الله يخليكم جاوبوني بسرعه؟؟

[Talla]

هلووو كل عام وانتم بخير


عندي سوال و محيرني ماما قبل شويه خابرت بيبتي تكوليها بنتج مجبوووووسه وشنو يعني مادري
وكالت روحي ساليها اكو وحده تزوجت وياهاا لو عقدت

اني فكرت فكرت فكرررررررت اي كرايب زوجي موجوده وكانت توه عاقده و تزوجت وره شهر



وهسه اني شسوي يعني اكو شي لازم اسوي وشلون تنفتح هاذي الجبسه واني ماعندي اعتقاد بهيج شغلات

(واني من فحصت كولشي مابيه كولشي سليم)

[فضه]

والله يااتاله ماادري باجر اخاابرلج وحده عدهه خبره بهااي السوالف
واردلج خبرر انشالله

[ملاذ]

تلول عمري الجبسة اله نفس اليوم تزوجتوا وبنفس المكان هيج سامعة اني والله اعلم والله يرزقج الطفل بالقريب العاجل

[للو]

تلولة عمري اكو طاسة بالعراق اسمهة طاسة الجبسة او طاسة الخلاص هيج شي
ولازم تسبحين بيهة اخر شي تتعلين منهة
وتدخل وحدة وياج للحمام وسبحج بس تكون ماجايتهة دورة يعني صغيرة وتكول حبسة فكي الجبسة فانوس فكي جبسة العروس ومن تطلعين من الحمام يجي احد يخرعج خرعة قوية حتة تنتفح الجبسة ولازم بعد الحمام تجامعون انتي وزوجج واني مسويتهة وحبلت والحمد لله

[طيور مهاجرة]

والله ماعندي معلومة بس محبيت اطلع بدون ماارد عليج وان شاء الله امورج تتيسر وتملين البيت اطفال

[Talla]

فضه فدوه ساليلي اذا اكو دعاااء مشكوره حبيبتي

للو عندي هاذي الطاسه بس منو يسبحني هاذا السوال مااعرف احد وثاني شي شكد فشله ههههههههههه :115::115:

ام عثمان تسلمين حبيتي الله يرزق الي تتمنينه بحايتج يارب



ملاذ شكرا الدعاء الحلو والله ماادري اني كولشي مااعرف من هيج دااسالكم

[للو]

لالالالا عادي لا تستحين والحمد لله عدج هاي الطاسة
هههههههههههههه


ربي يفتحهة بوجكم ويفرحج بنونو عاجلا ياااااااااااااااااااااارب

[ايمو]

تاله حبيبتي والله اختي كانت مثلج فلازم تسبحين بصابونة مال وحدة ميتة اسم اللة عليكم وعليج ولازم تعبرين من فوق سبع قبور والله اختي سوتها وحاليا حامل بشهرها ادعيلها الله يكومها بالسلامة ويرزقج ويزقني نونو حلو

[sara201012]

اي والله خوش موضوع
اني همين تزوجت يوم خميس بت خالة لزوجي واني وراها يوم اثنين اتزوت شو برة يومين اجتي يمنه هية وامها واني بعدني حتى سبعتي ماطالعة وعمتي كالتلي اصعدي فوك بغرفتج اني مااعرف هاي السوالف وراسا امها جلبت بيه ولزمت ايدي وتكول لعمتي لا بنتي متجبسها بنتي فاكه رجلها بامام
وطببت بتها علية
وهية خلفت ولد وبنية وابنها راح يدخل الروضة واني كاعده وساكته وخاله عيني بعين الله على كولمن يخبث وحسبي الله ونعم الوكيل

[Talla]

للوووووو وين الكله بنيه عذراااء خخ

ايمو لا اسم الله ع السامعين مستحيل اسوي هاذا الشي
حتى لو مايصير عندي اطفال هوه كوله ارزاق

وانشاالله يوم ال الج ونفرح بيج وانشاالله اختج تكوم بلسلامه

[Talla]

