~~الـــحـــنـــونـــة~~
21-11-2011, 10:47 PM
السلام عليكم ورحمة الله وبركاته
شلونكم جميعا
طبعا الاخت الغالية ملكة لكش ربي يرزقها ويرزق كل محرومة وكلمن تتمنى الحمل قادر ياكريم الذرية الصالحة عاجلا غير اجل ان شاء الله طلبت مني احجيلها قصتي ويه تاخر الحمل طبعا راح اكتب القصة واعتقد شكد مراح اكتب اكيد راح انسى هواية امور
اني تزوجت من ست سنوات طبعا اول ايام عرسي بعد العرس بكم يوم اجتني الام فضيعة بظهري وبس ابجي ومااكدر اتحرك عيالي كلولي هذا تشنج بظهرج واني همين كلت هيج لان الالم مو مال فقرات لا الم كلش قوي كلت اكيد تشنج واخذت حبوب ودهونات ومرحت لا الطبيب ولا شي كلت تشنج بقيت فترة تقريبا السنة اني ماافكر لا بالطفل ولا بالحمل لان اكول اول سنة عادي الوحدة ميصيرلها قابل الا من اول كم شهر وبعدها يعني بعد السنة وصفولنا طبيب فكلنا خلي نروح نجيك نفسنا نشوف شبينا رحنا للطبيب انطانا تحاليل اني وزوجي وسونار الي سويناهم طلع عندي هرمون الحليب مرتفع وزوجي طلع عنده جراحة العفو بالحيوانات المنوية والسونار مالتي كلش زين والرحم نظيف فطمانا الطبيب وكال ماعدكم شي يخوف راح انطيكم حبوب كل اسبوع حبة حتى يروح الحليب وانطى الزوجي علاجات كومة اني من خلصت الحبوب رحت جيكت جان اشوف الحليب رايح من عندي وكلش فرحت وزوجي راح عاد التحليل وهنا الصدمة جان نشوف النسبة كلش زايدة والطبيب كلما نروح اي ومبيكم شي وشغلتكم سهلة وانطانا كل التحاليل اللي تخطر على بالكم اي تحليل تتوقعوه سويناه المهم وصلنا بالاخير الى انه لازم نجيك الانابيب مالتي وبهذي الاثناء الطبيب ارتكب خطا وهو انو عاف زوجي وكام ينطيني علاجات زين انت غير تنطي علاج الزوجي يصير زين وبعدين اني؟ المهم اخذت اشعة ملونة وجانت الصدمة انو الانابيب مالتي مسدودة وظليت كومة ابجي كال تحتاجين عملية لازم نجيك ونحاول نفتحهم وبالفعل حددنا موعد العملية وسويتها ورا سنة وسبعة اشهر من زواجي ومن طلعت من العملية الطبيب كال الاهلي انفتحوا الانابيب واحنه كلش فرحنا واني من شلت الخيط كلت هاي هي بعد ولا اروح ولا اراجع لان مبيه شي وظلينا سنتين لانروح ولا نجيك ابد متوقعين انو مبينا شي المهم ورا سنتين كلنا خلي نروح نسويلنا فايل لان يكولون راح يفتحون اطفال انابيب هنا يمنا فرحنا نسويالفايل وانطيت للطبيبة التحاليل جان تكلي ماما تقرير الطبيب يكول انابيبج مسدودة كتلها شنو هالحجي هو كال مفتوحة كالت والله هنا مكتوب حاولنا ومنفتحت واني هنا انهاريت بالبجي ومااعرف شسوي كام زوجي اخذني ورحنا للطبيب وكمت اعيط وابجي كتله انت خليتني على امل سنتين مااتعالج لان متوقعة مبيه شي جان بكل بساطة يكلي انت مجيتي لان اني جنت راح انطيج علاجات ونعيد الاشعة ونشوف واني متت بجي وطلعت من عنده مكسورة القلب والخاطر وبعدها استمرت رحلة العلاج كمت اروح على كومة طبيبات والله عندي فايلين متروسين ترس بين تحاليل وراجيتات ورحت عدت الاشعة الملونة طبعا هي لازم مرة وحدة يسوونها اني سويتها 3 او4 مرات مدااتذكر