ساعدوني انا في محنة من امري

[ياقوتة]

السلام عليكم انا صارت عندي مشكله قبل سنتين انه صار عندي حمل خارج الرحم وسويت عمليه وشالوه الطفل علما انه كامن تقريبا 45 يوم وبعد العمليه بشهرين حسيت بالم بصفحتي اليمنى الي هي نفسها كان فيها الحمل الخارجي وانا اعاني لحد الان ومجاي يعررفون شنو السبب سويت جميع التحاليل والفحوصات للكلى والكبد والمجاري البوليه واخذت ادويه التهابات وقولون طبعا من بعد استشارة الاطباء وهسة اخر شي اقترحوا عليه بالعمليه من جديد لمجرد يشوفون شنو السبب وهي عبارة عن عمليه ناظور وانا جدا خايفة وقلقة واتمنى ان تنصحوني وتفيدوني واكون ممنونة الكم واذا موجودة دكتورة ترد علي والله يخليكم علما انها اول مشاركة لي في المنتدى

[ام بتول]

حبيبتي ام بنين ماعندج غير العافيه انشاء الله الدكتوره تفيدج
تقبلي مروري يالغاليه

[sasa2009]

حبيبتي ان شاء الله ماعندج غير العافية يارب
ماعندي خلفية عن الموضوع بس حبيت ادعيلج ويارب البنات والدكتورة يفيدوج قلبي انتي

[لينا 2012]

خيتوووووووو ماعندج غير العافيه وان شاء الله ماكو شي

انتي ليش تخافين من الناظور تره عمليه سهله وما طول اقل من نص ساعه بس يسولج ثقوب بالبطن يمكن 2 لو 3
ويدخلون الناظور ويعرفون شنو سبب الوجع هذا الناظور يكشف كل امراض الرحم هو صح بنج عام بس تطلعين بنفس اليوم
ماعندج غير العافيه
هاي المعلومات الي اعرفها عن الناظور ان شاء الله دكتوره ترد عليج باسرع وقت

[ياقوتة]

مشكوة sasa 2009
الله يخليج ويعطيج الصحة والسلامة ومشكورة على الدعاء
مشكورة حبيبتي ام بتول الله يعطيج الي ببالج

[ياقوتة]

حبيبتي لينيا انا ماخايفة من الناظور لا لان عندما سويت العملية مالت الطفل خارج الرحم كانت نفس الطريقة الي قلتي عليها انه 3 ثقوب وطلعت ثاني يوم من المشتشفى الي مخوفني هو انه اخاف همين مايعرفون السبب اني عايشة بالدنمارك وهنا شوية الاطباء مو اذكياء

[جومانة]

ماعندج غير العافية انشاء الله ماكو شي سوي العملية بادن الله يعرفون سبب الالم وتتشافين

[لينا 2012]

لا حبي توكلي على الله وربج يفرجها ان شاء الله ماكو شي

[ضوء النجوم]

ماعندج غير العافية ان شاء الله اتمنى افيدج ولو بشي بسيط بس للاسف ماعندي معلومة بهالشي ان شاء الله البنات يفيدوج والدكتورة

[ياقوتة]

الله يخليكم ويعطيكم الف عافية واتمنى الكم كل خير وعافية وربي ان شاء الله مايضركم لابمرض ولا بفراق

[لولاتي]

ماعندج الا العافية والله يكومج بالسلامة

[قافلة العشاق]

صلي صلاة استخارة والله يفرجها عليج وان شاء الله ماكو شي وتكومين بالسلامه وتبشرينه

[ياقوتة]

الله يخليج حبيبتي قافله العشاق وينولج الي ببالج

[د.فراشة الليل]

حبيبتي ضروري تسوين العمليه مره ثانيه
لان ممكن بعض الاحيان يصير انسداد بالانبوب اللي بنفس الجهه وهذا يسوي الام بنفس وقت التبويض العادي
وعملية الناظور راح تفيد بفتح الانبوب اذا هم يفتهمون
وهم تفيد لتشخيص اي حاله ثانيه
ومابيج غير العافيه

[ياقوتة]

مشكورة دكتورة الله يعطيج الف الف عافية

[نسمة بابل]

الله يساعدج حبيبتي

والله يسهلج

لو تروحين للعراق لو اي بلد عربي احسن

لان ذولة هنا يموتونة اربع ساعات سوالف ونفسهم شطولة

احنة نريد حار بحار

اني هم بالسويد يشلعون القلب اكللهم عندي هرمون الحليب عالي يكولون مياثر على الحمل عادي

مخابيل حشاج

[تعبني غيابهم]

حبيبتي ياقوته ماعندج غير العافيه
وان شاء الله يعرفون السبب ويعالجوج
تحياتي الج

[المهاجره]

عزيزتي ياقوته
بيج العافيه انشاالله ومشوفين مكروه
بس الله يساعدج على طب الدنمارك
اني اختي ساكنه بالدنمارك وهم حمل خارج الرحم صار عدها وانفجر المبيض عدها وصكطوها اله شويه الله لا ينطيهم غبائهم عاااام شاااام
تقبلي مروري

[ياقوتة]

حبيبتي الله يخليج :22222:النه الله يمعودة لعد شنسوي والله يعينها لاختج ويشافيها ياعيني طبهم فاشل ومواعيدهم طويله وعدهم طولت بال ومااعرف شوصفلج بعد من رداءة ويجربون اشكال وانواع الادوية بس والله قهرتيني على اختج لان اني همين كان عندي الالم تكلي الدكتورة هاي تشنج بالعضلات :17:

[ياقوتة]

مشكورة حبيبتي نسمة بابل اني جديدة بالدنمارك صارلي 3 سنوات من اجيت وياريتني مااجيت ومايحقلي اسافر للعراق والله يعينه بس انتي والله همين ماعرف شكللج بخصوص حالتج بس نتوجه لله سبحانة وتعالى هو المشافي والمعافي ومشكورة على المرور الطيب