اشو اني مااعتقد بيهج شي كوله ارزاق من الله

والله ماادري وانشاالله يرزق الجميع يارب

ساره الله يرزوقج بجاه حبيب محمد وانشاالله قبلي تصيرين حامل والله من كل قلبي دعيتلج

[ايمو]

سارة حبيبتي جان المفروض تاخذين حذر بس اذا جابت بعد مرة روحيلها قبل متطلع الاربعين واخذي الحفاضة مال ابنها يعني حشا الكل حفاضة متبول بيها النونو واسبحي بيها وياربي يرزقك ويرزق الكل

[عطر الجنة1]

اي تلو اكو هيج شي
وحتى سامعه مثلاً اذا وحدة دخلت على العروس
وهي حزينه مثلاً كانت بفاتحة اسم الله عليكم وترجع للعرس
وتدخل على العروس هم تنجبس

[Talla]

زين اكولكم ماي زمزم ميساعد فتح الجبسه؟

[فضه]

ههههههههه ضحكتيني تاله صدك منين اتجيبين البنيه
بس ماادام عندج الطااسه دوري تلكيهه للبنيه وخلي حاجز بيناتكم
وبالنسبه لهاي السوالف والله اشو هواايه يسووهه اتصير صدكي
مو كتلج مرت اخويه فتحت عين ميته عااااااااااااا
وحبلت وراهه لان كالولهه مخترعه

[Talla]

هههه فضه يمه شنو هاذا الرعب

بس اريد افهم الي تسبحني شسويلي تغسل راسي وتليفلي ههههههه:mb:
زين ميصير مره عجوووز شويه احسن

[sara201012]

حياتي تسلمين ياعمري على دعوتج الحلوة احنه ناس تحس بناس وضايكين اللوعة والله انشاء الله يرزقنه ويرضينه بحق محمد وال بيت محمد
وهاي سوالف الجبسة اني همين شبعت سبح مابقة مكان ماسبحت بيه خخخخخخخخخخخخ وبهذاك البرد رحت لعلوية 3 اربعائات وجماله بعيدة وزوجي ميقبل واخذ امي سودة علية ومبهذلتها ويايه بالمطر والطين وشبعت قهر وكلشي مفاد . يبووووووووووووووووووووه ذكرتيني بالعبان النفس كالولي اسبحي بمي مال طفل حديث الولادة مال يوم الثالث من يسبحوه اخذي المي واسبحي واني مثل المخبله شيكولولي اسوي ويبحت بقطعة قماش مال دم مال الي يطبرون بيوم العاشر من محرم ويوووووووووووووووووووووووووووووووه كلشي سويت حتى رجلي ضاج مني وكالي لاترحين بعد لاي مكان اكعدي وسكتي
اسفة حبي دوختج بس اني عندي يقين انه كلشي بيد الله ( انما امره اذا اراد شيئا ان يقول له كن فيكون ) صدق الله العظيم
والله يفرح قلبج ياعمري وقلب امج وبيبيتج ومضلين حايرة ياكريم

[Talla]

الله يساعدج حبيبتي اني اكول نفس الشي كولشي بأيد الله سبحانه وتعالى هوه موزع الارزاق وحتى اذا مصار عدنه الف و الحمد الله و الشكر هوايه نعم مان علينه بيهاااا فدوه الاسمه

وانتي هماتي انسي الموضوع عيشي حياتج ويجوز الله سبحانه ديختبر عبده سبحان الله

والله يفرج همج ويفرح قلبج والسنه الثانيه بلعيد النونو بحضنج ياكريم

[ايمو]

بنات ادعولي الله عليكم الدواليوم ماجتني وصارلي سنة متزوجة ادعولي هلمرة حامل لانو على طول افشل بس ماعندي الم بس شوية دينزل مني مي تكرمون وخايفة كلش وزوجي واهلي واعيالي متاملين كلش انو اني حامل الله يرزق الكل ياربي بجاه النبي ويطعم كل محروم امممممممممممممممممممممين

[فضه]

خخخ اي رعب تلول
خلي للو تعلمج مادام هيه مسويتهه
شكووو بيهه جربي

[عطر الجنة1]