بالضبط والحمد لله طلعوا مفتوحات واتجهنا على الاعشاب استخدمنا هواية اعشاب والحمد لله نوعا ماجابت نتيجة بس زوجي بقت نسبته ترتفع وتنزل مستقرت ابد حتى رحنا على مستشفى شيلان واستفسرنا عن اطفال الانابيب بس بقينا مترددين وراها كالوا زوجج مدام عنده جراحة اكو طبيب هو اخصائي مجاري بولية وعقم الرجال ونسيت تكملة اختصاصة المهم زوجي راحلة وكله مقرر اسوي اطفال انابيب كلة والله متستوجب حالتكم كله شلون وهاي صارلنه كومة وبلا نتيجة المهم زوجي بدا رحلة العلاج وياه والحمد لله بعد فترة علاج الف الحمد لله النسبة استقرت ونزلت وطبعا نسيت اكللكم اني فترة من الفترات تخربطت هرموناتي وهمين ظليت فترة اتعالج وووووووكل شهر ينطوني ابرة التفجير اللي سوتني برميل وماانصح احد ياخذها كلشي مفادت طبعا راجعت غير هالطبيب كومة طبيبات وايضا بدون فائدة جانت تتاخر اشسمة وترجع تجي واني ظليت بنار الله العالم بيها بالاخير بقيت اكثر من سبعة اشهر بعد مازوجي تعالج واني جيكت مبيه شي تعبت من العلاجات قررنا نروح السوريا نجيك وهالحجي جان بالصيف كلنا بالدوام نروح نجيك ونشوف اخر جنص حتى بعدها نسوي اطفال انابيب المهم صارت السبعة شهور وهمين رحنا سوينا الفيزا وحجزنا سيارة تودينا السوريا وبس بقت عالاجازة مالتي ومال زوجي وهالحجي كله ماما مكارم تعرف بي وجانت تدعيلي فدوة القلبها المهم رحنا للمستشفى ومنطونا اجايز اني وزوجي كالوا ممنوع الاجايز الطويلة شكد ماحاولنا ومفاد ومتت بجي واحنه ردنا نروح قبل ماتجي الدودو حتى من تجي اني اكون هناك ونبلش التحاليل ومصارت وصكيت بجي وكتلة الزوجي ممكتوبلي اصير ام ابد وكلي ميصير تحجين هيج كتلة استغفر الله الف الحمد لله على كل حال وراحت الايام واجت الامتحانات وهمين على اساس نروح المدير مالتي كال روحي بدون اجازة انطيج اخر كم يوم بس زوجي منطوه اجازة وهمين بجيت ووراها بفترة انتظرت الدودو ماكو وكتله الزوجي خلي افحص وطبعا تكملة قصة حملي تعرفوها راح انسخها واجيبها واسفة عالاطالة بس والله القصة مختصرة لان ماحجيتلكم على كل طبيبة وشلون لعبت بيه طوبة وشكد طولنا بالعلاجات بالاعشاب ووووووالخ
وطبعا ياهي الاشوفها تكلي اكثري من الاستغفار وكولي ربي لاتذرني فردا وانت خير الوارثين وهمين كولي ربي اجعلها مخلقة غير معلقة واني بالسجود كل سجدة وكل صلاة اكول ربي لاتذرني فردا وانت خير الوارثين وطبعا مااحجيلكم على الناس وشلون من كلشي تخاف من عيني وميحجون كدامي واني انشال واندك واموت بجي واكول الزوجي والله مااباوع على جهالهم ولا اريد جاهل احد يكول زوجي اصبري ورب العالمين ميخيب عبده ابد والف الحمد لله مخيبني ربي يرزق كل وحدة تتمنى الحمل عاجلا غير اجل ان شاء الله ولايحرم احد من هالنعمة يااااااااااااااااااحق
جبتلكم القصة اني كاتبتها قبل بس كلت حتى المتعرفها تقراها
وهذي قصة حمل مختصرة جدا جدا جدا
طبعا يعجز لساني عن شكركم وعليم الله لو احجيلكم شلون حبلت تبجون
ومع هذا راح احجيلكم
قبل فترة جدا بسيطة ردت اروح السوريا اتعالج لانو ظليت افكر وابجي
