ساعدوني ابني عندة اكزيما

[ياقوتة]

السلام وعليكم
ياريت الدكتورة تنصحني بطريقة بعلاج لابني هو عمرة سنة وسبع شهور من كان عمرة تقريبا سنة بدات عنده اكزيما وكانت قليله كلش بايدة وديته للدكتوروانطاه كريمات واستخدمتهم راحت الي بايدة الحمد لله
هذاالشتا اتفاجئ انه بوجهه وتحت عيونة وهمين رحت للدكتور وانطاني كريم للمناطق الحساسة تحت العيون بس مجاي تفيد والله لو تشوفوا يكسر الخاطر محتارة شسوي وبعدين الي كانت بايدة من راحت بقى اثر وخايفة همين يبقى اثر جوة عيونة
افيدوني يرحمكم الله بحق محمد وال بيتة الطاهرين

[~.~ ميمو العسل ~.~]

ان شاء الله الدكتورة تمر على موضوعج وتفيدج اني ماعرف فد كريم يفيدج

[Miss Perfume]

شلون شغلة هاي خطية .. بس للاسف مااعرف وان شالله الدكتورة ترد عليج
بس انتي تحتاجين طبيب جلدية

[لولاتي]

حبي اني هم بنتي عندها اكزيما والدكتورة انطتني كريمات بس تركيب ما اعرفها بس كالتلي اهم شي تمتنع عن الجبس و النساتل والموز لحد ما تصير زينة والحمد لله لعلاج فادها ويكولون هذا يصيحولة اكزيما ولادية من يكبر تروح ويكولون اكثر شي يصير بسبب اختلاف دم الاب والام هذا اللي اعرف وان شاء الله الدكتورة تدخل وتفيدج

[* لبنى *]

الله يشفيها يا رب و ان شاءالله تكونين لكيتي العلاج المناسب
اذا ما فاد غيري الطبيب
و اهتمي باكلها
الله يساعدج و يشفيها يا رب

[ياقوتة]

الله يخليكم ومشكورين على الرد والدعاء

[ياقوتة]

دكتورة عيوني ردي علي اذا عندج حل او وصفة تفيدني

[سنوبيا]

اني جهالي 3 عدهم اكزيما كل جسمهم وجهم ومرات جان تزيد كلش وجهم قطعة حمار وسولهم فحص وكلشي وكلاشي وكتبولهم كريمات لجسم كريم ولوجة كريم ثاني بس كالت هل كريمات ميصير على طزل تستعملو لات بي مواد مو زينة هسة الحمد الله كلششش قل كلما يكبرون يقل وابمن جوارينة هم عدة بس يروح لتونس وامة تاخذة لبحر يرجع مباقي ولاشي ورا فترة هم يرجع مي البحر يفيد يكولون كلش دائما خلي وجة رطب خليلة فازلين هم كلش زين وربي يشفي هو بس فترة ويختفي

[ياقوتة]

حبيبتي مشكورة والله يسمع منج ويخليلج اطفالج

[(*um rose*)]

ولله مااعرف شكلج حبيبتي
بس اني اكول غيري دكتور راجعي دكتور جلديه اضبط
و ان شالله عنده العافيه

[ياقوتة]

مشكورة حياتي هو والله اني راجعت دكتور الجلدية وتعرفين هنا شوي المواعيد مالتهم تشلع الكلب هسة حجزت له لشهر الثالث والله كريم

[د.فراشة الليل]

حبيبتي مثل متعرفين اني طبيبه نسائيه
وانت تحتاجين طبيب جلديه لان مثل هيج شغلات حساسه ومتتحمل تجربين اي شي
واعذريني من التقصير