لا تاله شنو تليفلج
بس تذب المي وتحجي الكلام مثل ماكالن البنات
بس عندي سؤال لفضة زوجت اخوج ماخافت خخخخخخخ

[Talla]

ايمووووو انشاالله يارب حامل ويفرحكم بهلعيد فرحتين يارب

فضه وماي زمزم محد يعرف عنه شي؟

[Talla]

ههههههههههههههههههههه واني عبالي سبحه كااامله ام اليفه و الحجاااره

هااا اوكي لعد من اروح الكندا الاهلي اكو هوووايه و اسويها اهناك رغم اني مااعتقد بيها بس اسويها

[sara201012]

حياتي ايمو ان شاء الله يفرح قلبج بجاه الحبيب محمد وتجين تفرحينه

[ايمو]

حبيبة عمري تسلمين ياحياتي لو اعرف جان كتلج وكلي امرج لله حبيبتي وانشالله افرحكم وتفرحينا

[عطر الجنة1]

ايمو ان شاء الله ربي يفرررررحج
ويررررررزقج بالذريه الصالحه

[فضه]

عطر شتسوي تريد طفل
تالا لكيت خوش مووضوع بالنت هسه انزله هناا
بس تره كله ررررررررررعب اني معليه ههههههه

[ايمو]

سوسو تسلمين حياتي عالدعاء بس يخلص العيد اروح لمختبر تحليل واحلل وابشركم انشالله

[ايمو]

عطر الجنة حبيبي اريد بيبي حلو مثل الصورة الي مخليتها

[فضه]

الحمل:
اذا تاخرت الزوجة في الحمل شهرين او اكثر قالوا ان المرأة مجبوسة(وتعني :تاخر المرأة بالحمل مدة من الزمن يقال عنها مجبوسة) وهناك اسباب عديدة للجبسة
ا-دخول عروس اخرى عليها اي زيارتها
ب_دخول نِفْسه عليها(وتعني المرأة الوالدة قبل بلوغ ابنها الاربعين) لكن هناك طرق عديدة كانوا في ذلك الوقت يقومون بها من اجل فك الجبسة ومن هذه الطرق:
اولا_ تقوم المجبوسة بمصاحبة امها والذهاب خلسة في الليل الى بيت من كانت السبب في سبجتها حيث تقوم بطرق الباب ب(رأس بصل يابس) ثم ترمي برأس البصل في بيتهم وتلوذ بالفرار.
ثانيا_ تقوم بمصاحبة امها والذهاب الى مقبرة اليهود (كانت هناك في السابق مقبرة خاصة باليهود) وتقفز من فوق سبعة قبور وتأخذ امها من قرب كل قبر قفزته حفنة تراب وعند العودة الى البيت تضع تلك الكمية من التراب في الماء وتستحم به
ثالثا_تأخذ قليلا من دم قتيل قُتل حديثا بقطعة قطن او قماش وتضع تلك القطعة الملوثة بالماء وتستحم به.
رابعا_ تصعد سلم احدى منائر الجامع وتقوم امها بجمع التراب من كل باية من بايات ذلك السلم وعند العودة تستحم بمزيج التراب والماء
خامسا_ماء اللكَن (ماء الحوض) الذي تضع العروس قدميها في هذا اللكَن اثناء مراسيم عقد القران تاخذه المجبوسة وتستحم به لعلها تحمل.
سادسا_ تقوم بداهمة حاج قادم توا من بيت الله وهو بملابس السفر وتقوم بفك حزامه و تعتبر هذه عملية صعبة جدا بالنسبة لبنات البيوت المخَدرات فأي منهن تخاف وترتجف من شدة الخوف والخجل والرهبة لكنها مُرغمة لتلهفها الى الطفل
سابعا_تأخذ قليلا من تراب سبع مرازيب (انابيب لتصفية مياه المطر من البيوت) متجه نحو القبلة وتضعه بالماء وتستحم به
وهناك بعض الامثال المتداولة عندهم منها( ياحبسة انفكت الجبسة)و(حبسة يقصدبهااسم امرأة).
واذا لم تنفع اعمال التي ذكرناها فان المجبوسة تراجع الجدة(القابلة) لتصف لها وصفات عطارية تستعملها لازالة العُقم

