هل انا حامل ساعدوني بارائكم

[جومانة]

السلام عليكم بنات اني لحد هسة جنت دا اسوي منع لظروف صحية بس الحمد لله ما ظل عندي شي وصار شهر موكفة المنع وهسة باقي تقريبا 10 علدورة مالتي بس دا احس بالم جوة الظهر واحتقان بلثدي ورغبة بلاكل هل ممكن تكون هاي اعراض حمل ارجو الافادة وادا الدكتورة تكدر تفيدني اكون ممنونة لان مستعجلة على الحمل لان انتظرت شهور من العلاج والادوية وطبعا كلشي بايد رب العالمين بس ما كادرة اصبر لي وكت الدورة

[صموووته]

ان شاء الله تكونين حامل حبي وتبشرينه
ننتظر الدكتوره حتى نشوف شنو رايها

[غزل الروح]

حبيبتي ان شاء الله تكونين حامل

[sasa2009]

حياتي ان شاء الله يرزقج بالذرية الصالحة
بس ردت اقلج اعراض الحمل متبين قبل الدورة اقل شي بالشهر الثاني من الحمل يلة تبدي اعراض الوحام والحمل تكون واضحة
اما الاحتقان بالظهر والصدر فهو عادي جدا حتى ويا الدورة اتصير انتي انتضري الدورة تتاخر عليج وسوي تحليل وان شاء الله تجين اتبشرينا يارب

[جومانة]

اني هاي الاعراض تجيني قبل الدورة بيوم او يومين مو اكثر لهدا شاكةانو اكو حمل لان باقي 10 ايام علدورة ادعولي بنات واشكركم على المشاركة وافادتي

[sara201012]

حبي ان شاء الله تكونين حامل وننتظر تبشرينه

[ملكة الجمال]

عزيزتي اهم شي هو التحليل
يبين انتي حامل لو لا
وانشاء الله حامل

[جومانة]

حبي ملكةالجمال اني بعدلي تقريبا اسبوع علدورة ادا حللت هسة راح يبين اكو حمل او لا؟ لو لازم انتظر لي بعد وقت الدورة ادا ما جتي؟وشكرا علدعوات والنصايح

[* لبنى *]

والله اخت جمانه..حسب قراءاتي..انه البويضه تجهز للتلقيح في يوم 12 -15 من الدوره..
يعني تحسبين من اول يوم تجيج الدوره لحد يوم 12-15
و بهذه الفترة اذا صار لقاء بين الزوجين ممكن يصير حمل..و الحمل ما يبين بجهاز كشف الحمل الا بعد 12 يعني تقريبا قبل 3-4 ايام من الدوره...طبعا التحليل اضبط شي
و الاعراض تبين الا بعد شهر يمكن او اكثر

والله اعلم...و ان شاء الله تكونين حامل وتبشرينا..
تحياتي..و ان شاء الله البنات يعرفون اكثر

[zainab_2010]

حبيبتي اكو جهاز يبين الحمل قبل اسبوع بالظبط دكدرين تسئلين ابو الصيدليه واذا جربتي ومطلع شئ عادي لتخافين احتمال يكون اكو حمل بس ميبين

[جومانة]

هلو بنات شكرا لنصايحكم ودعواتكم بس اليوم حللت دم وطلع ماكو حمل للاسف بنات عفية ادعولي الله يخليكم

[ضوء النجوم]

حبيبتي اعتيادي مايبين تحليل الدم قبل موعد الدورة يبين بالدم ورا فوات الدورة بأسبوع

[نور الصباح]

ان شاء الله حاااااااااامل

بس انتظري فد 5 ايام حتى اضبط وسوي تحليل منزلي
من تكعدين من النوم الصبح اضبط شي وان شاء الله تجين تبشرينااا

[جومانة]

تسلمولي يا ضوء النجوم و نور الصباح حبيباتي بلكت فعلا مثل متكولين يا ضوء النجوم تحليل الدم ميبين لان حللت قبل موعد الدورة ولو سألت المحلله كالت يطلع الدورة مالتي بعد 4 ايام بلكت انشاء الله متجي ادعولي بنات فدوة وشكرا لنصايحكم

[ضوء النجوم]

ان شاء الله بعد كم يوم وتجين تبشرينا بحملج قادر ياكريم

[جومانة]

اميييييييييييييييييين يارب اشكرج حبي ضوء النجوم ربي يخليلي اياج وما يحرمني من دعواتج انتي وحبيباتي الي بلمنتدى بيتي الثاني

[الفراشة العراقية]

يارب يسهل عليج
ينقل الى مكانة مناسب

[Asmaa]

حبيبتي ان شاء الله تكونين حامل

[د.فراشة الليل]

حبيبتي اكيد هسه بين حمل لو لا؟
وان شاء الله تكونين حامل...بس هي الاعراض اللي كلتيها متبين اكو حمل لو لا
لان هيج اعراض اذا حسيتي بيها بعد تأخر الدوره ممكن تبشر بحمل اما اذا قبلها فلا ممكن هي الدوره نفسها تريد تجي
وعلى كل حال هسه التحاليل هي اللي تبين
وان شاء الله ربي يفح قلبك ويرزقك بالذريه الصالحه