والله حيروني ما اعرف نفسي حامل لو لا ؟؟؟؟

[لولاتي]

هلو عراقيات شلونكم

هسة صار فايت على موعد الدورة اسبووع وكلما احلل ادرار يطلع خط خفيف وخط غامق بس الخط الخفيف شوية دا يوضح اكثر رحت لدكتورتي لكيتها معزلة من ورة رمضان حللت الدم طلع حمل ضعيف هسسسسسسسسسسسسسسة اخذت سونار اليوم اشو ام السونار خبلتني كالتلي ماكو حمل بالرحم بس عندج كيس كلش صغيير عالمبيض الايمن يجوز هوة اللي ماخر الدورة وهسة اني حايرة ما اعرف اصدك السونر لو التحليل يارب ساعدني اني كلللللللش خايفة زوجي كالي ننتظر ورة العيد ونروح للدكتورة ونشووف شدكول واني مابية حيل انتظر اني اول حمل ماصار هيجي بية ببنتي اول زواجي راسا حبلت و3 ايام اول ما فاتتني حللت ادرار طلع خطين واضحين والحمد لله الوضعية كلش زينة وبنوتي تخبل فدوة لعينها بس اشو هسة كلشي متخربط ضجججت ساعدووووووووونييييييييييييييييييييييييي:bh::bh:

[أم نور]

مرحبا أختي العزيزة لولاتي


شلونج عيني

حبيبتي لا تضوجين ولا تنقهرين انتي انتظري اسبوع بعد وروحي اخذي تحليل مال دم للحمل وشوفي بلكي ان شاء الله يكون حمل قوي واني والله احخذت سونار ببنتي الثانية كنت حامل شهر ونص وكلتلي ممبين زين بس كيس حمل وهذا هو وصغير الا شهرين يلة كالت اي اكول حمل واكو نبض


انتي خليها على الله حبي

[zainab_2010]

حبيبتي اذا خط فاتح وخط غامق هذا حمل ان شاء الله لان اني هيج طلعلي
هسه نجي على تحليل الدم والسونار تحليل الدم لازم بره عشر ايام يعني لاتستعجلين بعد وقت على كيفج ولاتبقين توهوسين هواي
اما السونار اذا خارجي ميبين اله بره شهر ونص يعني بكل الاحوال تنتضرين بعد شئ سبوع سبوعين واخذي بعين الاعتبار انج حامل وديري بالج على نفسج.

وان شاء الله تجين بالخبر الحلو

[لولاتي]

تسلمووووون حبيباتي ربي يطمن كلبكم ويرزقكم وينولكم اللي ببالكم اميييييييييييييييييين يا رب العالمين

[Lo0oLo]

حبيبتي اني هم بحملي طلعلي خط كلش خفيف وكالت مبدئيا مبين حامل بس حتى نتاكد ننتظر اسبوعين وصدك وره اسبوعين حللت صارا لخط اطوخ
والسونار الخارجي ميبين مثل مكالت زنوبه
اني سولي داخلي وحامل شهر ونص وبينت نقطه بالرحم يعني شي كلش صغير
لتخافين ولتوهسين واولو تالي مظل شي للعيد
يعني اسبوع بالزايد وروحي لدكتورتج واطمئني
ومبروك مقدما

[لولاتي]

حبيبتي اني هم بحملي طلعلي خط كلش خفيف وكالت مبدئيا مبين حامل بس حتى نتاكد ننتظر اسبوعين وصدك وره اسبوعين حللت صارا لخط اطوخ
والسونار الخارجي ميبين مثل مكالت زنوبه
اني سولي داخلي وحامل شهر ونص وبينت نقطه بالرحم يعني شي كلش صغير
لتخافين ولتوهسين واولو تالي مظل شي للعيد
يعني اسبوع بالزايد وروحي لدكتورتج واطمئني
ومبروك مقدما

تسلمين حبي والله اني بس من ادخل للمنتدى ارتاح من اشوفكم متفاعلين وياية عبالك خواتي والله اكثر لان الاخوات هم مايسالن كل وحدة ملتهية بروحها ما اسولف وية احد بس وياكم الحمد لله من لكيت هيجي منتدى راقي ويلم العراقيات بكلب واحد:Dl3W1-k5Ju_91128764

[Lo0oLo]

حبيبتي ان شاء الله دومج مرتاحه ويانا
واحنا بالفعل خوات ووحده كلبها عالثانيه
الحمد لله
الله ينطيها العافيه لام انور الي لامتنا
ويرحم ابو انور برحمته الي سوالنا هالتجمع

[Miss Perfume]