[فضه]

هههههههههه احله شي مالت الحجي
اول من يجي من بيت الله اتفتحين احزامه
هههههه

[عطر الجنة1]

ايمو ان شاء الله
والله العظيم دائماً ادعيلكم بالصلاة
ربي يرزق كل واحدة تتمنى الذريه

[sara201012]

تسلمين فضة عمري علموضوع اني سامعة باغلبها

[Talla]

ههههه شوفو المتواجدون اني كلت محد راح يدخل ويجاوب‏Talla- USA (http://www.iraqiyat.net/vb/member.php?u=7678), ‏śôяâ (http://www.iraqiyat.net/vb/member.php?u=9143), ‏lovelysara (http://www.iraqiyat.net/vb/member.php?u=7215), ‏sara201012 (http://www.iraqiyat.net/vb/member.php?u=8474), ‏zainab_2010 (http://www.iraqiyat.net/vb/member.php?u=5942), ‏نورالصباح (http://www.iraqiyat.net/vb/member.php?u=2929)+

فضه شكرا حبيبتي ع الموضوع اول مره اسمع بيهم

[عطر الجنة1]

صدك تذكرت والله العظيم زوجت حمات عمتي صارلها 10سنوات مايصير عدها
مره بابا راح للحج وطلبت المي الي نغسل بيه الاحرامات وسبحت بيه
وهسة هي ماشاء الله عدها 3 اطفال

[عطر الجنة1]

تالا صدك جذب اشلون منجاوب اعيونه الج
الي نعرفه ماراح نقصر بيه واكيد الدعاء قبل كل شيء

[sara201012]

حياتي صارت الدردشة هنا اقوى من الكهوة خلي نسميها دردشة المجبوسات خخخخخخخخخخخخ

[Talla]

اي خوش لعد صديق رجلي وجيرانه رايحين للحج من يجون اكوللهم

عطر شكر ع المعلومه اشو عجبتني


هههههههههههههههه اي صدوك دردرشه المجبوسات صارت

[فضه]

خووش عطر همزين رجعت الذاكره خخ
عالاقل سهله
وربي يرزقج ياتلول وكل متاخره بالحمل وتصيييييير
اسوالف بحق محمد وال محمد

[Talla]

اشكركم كلكم حبايبي

والله ماقصرتي اموووووووووووووواه

فضه تعبناج وعطر شكر حياتي ع المعلمومه بس سوال الاحرامات لازم يكونون اول غسله ؟ يعني ابد ماغاسليهم؟

[عطر الجنة1]

اي اي هو اكيد الحجي ماراح يغسلهم
خصوصاً اذا كان رجال يتعاجز وميعرف
يعني اول غسله

[عطر الجنة1]

فضة شكالولج شنو رجعت الذاكره ههههههههه

[عطر الجنة1]

ام تيبة معزله الكهوة وكاعده اهنا
هسة منين نشرب عصير
هذا مو عيد
جيبي جكليت عصير
حتى بالعيد ماكو جفاف

[نور الصباح]

هلووووووووووووووو

اني سامعة بالجبسه وسامعة مال وحدة بنية تغسل
يااااااااااااااااارب يرزق كل راغبة بالذرية الصالحة التامة الخلقة والخلق

هو احسن حل الاستغفار بكل وقت وخاصة قبل صلاة الفجر بنية الحمل
وربنا كريم ورحيم ورزاق وان شاء الله يترس حظنكم بالطفل الي تتمنوه يااااااااااااااااااااااارب

[lovelysara]

