مشكلتي مع الرضاعة

[zainab_2010]

سلام عليكم ياأمهات ياحلوات

بنات والله راح اتخبل من مشكلة ده تواجهني حاولت احلها بس ماعرفت فه قررت اكتبها هنا

بلكي احد عنده حل الي لان صدك تعبت

هاي من اول مااجتي رنيم على الدنيا ماترضع زين بس كلت اول شهر يمكن لان ماتعرف ترضع وبعدين تتعلم بس ماكو الفايده والمشكلة هي ,,,,,,,,,,,

انه من اريد ارضعها ترضع 3 لو 5 دقايق عادي وبعدين تبجي وتجر صدري وترجع راسها ليورة بكل قوتها وارجعها بحلكها تمص شوية وترجع تجره وتبجي واني حيل اتأذه بس رغم هل الشئ اكول ميخالف واجبرها اخلي بحلكها بس تبقى بس تبجي حاولت اجوعها حتى تاخذه ومافاد وياها ابد ......
والله حايره شنو اسوي وياها لان هي اول اسبوعين حيل نزل وزنها فه الدكتور كتبلها حليب فه كنت ارضعها وبعدين انطيها نص ممه لان كانت ماتنام من البجي ومبينه كانت تجوع لان مترضع زين.
هسه اني وياها طول النهار والليل عرك هي تجره واني ارجعه بحلكه بس حيل ده اتأذه من هل الشغله وهي خطيه متشبع
ومع العلم عندي حليب لان من اسحب يطلع


بنات الي عدها حل لاتبخل عليه

واسفه على الاطاله

[نناوي]

والله زنوبة مااعرف شبيهة بنتج بس اذا تشوفيهة تاخذ الحليب الصناعي انطيهة من عندة ماطول دترضع منج قليل المهم تاكل وتشبع احسن مما تبقة جوعانة خطية
وان شاء الله البنات هم يساعدوج

[نور الصباح]

زنوبة بنتج اخذت الممة مووووووووووو

لان اغلب الاطفال يحبون الممة علمود سهلة ومتعب
بس الرضاعة الطبيعية افضل حاولي ترضعيها شكد مدكدرين وهي تتعود
على الاقل للست اشهر حتى تحصل مناعة وتبدي تاكل اتصير الرضاعة اقل
والله يساعدج تحملي كله بأجرة
بوسيلياها للوكيحة شالعة قلب امها ههههههههههههههه

[~~الـــحـــنـــونـــة~~]

:mbv:نفس المشكلة اعاني منها هع بس اني اشطر منج لكيت الحل:008:

كلما تجره من صدرج تريعيها ظلي خليها على كتفج الى ان تتريع 3 مرات ورجعيها تكمل وهكذا ابني العوب نفس المشكلة ولازالت قائمة بس ابد لتعوفيها صدرج لان يصير عدها مناعة وساعديها بالممة

[ضوء النجوم]

حبيبتي زنوبة حاولي وية بنتج بالرضاعة قدر الامكان لان ماكو احسن من الرضاعة الطبيعية وحتى لو بمساعدة الممة بس المهم ترضعيها انا حمودي رضعتة 10 شهور وبمساعدة الممة وكله وكلولي كلش فترة قليلة لان هو مارادة تالي وهم عانيت بالبداية لان جان يرغب للمة بس حاولت وياه فانتي حاولي بقدر ماتكدرين

[سنوبيا]

اذا تريد الممة اشتري من صيدلية اكو راس ممة تخلي على صدرج يجوز متعرف ترضع من صدرج ؟

[zainab_2010]

مشكورات بنات والله حيل ده اتعب وشنو اسوي ميفيد

اجرب بس هل الشهر ماكو افطمها شسوي بعد

شكرا مره لخ

[صموووته]

الله يساعدج قلبي زنووب
خوووش فكره سنووب انطتج
خطيه لتفطميها من هسه شكد مترضع منج خل ترضع
وعوضيها بالممه من متقبل

[بزونه]

حبيبتي من خبرتي ابنتي اخاف اكو بحلكه فطرياااات وترضع اشويه وبعدين متكدر ترضع لازم اتوديه طبيب ويشوفهه
الفطريات اصير بيضه بالحلك وعلى اللثه وياريت اكون فدتج

[Miss Perfume]

زنوبة السبب الاول انه صدرج مابيه حليب هواية
وهية بعدهي صغيرة فمتكدر ترضع حيل .. ترضع شكم دقيقة وتتعب من المص
المفروض انتي هسة صدرج يدر حليب يعني متحتاج ترضع حيل علمود الحليب يطلع
مدام بالبداية ترضع زين معناته ماعدهة مشكلة بس دتبجي لان متشبع يكوم صعب يطلع لحلكهة
اما تشفطين اكيد راح يطلع لان الشفط اقوة هيه كلهة عمرهة شكم اسبوع يعني بعدهي رضعتهة موقوية
غيري نظامج واكلي اكل يسوي حليب وماوصيج التمر ماكو احسن منه

السبب الثاني احتمال يكون عدهة فطريات بس اكيد تكونين لاحظتي لان يصير داخل حلكهة ابيض

