ممكن سؤال على الديباكين

[لولوة المزيونة]

خواتي عزيزاتي دكتورتنا الفاضلة
اني صارلي 9 سنين استعمل التجريتول وهسة بدلي الدكتور الدوة للديباكين بس اني حاليا اخذ تجريتول وديباكين لاني اتخلص من الجريتول بالتدريج بس معاناتي هسة بالاثار الجانبية للديباكين واثار التخلص من التجريتول علما اني اخذ الديباكين بمقدار 600 غم باليوم
سؤالي هل انو هاي الاثار الجانبية من ( دوار وغثيان وعدم التركيز والتعب اثناء التركيز والحركة ) كلها تنتهي بعد مايتعود عليها الجسم لو تبقى مستمرة وشنو الادوية اللي ممكن تتعارض ويه هذا العلاج علما اني خلال 9 سنوات لم اتعرض لنوبة الامرتين فقط ممكن الرد من الدكتورة العزيزة او ممن لديه حاله مشابه او خبرة

شكرا

[لينا 2012]

اختي العزيزه ماعندج غير العافيه وان شاء الله الدكتوره ترد باقرب وقت

[صموووته]

ماعندج غير العافيه ورده
ان شاء الله الدكتوره ترد عليج من تدخل للمنتدى
..,

[تسنيم]

عذرا ماعندي فكرة أسأل الله ان يشافي كل مريض
وين الدكتورة هذا وكتها مو بس بألاسم عدنا دكتورة
ههههههههههههه

[لولوة المزيونة]

شكرا خواتي العزيزات الله يخليكم ويحفظكم
بس الدكتورة مجاوبتني هئ هئ اني زعلت

[Dark Spirit]

اختي لولوة
تأثير الدوة يبدي يختفي شوية شوية يعني حسب قابلية جسمج وتعوده عالدوا
وانتي خلال 9 سنوات النوبة بس مرتين المفروض يقللولج الدوا
اني دااحجي من تجربة بالعائلة عدنا بس اسم الله عليج اكثر من حالتج
اتمنى فدتج حسب اللي اعرفه

[هطول]

حياتي ماتشوفين شر الله يشفيك ويشفي بنتي يارب
حبيبتي بنتي تستخدم الدواء واللي عرفته ان مفعوله اقوى شوي عن التريجتول
بس عمري اهم شي الراحه ونومي بالليل بدري لان الدكتور قالي هالكلام الاثار الجانبيه
سببها السهر والارهاق ...الله يغنيك عنه ...يارب..

[لولوة المزيونة]

شكرا حبي
الله يشافينا ويبعد عنا هذا الدوة وغيره

[د.فراشة الليل]

حبيبتي اسفه على التاخير بالرد
بس البنات يعرفون اني مشغوله وصار فتره مداخله للمنتدى
حبي الديباكين اقوى ومفعوله احسن
بس اكيد التأثيرات الجانبيه تبين عليج مع بداية استخدامه ..بعد ان تتركين التجريتول حتقل الاعراض واكيد بعد ان يتعود عليها جسمج هم تقل
واهم شي الراحه وقلة الانفعالات
وان شاء الله كل الصحه والسلامه