الحمل:
اذا تاخرت الزوجة في الحمل شهرين او اكثر قالوا ان المرأة مجبوسة(وتعني :تاخر المرأة بالحمل مدة من الزمن يقال عنها مجبوسة) وهناك اسباب عديدة للجبسة
ا-دخول عروس اخرى عليها اي زيارتها
ب_دخول نِفْسه عليها(وتعني المرأة الوالدة قبل بلوغ ابنها الاربعين) لكن هناك طرق عديدة كانوا في ذلك الوقت يقومون بها من اجل فك الجبسة ومن هذه الطرق:
اولا_ تقوم المجبوسة بمصاحبة امها والذهاب خلسة في الليل الى بيت من كانت السبب في سبجتها حيث تقوم بطرق الباب ب(رأس بصل يابس) ثم ترمي برأس البصل في بيتهم وتلوذ بالفرار.
ثانيا_ تقوم بمصاحبة امها والذهاب الى مقبرة اليهود (كانت هناك في السابق مقبرة خاصة باليهود) وتقفز من فوق سبعة قبور وتأخذ امها من قرب كل قبر قفزته حفنة تراب وعند العودة الى البيت تضع تلك الكمية من التراب في الماء وتستحم به
ثالثا_تأخذ قليلا من دم قتيل قُتل حديثا بقطعة قطن او قماش وتضع تلك القطعة الملوثة بالماء وتستحم به.
رابعا_ تصعد سلم احدى منائر الجامع وتقوم امها بجمع التراب من كل باية من بايات ذلك السلم وعند العودة تستحم بمزيج التراب والماء
خامسا_ماء اللكَن (ماء الحوض) الذي تضع العروس قدميها في هذا اللكَن اثناء مراسيم عقد القران تاخذه المجبوسة وتستحم به لعلها تحمل.
سادسا_ تقوم بداهمة حاج قادم توا من بيت الله وهو بملابس السفر وتقوم بفك حزامه و تعتبر هذه عملية صعبة جدا بالنسبة لبنات البيوت المخَدرات فأي منهن تخاف وترتجف من شدة الخوف والخجل والرهبة لكنها مُرغمة لتلهفها الى الطفل
سابعا_تأخذ قليلا من تراب سبع مرازيب (انابيب لتصفية مياه المطر من البيوت) متجه نحو القبلة وتضعه بالماء وتستحم به
وهناك بعض الامثال المتداولة عندهم منها( ياحبسة انفكت الجبسة)و(حبسة يقصدبهااسم امرأة).
واذا لم تنفع اعمال التي ذكرناها فان المجبوسة تراجع الجدة(القابلة) لتصف لها وصفات عطارية تستعملها لازالة العُقم
هاي شنو فدوة فضة خوفتيني عفية اني صارلي اربع سنين متزوجة وماعندي جهال بس املي برب العالمين لان هو الرزاق ان شاء الله يرزقني وكل محرومة وكل وحدة تريد عاجل غير اجل اني تزوجت يوم 25 / 6 الدخلة يعني والعقد جان يوم 20 / 6 ومرت حماية جابت ابنها قبلي باقل من شهرين يعني هو اجه للدنيا يوم 11 /5 شنو قصدي اني مجبوسة ؟؟؟؟؟؟؟ بس املي برب العالمين كلش جبير وان شاء الله مايخيب رجائي وحشاه من هالشي

[lovelysara]

هاي شنو فدوة فضة خوفتيني عفية اني صارلي اربع سنين متزوجة وماعندي جهال بس املي برب العالمين لان هو الرزاق ان شاء الله يرزقني وكل محرومة وكل وحدة تريد عاجل غير اجل اني تزوجت يوم 25 / 6 الدخلة يعني والعقد جان يوم 20 / 6 ومرت حماية جابت ابنها قبلي باقل من شهرين يعني هو اجه للدنيا يوم 11 /5 شنو قصدي اني مجبوسة ؟؟؟؟؟؟؟ بس املي برب العالمين كلش جبير وان شاء الله مايخيب رجائي وحشاه من هالشي

[gazl al7ob]

والله اني همين ماعندي اي فكره واول مره اسمع بهذا الشي
يارب اسمع خبر حملج عن قريب اللهي امين يارب ربي ايسر امرج ويفرح قلبج

[Talla]

شكرا غزوله انشاالله تفرحين بلنونوه وتكومين بلسلامه يارب وتشوفيها باعلى مراتب

[عيون حلوه]

ههههههههههه بعرضي خوش موضووووووووووووووووووووع
تلولة حبي الله ينولج الي ابالج وابال كول البنات ياااااااااااااااااارب
واني سامعة عن ملابس احرام الحجاج ويارب تفيد وياج ونفرح بيج انتي وكول البنات:hghtrgf:

