استشاره عن اورام الرحم الليفيه..

[* لبنى *]

اول شي مرحبا

حقيقة هذا الموضوع يخص احد اقاربي..


عندي اقاربي..متزوجه من اكثر من سنتين و نص ..المهم انها ما صار عدها حمل من بداية الزواج..و هي ما اهتمت للموضوع لانها اصلا ما رادت..

بس ورا سنه و نص تقريبا فكرت بالموضوع..و راحت راجعت الدكتوره..وبالصدفه طلعت حامل..لكن الحمل ما كان طبيعي..كان وياه اكو نزيف..و نزيف مستمر ل 3 اسابيع...طبعا الدكاتره بالدول الاسكندنافيه لو يبيعون جكاير هوايه احسنلهم..كل شي ما يفتهمون..

لدرجة هي ضلت تنزف 3 اسابيع و هما يكولون..هاا؟؟..ما نعرف شنو السبب..الى ان اتخربطت..و صار الطرح..و ما انطوها العلاج اللازم..

و بهذه الفتره اكتشوف عدها اورام ليفيه بالرحم..و اتوقعوا انه هذه الاورام سبب الطرح..يعني كرة عينهم ما متأكدين..

ورا فتره كلولها انتي اذا حملتي مره ثانيه و استمر الحمل ..معناها مراح يأثر عليج..بس عود احنا نسويلج عمليه انشيل هذه الاورام..يعني ما عدهم شي اكيد..

هي صارت فعلا حامل...و حمل طبيعي بس للاسف ورا شهرين مات الجنين بالرحم..و ما طرحت..بس هي حست انه مو طبيعي..و سولها عملية نزلولها الطفل..و اكتشفوا انه الاورام دا تكبر..و هذا كان السبب للطرح


هسه هي دا تنتظر ان تشيل هذه الاورام..

بس هسه حابين نعرف ورا ما يشيلون الاورام..راح رأسا تقدر تصير حامل؟؟..لو شنو؟؟..و شنو المضاعفات الي ممكن تصير الها بعد ما تشيل هاي الاورام...


الي عدها معلومه دقيقه بهذا الموضوع يا ريت تفيدنا..

و ما تنسوها من الدعاء..و الله يشفي الجميع..و ينطي طفل لكل وحده حابه تكون ام..


طولت عليكم...تحياتي

[ورده 12]

حبيبتي ماعندي معلومة بس حبيت اندعيلة اللة يشافية بحق محمد وال محمد ويرزقة ويرزق الجميع بس بلكي البنات يفدونج ان شاء اللة

[* لبنى *]

ورده 12 الله يخليج و ينطيج على كد نيتج..تسلمين يا غاليه على الدعوه الحلوه..الله يسمع منج يا رب..و يسعدج و ينطيج اللي تتمنيه

[doctora]

هلوحب..هسه بالصدفه شفت موضوعج

حبي هاذي الاورام الليفيه شي ابد ميخوف وميشكل اي مشكله عاده احنا ننصح المريضه انو تسوس سونر كل 3 أشهر حتى تجيك حجمه واذا شفنه انو الورم ديكبر بهلحال نكول لازم ينشال بعمليه..قصدي انو العمليه مو دائما تكون الخيار الاول بالعلاج
ومو دائما وجود الورم بالرحم يأثر عالحمل..اكو هوايه مريضات تكمل الحمل عادي وهيه عدها ورم ونشيله ويه الولاده بنفس العمليه..وبالبسبه لسؤالج اذا ممكن تحبل بعد متشيل الورم يعني ممكن بس اكيد مو رأسا لان لازم اصلا تنطي مجال بعد العمليه 3 أشهر وبعدها عادي ماكو مشكله

بس حبيبتي اننتي أكدي عالمريضه خليها تجيك من اكثر من طبيب يله تقرر

واتمنى اكون فدتج بشي

بوساتي:17::17:

[* لبنى *]

تسلمين والله دكتوره فدتيني و هوايه..لان اني ما احس المستشفيات هنا تنطي شي مؤحد..كله على الاحتمالات..و بدون توضيح
هي اول مره من اكتشفته كان حجمه صغير و سببلها الطرح..و بالمره الثانيه كبر حجمه اثناء الحمل..و مقرريلها العمليه

تسلمين اختي تعبتج ويايا..و شكرا على ردج المفيد