اريد مساعدة

[حرم احمد]

السلام عليكم
أني اريد من دكتورتنا مساعدة
وهي اريد مانع للحمل غير اللولب والحبوب
لأن اللولب جربتة وما رهملي يعني الدورة تجيني 15 يوم بالشهر
والحبوب سمنتني اهواي فياريت دكتورة تنطيني فد مانع مفيد وزين واكون ممنونة منج

[* لبنى *]

اني مره رحت سألت دكتوره..و كتلها شنو انسب شي و اضمن شي و افضل شي
كالت الي استعملي نوفارينك nuvaring هذه مضمونه و سهله...و تتبدل كل شهر.و لازم تحصليها براشيته الطبيب
و هي حلقات يخلوها من الداخل....يعني مجرد حلقات....و كلش مضمونه
بس بصراحه ما اعرف انتي وين ساكنه و اذا موجوده يمكم او لا...اعتقد لو تسألين دكتوره ..

و الدكتوره هم ممكن تفيدج....اكثر

اسفه لان ادخلت.. بس حبيت انطي فكرتي..

[حرم احمد]

مشكورة حبي والله هاي اول مرة اسمع بيها
واني ساكنة بالعراق بالشمال وكنت اراجع عند دكتورة
بس هسة هي سافرة للخارج واني هسة محتارة يسلموووو حبي

[toota2007]

ان شاءالله يفيدونج البنات لاني من سكان الكويت حبي

[Dark Spirit]

والله اني نفس مشكلتج
وهم اريد حل

[د.فراشة الليل]

حبيبتي والله هاي مشكلة الجميع
لان الموانع لازم بيها تاثيرات جانبيه
اكوتحاميل عند الحاجه بس طريقة استعمالها مزعجه لان لازم قبل الجماع بربع ساعه(وهذا منو يقبل يتحدد بوقت)
ولازم تضلين نايمه عالاقل 6 ساعات بعد الجماع(مال ناس بطرانين)
وممكن يكون المانع على الرجال(الفلاش)واكثريتهم ميقبلون
والله اني طبيبه ودا استخدم الحبوب والطبيبات اللي وياي نفس الشي لو الحب لو اللولب
مع خالص الحب

[zainab_2010]

والله مسئلة عويصه ومالها حل مرضي اوووووف حيرة
بس اسئلي اذا عدكم لزكات جديد العام طلعت كل اسبوع لزكه تلزك بالضهر او بالمتن وهذه همات مضمونه ومتسمن ان شاء الله من اجيب اسمها اكتبه الج بلكي تلكينه بالعراق

اني اعتقد راح استخدمها شنسوي ماكو غير حل