كلت اني شوكت اروح اشوف شبيه طبعا هالحجي اني من قبل رمضان مماخذة
اي علاج المهم اخذنا اوراق وسوينا تحويل للمستشفى اني وزوجي
علمود ناخذ اجازة طبعا المستشفى رفضوا كالوا مبيكم شي لويش اجازة
ظلينا نحاول انسدت بوجهناواني كمت ابجي كومة بحيث زوجي يباوعلي ومقهور وميعرف شيكول
الى ان اقتنعت وكلت الحمد لله على كل حال وهذا الحجي اني قلبي محروك وبقلبي اكول ممقسوملي اصير ام وخلالهاا كلت كافي خلي انسى وبصراحة جذب مانسيت بس تناسيت
وبنفس الوقت انتظرت المحروسة مااجتي اكول هاي حالة نفسية لان مرحت من القهر
عبر الاسبوع والعشرة ايام وال14يوم واني ماكلت انتظرتها وماكو
بعدها حجيت الزوجي كال ابد متروحين تحللين هاي حالة نفسية ظليت اتوسل بي وعبر كومة وكت يكلي انت شبيج مو دائما يصير هيج وتطلع هرمونات بجيت وكتله حتى حلم متخليني احلم كال مو قصة حلم بس لويش تعيشين بامل ماموجود واني بجيييييييييييت وسكتت
وهمين محجيت الاهلي اعرف راح يفكرون وروحي لتروحين وكلت خلي اسكت ماكو شي
المهم وبعدها بفترة طويلة رحت البيت اهلي حجيت الاهلي وكتلهم لتعلقون امال هرموناتي متخربطة
امي واختي توسلوا بيه امشي نحلل كتلهم ميقبل زوجي كالت اختي امشي وياي نفر بالسوك ونحلل شخسرانين والله كتلها يلا هو ماكو حمل بس حتى اتاكد واكعد واسكت
اخذ المختبر العينة ورحنا افترينا كال بعد نصف ساعة يطلع التحليل ففرينا كومة ورجعنا
اكله النتيجة واضحك واكول الاختي ماكو حمل لتخافين واختي ترجف وقلبها يدك اني مهتميت لان كل مرة تفوتني واحلل وماكو
اشو خلص التلفون وكال مبروك حامل:imoksmiley:
وهنا تبدا القصة واني بجيت كومةةةةةةةةةةةةةةةةةةةةةةةةة بحيث اعيط باعلى صوتي
والناس تباوع علي ويكلولها الاختي شبيها تكللهم حامل صارلها 6سنوات:3333333(170):
واني مااشوف كدامي اريد اوكف على رجلي مكدرت ودخت راد يغمى علي
بس مفكرت ذيج اللحظة الا بزوجي وخابرته وابجي واكاله اشو زوجي صفن
كال هسه اجيج:mbv:واني لازلت منهارة بس زوجي مشفت منه ردة فعل غير الصدمة
كتلها الاختي اريد اتنفس خلي نطلع طلعنا وهالمرة اخابر امي وابجييييييييييييييييييييييييي
وامي تعيط وتبجي وتصلي عالنبي وتهلهل:yjnyj:احمدك واشكرك ربي حتى ترضى
وبقيت ابجي بالشارع والناس تشوفني وتسال وتبجي على بجوتي والكل يباوع واني ماشفت شي كدامي
المهم بعدني منهارة ورجعت البيت اهلي وجان ابوية وامي يحضنوني ويبجون والله
واجه زوجي وجه اصفر ممصدك ولازال ممصدك للعلم
وهاي قصتي كلت يارب عسرت روحتي السوريا مجنت اعرف انو انت ضامملي الاحسن
الف الحمد لله والشكر وقسما بذات الله
كل صلاة ادعي الكل محرومة ربي يفرحها فرحتي ويقر عيونها ياحق
وعليم الله الالق وزمردا وكومة بنات ادعيلهم بالاسم ربي يفرحهم ياحق
بس خلو ثقتكم بالله ولا تقنطوا من رحمة الله
عليم الله ست سنوات ومتت بس ردت اعرف شبيه حتى ارتاح
بس مااعرف انو الله مكاتبلي بذاك الوكت
ربي يفرحكم ويقر عيونكم ياحق
يامن تقول للشيء كن فيكون ارزق كل محرومه ياحق