حبي ليظل بالج يخبر بفلوس
انتي مقارية قصة ساسا بنية ويانة
شمسوين بيهة خطية الى ان عارفين حامل

انتِ بعدج بالبداية مراح يبين بالسونر اصلا

عالعموم انتظري اسبوع اسبوعين وسوي تحليل دم وان شالله خير
ولتفكرين بالموضوع هواية احسن الج تحسبا لكلشي

[لولاتي]

حبي ليظل بالج يخبر بفلوس
انتي مقارية قصة ساسا بنية ويانة
شمسوين بيهة خطية الى ان عارفين حامل

انتِ بعدج بالبداية مراح يبين بالسونر اصلا

عالعموم انتظري اسبوع اسبوعين وسوي تحليل دم وان شالله خير
ولتفكرين بالموضوع هواية احسن الج تحسبا لكلشي
هو هم هيج حبي راح انتظر والله كريم

[sara201012]

ان شاء الله تكونين حامل وتفرحينه بعد العيد

[الألق]

حبيبتي ان شاءالله اطلعين حامل انتي ديري بالج على نفسج ومضل شي للعيد وراها روحي واتاكدي والله يتمم عليج بالخير وتجين اتبشرينا يااارب

[sasa2009]

ياعمري لا تقلقين ترة التحاليل والاطباء ابد مينطون جواب مظمون
اني حامل 10 اسابيع وتقلي الطبيبة يستحيل يصير الج حمل طبيعي بدون جراحة واني الحمدلله هسة راح ادخل بالسابع
يعني لا تخلين فكرج يم الاطباء والتحاليل انتظري فترة يلة تعيدين السونار
وصدك اني سويت سونار داخلي ومبين الكيس مال الحمل الا ورا 10 اسابيع يلة بين النبض
وطمنينا عليج حبيبتي ان شاء الله اتبشرينا هليومين

[لولاتي]

ان شاء الله خييرر حبي ساسا ياريب يتم حملج بخير وتكومين بصحة وسلامة انتي والنونو

[mariam alobidi]

هلو ختي العزيزه حبيبتي لا تشيلين هم وتضوجين اولاا انتي بعدج بالبدايه اني ببنتي الثانيه كالولي اقل شيء 16 يوم ورا الدوره يله تتحللين علمود يكون واضح والله يسهل عليج وينولج الي ابالج ياربي :47-c:

[كليجه عراقيه]

لا تحيرين حبي اني صارتلي وكم مره همينه خلي يفوت جم يوم بعد حللي وراها وان شاء لله خير

[Dark Spirit]

حبي لا يبقى بالج
السونار مو دائما يبين بي اني صرت اربع اشهر يللا بين النونو ببطني
استندي على التحليل طلع عندج حمل ديري بالج على روحج وبس
وان شاءالله يكتبه الج ذرية صالحة وتخاوين بنتج يارب
لايبقى بالج حبي اني هيج صار بيه لايظل بالج مادام ماكو دورة وحمل ديطلع بالتحليل لايبقى بالج وديري بالج على نفسج
وماعندج الا العافية
اني تقريبا بحملي كلشي صار بيه هههههههههههه صرت موسوعة

[لولاتي]

حبي لا يبقى بالج
السونار مو دائما يبين بي اني صرت اربع اشهر يللا بين النونو ببطني
استندي على التحليل طلع عندج حمل ديري بالج على روحج وبس
وان شاءالله يكتبه الج ذرية صالحة وتخاوين بنتج يارب
لايبقى بالج حبي اني هيج صار بيه لايظل بالج مادام ماكو دورة وحمل ديطلع بالتحليل لايبقى بالج وديري بالج على نفسج
وماعندج الا العافية
اني تقريبا بحملي كلشي صار بيه هههههههههههه صرت موسوعة
اشكرج حبي عالمرور واني حللت ادرار اليوم طلع عندي خطيييييييييييين واضحين والحمد لله ان شاء الله موجود حمل يا رب وتسلمييييييين على روحج الطيبة

[صموووته]

ألف مبرووووك حبيبتي
ربي يتمملج حملج على خير وتكوميلنه بسلامه

[لولاتي]

ألف مبرووووك حبيبتي
ربي يتمملج حملج على خير وتكوميلنه بسلامه
اشكرج حبي وان شاء الله يوم كل محرومة وتريد نونو

[ضوء النجوم]

مبروووووووووك حملج عزيزتي

[لولاتي]

شكرااااا حبيبتي

[Dark Spirit]

مبروك الحمل لولاتي ان شاءالله تجيبين اخ لبنوتج الحلوة بس ها
لازم يطلع حلو عالبنوتة
مبروك وردة والله يتمملج يارب