والقلق هم يأثر يموضوع الحمل وان شاء الله ما عندج الا العافية وتحملين الشهر الجاي امييين يا رب
حبيت افيدج بالمعلومات اللي اعرفها وان شاء الله البنات هم يفيدوج

[لولو 2009]

تسلمين لولاتي عندي طفل راح يصير4 سنوات
وطمنييني احاول استرخي والله كريم
بس هل المانع يسبب عقم هذا الشي مخوفني
وين بقية البنات لاتبخلون بردودكم الحلوة باللي تعرفوه
واتمنى هم الدكتورة تساعدني واكون ممنونة

[لولو 2009]

وعلى فكرة صارلي 3اشهر استخدم الكلوميد وزيدت الجرعة على كلام الدكتوة وهم ماكو شي

[لينا 2012]

خيتووو انتي سويتي اشعه ملونه حتى تعرفين الانابيب مفتوحه لو لا
تره كثره المنشطات موزين يارب يرزقج بالذريه الصالحه

[ملاذ]

حبيبتي ديري بالج على نفسج انتي ليش مستعجلة والله رازقج طفل والحمد لله يعني اكو امل يصير عندج احسن بهواي من غيرج زين انتي اخذتي حبوب مانع فترة وتركتيه وشفتي نفسج مبيج شي بعد المن المنشطات موزين عليج عمري مع الاسف اكو دكتورات يلجان دائما للمنشطات وهاي الحالة بس بالعراق بنت اختي تقريبا مثل حالتج اخذت حبوب منع الحمل من بداية زواجه لان جانت تدرس وبعد مرور 3 سنوات تركتة وانتضرت الحمل وهم مصار عده شي طبعا هي بااستراليا سوله تحاليل وكولشي وملكو بيه اي شي يمنع الحمل كلوله انتضري رزق ربج مبيج شي وهي كالت للدكتورة ليش متنطيني منشطات كالتله لالالالالالالالالالا ابد لاتفكرين بالمنشطات خليج على طبيعتج ليش تمرضين روحج وانتي مبيج شي وبقت 7 اشهر وصار عده حمل والحمد لله بدون لا منشطات ولا شي عمري هو رزق وربج مايسوي شي ال بي صالح للبشر بس احنة البشر ماعدنة صبر صبري عمري وانصحج تركي الكلوميد وخليه ورى ربج واسفة على الاطالة بس والله انقهر من اشوف وحدة مبيه شي وتطيه كلوميد الكلوميد يطوهاللي بويضاتهم ضعيفة وانتي والحمد لله من القريتة مبيج شي والله يرزقج بالذرية الصالحة

[* لبنى *]

الله يرزقج الي تريديه
حبوب منع الحمل احيانا يبقى تأخيرها حتى لبعد الانقطاع من اخذ حبوب منع الحمل
يعني اعتقد هذا شي طبيعي انه ما يصير حمل راسا
هم دائما ينصحون انه ما يستعملوها اكثر من ست اشهر
اصبري و لا تجازفين هوايه بالادويه و كثري من الاكل الصحي
و الله كريم

[لولو 2009]

تسلمون لدودكم
بس حبي اقول اني من بعد قطع المانع بعدة شهو يلا راجعت دكتوة وهي اللي وصفتلي كلويد يعني مو من البداية اجعت لان كانت حجم البويضة 10 فاكيد تحتاج منشطات

[لولو 2009]

وعلى فكرة اني راح يصيرلي اكثرمن سنة من قطعت المانع يعني اعتقد فترة طويلة للمناعة
واللي خوفني ازيد سمعت انو المانع يسبب عقم يعني هواي ناس استخدموه وماصا رحمل بعد ماقطعوا ومااعرف هالشي صحيح ولا لا

[(*um rose*)]

حياتي انتي التفكير مدمرج دمار خليج من التفكير و ريحي بالج يمعوده الحمدلله عندج طفل اكو ناس بحصرت الطفل هذه اول شي و ثاني شي الحبوب منع الحمل ميسوي عقم بس يبرد الرحم الي فتره وره ما تقطعي الرحم يرجع يتنشط و البويضات يصيرن نشيطات
عمري ليضل بالج ربي يرزقج بذريه الصالحه بحق حبيب محمد و خلي عينج بعين رب العالين هوه يسهله عليج انشالله

[ياقوتة]

والله حبيبتي اني اول ماتزوجت صرت حامل بس اسم الله عليج صار عندي اسقاط ووراها بقيت 4 اشهور وماكو حمل راجعت الدكتورة انطتني كلوميد وجربتة شهر بدون ابرة والشهر الثاني وي الابرة وصرت حامل ببنتي والحمد لله وان شاء الله يوم الالج وتفرحين بس اهم شي الحاله النفسية حبيبتي ريحي بالج والله مايقصر ان شاء الله

[لولو 2009]

تسلمون لردودكم
والله يرزقني ويرزق كل محرومة
بس منتظرة الدكتورة تدخل وتشوف مشكلتي

[ملكة الجماجم]

قريت كل الموضوع والردود واكولج ابقي مع الطبيبة هي متابعة حالتج وكله بيد رب العالمين وادعي الله يرزقج (اللهم لا تذرني فرداً وانت خير الرازقين) بس لازم تاخذين بالاسباب وعلى الله التكلان وان اء الله نسمع اخبار طيبة منج يا وردة
تحياتي

[لولو 2009]

شكرا عزيزتي ان شاء الله تسمعون اخباري بس ادعولي دعوة الغريب للغريب مستجابة

[لولو 2009]

وعلى فكرة اني قريت عن التبخر بالشاي الاخضر وقت الدورة مفيد لانه ينزل كل الوساخة المتبقية ويساعد على الحمل وجربتة هالشهر والله كريم بعد

[ام الفهد]

حبي لولو ماكو داعي للقلق الي انتي بي والحمد لله عندج طفل ولتكثرين من الكلوميد لان مضاره اكثر من منافعه وخليهه على الله هو احسن الكل
وان شاء الله اتفرحينه ابحملج عن قريب