وديري بالج تفطميهة ترة تشلع كلبج من الامراض لازم وحتما اول ست اشهر على الاقل تاخذ صدرج

[zainab_2010]

والله يابنات حاولت كل شئ اسوي وياها
وهي فعلا عدها فطريات وتأخرت الدكتورة الغبره يالله انطتني علاج الله الله لايوفقها شكد كلتلها دكول لا اله يصير هواي يالله عمه بعينهم

وعطورة حليب عندي بس مثل مكلتي اله تمص يالله يطلع يعني مو هيج بوحده يطلع

وشكرا الكم حبيباتي

[زهوره وابوهه هما دنيتي]

حبيبتي كل اللي ذكرتي عانيت منه بالضبط
وصراخ زهوره بده يوصل سابع جار كلما ترضع ودموعهه تجري ومتشبع وصارت الرضاعه عبالك معركه مو رضاعه

لحد المسكينه الف اسم الله على طفلج التهبت حنجرتها من الصراخ واضطريت اترك صدري واخليها بس ع الديالاك
بعد ما استشرت الطبيب والحمد لله هسه حنفوشه ودبدوبه
صح ماكو احسن من حليب الام بس شنسوي اذا رضاعتنا تاذي الصغير بهالشكل
وتعرفين شنو السبب هو ((عدم بروز الحلمه))كل ام مابارزه حلمتها يكون هذا حالها
تحيات اختج ام زهوره

[عطر الجنة1]

دخلت لموضوعج وماحبيت اطلع من غير ما ارد
خطية لاتفطميها بعدها اصغيره
تحمليها شوية

[zainab_2010]

عطر شسوي والله تعبتني عفيه اسئليلي امج احد جبير عنده خبره بلكي يفيدوني
ومشكورة يقلبي

[مسره]

زنوبه حبي الله يعيينج والله نفس مشكلتي وي ابني (اول طفل) شوفي حبي جانت وحده كرام زورخ الله يرحمها هي علمتني لزمة الصدر غلط والحلمه ناعمه لهذا الطفل ميرتاح بالرضاعه حبي حاولي ترفعين صدرج وتخليها تفتح حلكها ولزمة هم انتبهي الها خلي ظهرها مستقيم الطفل اذا مرتاح ميرضع عدل وجانت تكولي اكلي حلويات هواااي يصير الحليب طيب ويصب بحلك الطفل ميتعبه
عمري جربي هاي الاشياء وانتبهي علئ لزمتها وابد لاتخليها تاخذ حليب اول حاولي كلشي وياها والله يعينج

[سنوبيا]

رجعت اشوف وين وصلت رنيم خانم خخخخ اكولج لازم يومية تطيها شوية مي حتى ينظف لسانها من الحليب حتى ميتجمع ويصير فطريات شعجب معلمتج الكرام زورخ هل شي وشكرا

[بزونه]

حبيبتي زنوبه مدام كلتي عده فطريات خلص يعني هو هذا السبب عالجيه وانشالله ترجع مثل الاول رضاعتهه

[Dark Spirit]

اني مثل ام زهراء
هم تبجي لان الحلمة صغيرة ومابارزة وجانت معركة اصير عدنا بس كمت اسحبلهيا وانطيهيا لحد الشهرين
وراها اعتمدنا عالحليب الطبي سيميلاك ادفانس والحمدلله

[zainab_2010]

بنات اني هيج كنت اسوي انضف حلكها سهير حجتلي
بس مفاد وياها لان اخذتها للدكتورة الله لايوفقها وكالت عادي وخلته صار كومه
دارك اني ده انتضر تعدي هل الشهر واشوف شون لان اني الحلمه جبيره مبيها مشكلة

[sasa2009]

زنوبة نفس مشكلة لولي نفس الشي والله تعبني حيل بس بعدني دالح وياه وحرام تنفطم من هسة بعدها صغيرة طولي خلق وياها قلبي انتي والله يساعددج حياتي

[أم نور]

هل عيني زنوبة

هاي شنو شالعة كَلبج هاي الوكحة

حبي حاولي وياها لا تقطعين عنها صدرج واذا تردين تنطيها من حليبج علمود تكسب مناعة اقل شي لحد الستى اشهر تكدرين تسحبين من صدرج وتنطيها بالممة بلكي تاخذه واذا تاخذ الحليب الصناعي هم انطيها ميخالف بس لا تعوفين صدرج

هاي خطية شموسة هم هيج معذبها ابنها الله يكون بالعون

[فضه]

نفس حالة بت اختي تصير مخبله بتهه من ترضعهه
تلزم بيدهه الممه اختي اتخليهه بحلكهه من تمصهه تطلعهه تخلي صدرهه وشويه ترضع وتحس وترجع تعوفهه
وهم تخليلهه الممه الى ان ملت اختي ونشف الحليب وهسه كوله عالممه
مااعرف شبيهن بنات 2011:044: خخخ

[zainab_2010]

ذولي جيل الانترنيت والفيس حتى حليب الام ميردوه هع هع
اخذتلها سبوعين صارت زينه وكمت اوفي بالنذوره صار سبوع حتى دم طلع من التجرجر هعههههههه بس خلي تكبر شوية وتشوف شلعب بيه جوله