[* لبنى *]

حقيقه اني هم اول مره اسمع..او يعني مار عليه اسم الجبسه بس ما جنت اعرف معناها
الله يبعدها عنكم و يرزقج يا تاله الطفل الي تتمنيه..ولو هم ما اصدك بيها..لان الموانع دائما بالجسم و يحتاجلها العلاج الصحيح..
حقيقه اني هم دا انتظر اصير حامل و بصراحه هم بديت اخاف لان ما دا يصير حمل
الله ينطيني و ينطيج و ينطي كل البنات الحمل و الذريه الصالحه

[Talla]

والله مادري اشو كل الناس تحجي بيهااا

والله يرزقكم بلذريه الي تتمنوهااا وتفرحون بيها يارب

شكرا حبايبي ع الدعووووات

[serendipity]

هاي شنو اني ازوجت وره حماتي باسبوعين وبت خالي جتي العرسي وجانت الهه اسبوع مزوجه
وتاليتهه ولا وحده منه صارت حامل
كلشي بيد الله المكتوب نشوفه

[sara201012]

هاي شنو اني ازوجت وره حماتي باسبوعين وبت خالي جتي العرسي وجانت الهه اسبوع مزوجه
وتاليتهه ولا وحده منه صارت حامل
كلشي بيد الله المكتوب نشوفه
هههههههههههههه والله شيومة ضحكتيني هاي شمسويات ناس جابسة ناس
الله كريم ينطينه على كد نيتنه ويفرحنه ياكريم

[سنوبيا]

اني مااعرف بهل شي بس محبيت اطلع بدون ماادعيلج ربي يرزقج بحق محمد وال بيتة عاجل غير اجل انت وكل وحدة تريد طفل

[* بغداديــــــــــــــه*]

الله يفرحج تالة واصيرين حامل عن قريب يارب
وهاي السوالف كلها ما اؤمن بيهااااا كلها بيد الله بس يحتاجلها صبر
بس انشالله ربي يفرحج ويفرح كل وحدة تريد طفل يااااااااااارب:dnea:

[sasa2009]

تلول قلبي قولي يالله وان شاء الله هلشهر تجين اتفرحينا بخبر حملج يارب انتي وكل البنات الي تتمنى الذرية
وترة هي الشغلة نفسية يعني اشكد ما انفكر بيها تتاخر بس انتي دائما استغفري وقولي يالله وان شاء الله تفرحين بتوم ولد ياااارب

[الفراشة العراقية]

السلام عليكم ورحمة الله وبركاته
'طبعا سامعة ما الجبسة
لان اني واختي زوجنة سوة
كالولي هواي طرق صارحة ماجربت وحده منهن مااصدك لان بيد ربج
مهم شغلة طاسة انحرجت من ام صديقتي وسبحوني بيه وماصار حمل هههههههههههههههههههه
اكو هواي طرق مااريد ادوخ راسج بيها وصدكين وخلي املج بربج
ومعروف على جبسة ورة سنة تنفك او ثلاثة سنوات او سبع سنوات جبسة تنفك ويارب يرزقج بالذرية الصالحة يارب يارب وتفرحينة

[fulla86]

حبيبتي تالا لتسمعين كلام احد
ترى كل هذي خرااااافات

ياناس اصحو انتو شكاعد تحجون هذا كلها حرااااااااااااااااام واشراك

لان كلها بيد رب العالمين مو بيد احد ماكو هيج حجي شنو جبسه شنو طاسة شنو صابونه

كلها هذي خرافات وخزعبلات

تالا عيني خليها على رب العالمين هو ارحم منه ماكو

ان شاء الله يرزقج عاجلا غير اجل

خليها على ربج

وتذكري دائما وعسى ان تكرهو شيئ وهو خير لكم

[هباوووي]

حبيبتي تلول ياربي يرزقك الذريه الصالحه عاجلا غير اجل امين

[~~الـــحـــنـــونـــة~~]