طولت عليكم بس ردت احجيلكم قصتي:xx:
شلونكم جميعا
طبعا الاخت الغالية ملكة لكش ربي يرزقها ويرزق كل محرومة وكلمن تتمنى الحمل قادر ياكريم الذرية الصالحة عاجلا غير اجل ان شاء الله طلبت مني احجيلها قصتي ويه تاخر الحمل طبعا راح اكتب القصة واعتقد شكد مراح اكتب اكيد راح انسى هواية امور
اني تزوجت من ست سنوات طبعا اول ايام عرسي بعد العرس بكم يوم اجتني الام فضيعة بظهري وبس ابجي ومااكدر اتحرك عيالي كلولي هذا تشنج بظهرج واني همين كلت هيج لان الالم مو مال فقرات لا الم كلش قوي كلت اكيد تشنج واخذت حبوب ودهونات ومرحت لا الطبيب ولا شي كلت تشنج بقيت فترة تقريبا السنة اني ماافكر لا بالطفل ولا بالحمل لان اكول اول سنة عادي الوحدة ميصيرلها قابل الا من اول كم شهر وبعدها يعني بعد السنة وصفولنا طبيب فكلنا خلي نروح نجيك نفسنا نشوف شبينا رحنا للطبيب انطانا تحاليل اني وزوجي وسونار الي سويناهم طلع عندي هرمون الحليب مرتفع وزوجي طلع عنده جراحة العفو بالحيوانات المنوية والسونار مالتي كلش زين والرحم نظيف فطمانا الطبيب وكال ماعدكم شي يخوف راح انطيكم حبوب كل اسبوع حبة حتى يروح الحليب وانطى الزوجي علاجات كومة اني من خلصت الحبوب رحت جيكت جان اشوف الحليب رايح من عندي وكلش فرحت وزوجي راح عاد التحليل وهنا الصدمة جان نشوف النسبة كلش زايدة والطبيب كلما نروح اي ومبيكم شي وشغلتكم سهلة وانطانا كل التحاليل اللي تخطر على بالكم اي تحليل تتوقعوه سويناه المهم وصلنا بالاخير الى انه لازم نجيك الانابيب مالتي وبهذي الاثناء الطبيب ارتكب خطا وهو انو عاف زوجي وكام ينطيني علاجات زين انت غير تنطي علاج الزوجي يصير زين وبعدين اني؟ المهم اخذت اشعة ملونة وجانت الصدمة انو الانابيب مالتي مسدودة وظليت كومة ابجي كال تحتاجين عملية لازم نجيك ونحاول نفتحهم وبالفعل حددنا موعد العملية وسويتها ورا سنة وسبعة اشهر من زواجي ومن طلعت من العملية الطبيب كال الاهلي انفتحوا الانابيب واحنه كلش فرحنا واني من شلت الخيط كلت هاي هي بعد ولا اروح ولا اراجع لان مبيه شي وظلينا سنتين لانروح ولا نجيك ابد متوقعين انو مبينا شي المهم ورا سنتين كلنا خلي نروح نسويلنا فايل لان يكولون راح يفتحون اطفال انابيب هنا يمنا فرحنا نسويالفايل وانطيت للطبيبة التحاليل جان تكلي ماما تقرير الطبيب يكول انابيبج مسدودة كتلها شنو هالحجي هو كال مفتوحة كالت والله هنا مكتوب حاولنا ومنفتحت واني هنا انهاريت بالبجي ومااعرف شسوي كام زوجي اخذني ورحنا للطبيب وكمت اعيط وابجي كتله انت خليتني على امل سنتين مااتعالج لان متوقعة مبيه شي جان بكل بساطة يكلي انت مجيتي لان اني جنت راح انطيج علاجات ونعيد الاشعة ونشوف واني متت بجي وطلعت من عنده مكسورة القلب والخاطر وبعدها استمرت رحلة العلاج كمت اروح على كومة طبيبات والله عندي فايلين متروسين ترس بين تحاليل وراجيتات ورحت عدت الاشعة الملونة طبعا هي لازم مرة وحدة يسوونها اني سويتها 3 او4 مرات مدااتذكر بالضبط والحمد لله طلعوا مفتوحات واتجهنا