عنوان الدكتورة هند السعران

[تمرة عراقية]

هلو بنات شلونكم يارب تكونوا بخير وعيد سعيد عليكم وعلى كل اهلنا القريبين والبعيدين بنات حببيت اسال منو تعرف عنوان الدكتورة هند السعران يعني عيادتها ةالي يروحلها لازم حجز لو عادي وباي مستشفى تشتغل وهم تشرف على الولادات يعني حتى اذا عملية قيصيرية ارجوكم ساعدوني لاني كلش محتاجتها والمستشفى يدارون المريضة اثناء الولادة وبعد الولادة يعني الخدمة شلونها لانه اسمعت انه بمستشفيات العراق ميدارون ومعاملتهن جدا تعبانة وخاصة الممرضات فدوة بنات كل وحدة تعرف معلومات تخبرني وجزاكم الله الف خير

[لينا 2012]

هلو حبي

اني كنت اراجع هند سعران عيادتها بساحه الاندلس بصف مستشفى الجراح وهي هم تشتغل بالمستشفى

حبي بالنسبه اشلون يدارون المريض اكيد اذا انطيتي فلوس راح يحطنج على راسهن

بالنسبه للحجز ام عبد الله السكرتيره مالتها انتي اول ما طبين راح سدها بوجهج تكولج هاي العالم جايه من 5

الفجر ما اكدر ادخلج انتي بس طلعي فلوس وكليلها دخليني وما انسى فضلج يعني 25 الف هم لدكتوره وهم الها نسبه

لان كشفيه الدكتوره 15 واذا ما انطيتي فلوس تبقين اخر وحده

بس اني احب افيدج بمعلومه مستشفى الراهبات بالكراده يخدمون المريض خدمه مو طبيعيه لان اكثرهم مسيح

حتى الطفل ميخلوج شيلينه ولا يحطونه يمج بالغرفه همه يلبسونه ويخلوه بغرفه الاطفال

الله يكومج بالسلامه خيتوووو

[sara201012]

ان شاء الله تكومين بالسلامة , واكيدالبنات راح يفيدوج

[تمرة عراقية]

شكرا حبيباتي على الدعوات والايضاحويجعلهة اللهم في ميزات حسناتكم طيب بنات منو تعرف طبيبة زينة بمستشفى الراهبات حتى اكدر اعتمد عليها فدوة لعيونكم بنات

[Miss Perfume]

بالنسبة لهند سعران مااعرف
مستشفى الراهبات الدكتور ريا ... اني ولدتني قيصري
والحمد لله عمليتي تخبل خط رفيع
وطبعا العناية حلوة نظافة الخ الخ
بس هم كلشي بفلوس

[لينا 2012]

حبي بمستشفى الراهبات امل فتوح وهاي صارله اكثر من 25 سنه بالطب وهم سوي عمليات بالمستشفى

[أم يوسف]

بالراهبات مثل مكالت لينا امل فتوح كلش تفتهم اني جبت على ايدها مرتين طبيعي بس شغلة وحدة متعجبني بيها شوية عصبية يعني حتى بصالة الولادة مرات تتعصب بس على شغلها رهيب كلش مرتب وتفتهم بشكل ومن ترحين للعيادة روحي من ال6 الصبح لان السكرتير ميقبل فلوس كلمن بسراه يدخل وكلش ازدحام ويارب اكون فدتج بشي واسفة على الاطالة