السلام عليكم جميعا

تلول وكل البنات ربي يرزقكم الذرية الصالحة اللي تسر قلبكم وخاطركم ان شاء الله

تلول وكل البنات اني تزوجت ورا اختي ب4 ايام وصحيح تاخرت بالحمل بس شنو جبسة

الاسباب بالجسم والسبب الاول والاخير عطية رب العالمين ترى الايمان انو الله الرزاق هذا اهم شي

والله تلول كلمن يشوفني يخترعلي هواية طرق كلولي بس كتلهم لا الله الرزاق

والله اتبعت طرق وهي الاستغفار

وكلكم خواتي اثناء الجماع اكول ربي اجعلها مخلقة غير معلقة

اما ربي لاتذرني فردا وانت خير الوارثين هذي جانت متفاركني ابددددددددددددددددددددددد

سمعي مني تلول واتبعي هالطرق وخلي ايمانج انو الله الرزاق مو السبح ومعرف شنو

وترى هذيس مال الاحرامات بنت عمي مسويتها وماكو

الايمان ثم الايمان ثم الايمان انو الله سبحانه الرزاق

واسفة ضوجتكم بس والله حاسة بيكم وضكت لوعة الحرمان ربي لايضوكها الكل عباده ويرزق الجميع عاطجلا غير اجل الذرية الصالحة اللي تسر قلبكم وخاطركم ان شاء الله

[الكادي]

حبي تلول اني مرت صديق زوجي اجتني بالسبعه وهي متزوجه قبلي بشهر وصرت حامل بسس سقطت
من سقطت ما صرت حامل كالو جبسه لان شفت الطفل وسويت كلشي ومافاد اتوكلي على الله

[أشرقت]

والله اني اؤمن بيهه لان شفت هواي بنات سووها واني منهن وصرت حامل بس اجهضت الحمل وكتبت موضوع عن الجبسة كامل قبل فترة كلت حتى تستفادون البنات بس الغوا الادارة يكولون مخالف للقوانين وهو مو شرك ولا حرام لان انت مو متوكلة على شخص او احد حتى شرك هي مجرد اعمال ولاسامح الله صحر هي اعمال عادية مثل العرس مو بسوون سبعة والمبيت سبعة واربعين مجرد اعراف قابل هم حرام اذا تردون بنات اكتبلكم قصتي بس اخاف تحذف وقصة بنية جيرانة واساعدكم ببعض الاعمال

[أشرقت]

اعمال سحر مو صحر

[‏وردة حبيبي]

حبي هاي اني بالنسبه الي كله خرافات الله الي يرزق وانشالله يرزقج بااسرع وقت يارب بس اكو نقطه مهمه زوجج فحص لو بس انتي فحصتي

[Talla]

حبايب شكر ع مروركم ونصايحكم كلكم
اني هماتي مااعتقد بهاذي الشغلات كولشي ارزاق وبأيد الله سبحان وتعالى
وحتى لو مارزقنه هوايه مااان علينه بنعم والف الحمدالله و الشكر

زوجي فحص واني فحصت الاثنين سالمين:34567:

[white flower]

عزيزتي تلو كلها ارزاق بيد الله , لتخلين هيجي امور تسيطر على تفكيرج وتشغلين نفسج بيها

خلي امورج على رب العالمين وان شاء الله تفرحين بالحمل بجاه كل من إله جاه عند رب العالمين

[املي برحمتك]

تلول اني خوالي ثنين تزوجو بنفس اليوم وبنفس المكان وهمه اخذو اخوات وصدك
وحده منهم صار عدها من اول شهر والثانية وره خمس سنوات وراحت على علويه وصار عدها وراها

وهسه صديقتي هي وبت عمها تزوجو سوه وحده منهم صار عدها والثانية مديصير

وبعد ماعرف

[space wamen]

استغفر الله عما يقولون .

هذه من الشركيات , لايوجد شي اسمه الجبسه فكل شي بيد الواحد الاحد

اياك واتقرب بهذه الاعمال,

واسالي الله من فضله , وتوكلي عليه
( وقولي لن يضروني بشي لم يكتبه الله لي )