على الاعشاب استخدمنا هواية اعشاب والحمد لله نوعا ماجابت نتيجة بس زوجي بقت نسبته ترتفع وتنزل مستقرت ابد حتى رحنا على مستشفى شيلان واستفسرنا عن اطفال الانابيب بس بقينا مترددين وراها كالوا زوجج مدام عنده جراحة اكو طبيب هو اخصائي مجاري بولية وعقم الرجال ونسيت تكملة اختصاصة المهم زوجي راحلة وكله مقرر اسوي اطفال انابيب كلة والله متستوجب حالتكم كله شلون وهاي صارلنه كومة وبلا نتيجة المهم زوجي بدا رحلة العلاج وياه والحمد لله بعد فترة علاج الف الحمد لله النسبة استقرت ونزلت وطبعا نسيت اكللكم اني فترة من الفترات تخربطت هرموناتي وهمين ظليت فترة اتعالج وووووووكل شهر ينطوني ابرة التفجير اللي سوتني برميل وماانصح احد ياخذها كلشي مفادت طبعا راجعت غير هالطبيب كومة طبيبات وايضا بدون فائدة جانت تتاخر اشسمة وترجع تجي واني ظليت بنار الله العالم بيها بالاخير بقيت اكثر من سبعة اشهر بعد مازوجي تعالج واني جيكت مبيه شي تعبت من العلاجات قررنا نروح السوريا نجيك وهالحجي جان بالصيف كلنا بالدوام نروح نجيك ونشوف اخر جنص حتى بعدها نسوي اطفال انابيب المهم صارت السبعة شهور وهمين رحنا سوينا الفيزا وحجزنا سيارة تودينا السوريا وبس بقت عالاجازة مالتي ومال زوجي وهالحجي كله ماما مكارم تعرف بي وجانت تدعيلي فدوة القلبها المهم رحنا للمستشفى ومنطونا اجايز اني وزوجي كالوا ممنوع الاجايز الطويلة شكد ماحاولنا ومفاد ومتت بجي واحنه ردنا نروح قبل ماتجي الدودو حتى من تجي اني اكون هناك ونبلش التحاليل ومصارت وصكيت بجي وكتلة الزوجي ممكتوبلي اصير ام ابد وكلي ميصير تحجين هيج كتلة استغفر الله الف الحمد لله على كل حال وراحت الايام واجت الامتحانات وهمين على اساس نروح المدير مالتي كال روحي بدون اجازة انطيج اخر كم يوم بس زوجي منطوه اجازة وهمين بجيت ووراها بفترة انتظرت الدودو ماكو وكتله الزوجي خلي افحص وطبعا تكملة قصة حملي تعرفوها راح انسخها واجيبها واسفة عالاطالة بس والله القصة مختصرة لان ماحجيتلكم على كل طبيبة وشلون لعبت بيه طوبة وشكد طولنا بالعلاجات بالاعشاب ووووووالخ
وطبعا ياهي الاشوفها تكلي اكثري من الاستغفار وكولي ربي لاتذرني فردا وانت خير الوارثين وهمين كولي ربي اجعلها مخلقة غير معلقة واني بالسجود كل سجدة وكل صلاة اكول ربي لاتذرني فردا وانت خير الوارثين وطبعا مااحجيلكم على الناس وشلون من كلشي تخاف من عيني وميحجون كدامي واني انشال واندك واموت بجي واكول الزوجي والله مااباوع على جهالهم ولا اريد جاهل احد يكول زوجي اصبري ورب العالمين ميخيب عبده ابد والف الحمد لله مخيبني ربي يرزق كل وحدة تتمنى الحمل عاجلا غير اجل ان شاء الله ولايحرم احد من هالنعمة يااااااااااااااااااحق
جبتلكم القصة اني كاتبتها قبل بس كلت حتى المتعرفها تقراها
وهذي قصة حمل مختصرة جدا جدا جدا
طبعا يعجز لساني عن شكركم وعليم الله لو احجيلكم شلون حبلت تبجون
ومع هذا راح احجيلكم
قبل فترة جدا بسيطة ردت اروح السوريا اتعالج لانو ظليت افكر وابجي
كلت اني شوكت اروح اشوف شبيه طبعا هالحجي اني من قبل رمضان مماخذة
اي علاج المهم اخذنا اوراق وسوينا تحويل للمستشفى اني وزوجي
علمود ناخذ اجازة طبعا المستشفى رفضوا كالوا مبيكم شي لويش اجازة
ظلينا نحاول انسدت بوجهناواني كمت ابجي كومة بحيث زوجي يباوعلي ومقهور وميعرف شيكول
الى ان اقتنعت وكلت الحمد لله على كل حال وهذا الحجي اني قلبي محروك وبقلبي اكول ممقسوملي اصير ام وخلالهاا كلت كافي خلي انسى وبصراحة جذب مانسيت بس تناسيت
وبنفس الوقت انتظرت المحروسة مااجتي اكول هاي حالة نفسية لان مرحت من القهر
عبر الاسبوع والعشرة ايام وال14يوم واني ماكلت انتظرتها وماكو
بعدها حجيت الزوجي كال ابد متروحين تحللين هاي حالة نفسية ظليت اتوسل بي وعبر كومة وكت يكلي انت شبيج مو دائما يصير هيج وتطلع هرمونات بجيت وكتله حتى حلم متخليني احلم كال مو قصة حلم بس لويش تعيشين بامل ماموجود واني بجيييييييييييت وسكتت
وهمين محجيت الاهلي اعرف راح يفكرون وروحي لتروحين وكلت خلي اسكت ماكو شي
المهم وبعدها بفترة طويلة رحت البيت اهلي حجيت الاهلي وكتلهم لتعلقون امال هرموناتي متخربطة
امي واختي توسلوا بيه امشي نحلل كتلهم ميقبل زوجي كالت اختي امشي وياي نفر بالسوك ونحلل شخسرانين والله كتلها يلا هو ماكو حمل بس حتى اتاكد واكعد واسكت
اخذ المختبر العينة ورحنا افترينا كال بعد نصف ساعة يطلع التحليل ففرينا كومة ورجعنا
اكله النتيجة واضحك واكول الاختي ماكو حمل لتخافين واختي ترجف وقلبها يدك اني مهتميت لان كل مرة تفوتني واحلل وماكو
اشو خلص التلفون وكال مبروك حامل:imoksmiley:
وهنا تبدا القصة واني بجيت كومةةةةةةةةةةةةةةةةةةةةةةةةة بحيث اعيط باعلى صوتي
والناس تباوع علي ويكلولها الاختي شبيها تكللهم حامل صارلها 6سنوات:3333333(170):
واني مااشوف كدامي اريد اوكف على رجلي مكدرت ودخت راد يغمى علي
بس مفكرت ذيج اللحظة الا بزوجي وخابرته وابجي واكاله اشو زوجي صفن
كال هسه اجيج:mbv:واني لازلت منهارة بس زوجي مشفت منه ردة فعل غير الصدمة
كتلها الاختي اريد اتنفس خلي نطلع طلعنا وهالمرة اخابر امي وابجييييييييييييييييييييييييي
وامي تعيط وتبجي وتصلي عالنبي وتهلهل:yjnyj:احمدك واشكرك ربي حتى ترضى
وبقيت ابجي بالشارع والناس تشوفني وتسال وتبجي على بجوتي والكل يباوع واني ماشفت شي كدامي
المهم بعدني منهارة ورجعت البيت اهلي وجان ابوية وامي يحضنوني ويبجون والله
واجه زوجي وجه اصفر ممصدك ولازال ممصدك للعلم
وهاي قصتي كلت يارب عسرت روحتي السوريا مجنت اعرف انو انت ضامملي الاحسن
الف الحمد لله والشكر وقسما بذات الله
كل صلاة ادعي الكل محرومة ربي يفرحها فرحتي ويقر عيونها ياحق
وعليم الله الالق وزمردا وكومة بنات ادعيلهم بالاسم ربي يفرحهم ياحق
بس خلو ثقتكم بالله ولا تقنطوا من رحمة الله
عليم الله ست سنوات ومتت بس ردت اعرف شبيه حتى ارتاح
بس مااعرف انو الله مكاتبلي بذاك الوكت
ربي يفرحكم ويقر عيونكم ياحق
يامن تقول للشيء كن فيكون ارزق كل محرومه ياحق
طولت عليكم بس ردت احجيلكم قصتي:xx: