ضروري اسمع ارائكم

[هيفاء]

بسم الله الرحمن الرحيم
السلام عليكم ورحمة الله وبركاته
راح ادخل بالموضوع بلا مقدمات
بيوم انه جنت دا اراجع الطبيب وكعدت يمي مراجعه وضلينه نسولف وتعرفون المواضيع الي تنفتح بهيج كعدات يعني اشكد صارلج مزوجه وشنو السبب واهل زوجج اشلونهم وياج يعني من هالسوالف وبعدين كالتلي انو حماهه (اخو زوجهه) الله رازقه اطفال وراد ينطيهه واحد بس زوجته ما قبلت واني كلتلهه حقهه ما تقبل جان كالتلي اشدعوه عليهه ما ناطيتت الغريب ومن ذاك اليوم حبيت افتح هذا الموضوع للنقاش
و اسمع ارائكم يعني اتقبلون اتربون اطفال غيركم او ماعدكم مانع تنطون طفل الى احد الاقارب يعني اخ او اخت
بأنتظار ارائكم

[املي برحمتك]

حبيبتي موضوعج مهم
بس مااعتقد انو الام الي تحمل بالطفل وتولده لهاي الدنيا وهو دمها ولحمها تكدر تنطي لاحد يربي حتى لو اقرب الناس

بس اكو ناس تكدر تربي او تتبنه طفل بيها مجال بس صعب الام تنطي طفلها

تقبلي مروري

[هيفاء]

تسلمين عالمرور حياتي
وانه هم اكول هيج اعتقد صعب جدا عله الام انو تشوف ابنهه يكبر بعيد عن عينهه بس تره اكو ناس ماعدهم مانع انو ينطون طفل وانه اعرف هيج ناس شخصيا اعرف وحده نطت ابنهه لأختهه وهسه جاي اتربي جنه ابنهه ويصيحلهه ماما وهي خالته

[املي برحمتك]

يمه وشلون تتحمل ميكوللها ماما هاي احلى كلمه وميحس بيها الا الي فاقدها
يارب خلينه نعيش حته نسمعها امين يارب العالمين

[هيفاء]

اميييييييين الله يسمع منج
حته الطفل خطيه هوه دايعاني لأن هسه هوه بالمدرسه والاطفال دائما يضحكون عليه يكلوله انته عندك اثنين امهات وهو خطيه يروح لأمه (يعني خالته) يشكيلهه ويبجي

[عيون حلوه]

عن نفسي مأنطي احد من اطفالي لو يصيرون الف
بس اذا الله مكاتبلي اطفال اكيد اتبنى طفل يتيم ومأخذ من احد قرايبي لان حيجي اليوم الي ياخذه مني
وهذا الشي صاير هواية

[هيفاء]

صحيح هواي اكو هيج وحته لو ماراح ياخذوهم مجرد وجود هيج فكره راح تزرع الخوف بقلب الام المربيه كلما شافت الطفل يكبر
وفكرة تربية اليتيم حلوه لأن امي دائما اتكول الأم هي الي ربت مو الي جابت
بس هم عندي تحفضات عله هاي المسألة اذا كنتي ماتعرفين شنو اصل الطفل صعبه شوي

[مكارم]

حياتي الموضوع شائك
بالنسبه للطفل من الاقارب اعتقد الامر واضح مهما كان سو يكون منتمي ل اهله ولو بعد حين
ثم ان الفكره ممكن ان تكون عند الطفل عقده لماذا تخلي عني اهلي وهذه تجعله مريض بامراض نفسيه وتنعكس على حياته وتكون النتائج غير محموده
اما تبني اليتيم فان الاسلام نبه في القران الكريم بان يدعوهم ل اهلهم الصوره واضحه في سورة الاحزاب
كما ان تبني ولد يشكل حرمه فاته عندما يكبر تكون الام اللتي تبنته حل له اما البنت فتكون حل للزوج اي الاب المتبني
ممكن ان تكفل اليتيم اي تبقيه على اسمه دون نسبه وفي الميتم كما ان مسئله الميراث تكون شائكه لبقيه الورثه بعد عمر طويل
اذ ليس له ان يرث الا ان تكون هبه
ارجو ان لااكون قد اطلت وتقبلي تقديري

[قافلة العشاق]

طبعا اني ضد هاي الفكرة نهائيااااااااااااااااااااااااااااا

[هيفاء]

شكرا عله مشاركتكم
بس حبيباتي ما قصدت التبني بمعنا اتخاذه ابن وتسجيله بأسم المتبني لا لا انه اكيد اعرف وجهة نظر الأسلام بهاي المسأله بس اقصد لمن مثلا تكون وحده الله رازقهه الذرية تنطي أبنهه لأختهه مثلا ماقصدت انو اتسجله بأسم اختهه وزوجهه بس مجرد انو الطفل يعيش ويه خالته ويعرف انو هاي خالته سواء كان يناديهه خاله او ماما ولا راح اتورثه ولا شي مجرد يعيش وياهه وانه طبعا مو قصدي أأيد هيج فكره بس حبيت اطرحهه للنقاش

[الكادي]

اذا ربي رازني اكثر من 3 اطفال انطي قابل انطي للعريب اكيد للي اثق بي

[معلمه]

طبعا والله اني دائما اطرح هاي الفكره على زوجي اريد اربي طفل
بس ميقبل يكولي منين وشنو بالسلام حرام التبني
والله ما ادري شسوي اريد طفل بحياتي

الله كريم

[هيفاء]

بنات انه ما اقصد تبني طفل غريب اقصد ان تربين ابن اخوج او اختج
حبيبتي اضواء تره مو سهله تلكين احد يقبل ينطي ابنه

[غزل الروح]

حبيبتي اني رأيي اذا الله انطاني عمر وصار عندي اطفال فمن المستحيييييييل ان اامن عليه وهو بحضن غيري حتا وان كان اقرب الناس اليه وما اعرف شلون يسووها بعض الناس
اما موضوع ان اتبنى او اربي طفل مو اليه هم رافضه هايه القضيه يعني اجيب ابن اخويه او اختي واخلي يمي يوم يومين احتمال اسبوع اتونس عليه اي بس مال اخذه واربيه واصيرله ام وامه وابوه عايشين ويشمون الهوا لااااا مستحيل

ما اعرف ليش بس ارفض الفكره وبشده وحتا لو ابقى بدون اطفال لا قدر الله

ارجو ان مااكون طولت عليج تقبلي مروري

[طيف79]

والله هذه الحالة صايرة مع امي لان عمتي جابت توم بنات وانطت امي وحدة وامي تحب ابنات وماعدهة غيري وربتها احسن تربية بس المشكلة للبنية كل اللي يجي يكلهة هاي مو امج وصارت حساسة اكثر واثرت على نفسيتها بس الحمد لله كبرت وازوجت وهسة جياتها هي واطفالها بس اللنا ولا تروح لاهلها الحقيقين ولسة تكل لامي ماما واحنا اخوانها

[Miss Perfume]

ضد الفكرة ومااتقبلهة نهائيا
حتة لو عندي دزن ماانطي اولادي لاي وحدة مهما تكون قريبة عليه مستحيل

اما اخذ طفل اربيه ممكن بس اهم شي ميكونون اهلة عايشين
والاسباب واضحة ماكو مجال لتفصيلها
تحياتي

[أم نور]

اني هم ابدا ما اكدر طفلي لاي احد لو كان اقرب الناس الي

مستحيل

صعب جدا الواحد يستغني عن طفل وميشوفه بعد ولا يتربى بجانبه ومن يشوفه شلون يكبر

بس اكو ناس هواية مسوية هيج شغلات تتبنى اطفال واهلهم بعدهم موجودين

[سنوبيا]

اني اختي متحمل من حملت اني وعرفت توم كالت اطيني واحد منهم شفتة كلشش صعب مقبلت وراها هم حملت جان بلغلط كالت انت ممستعدة وجهالج صغار اطيني هاذا هم مقبلت صعببب :R5jH5-v5dB_13841388 شكد توسلت بية بس والله يمكن اكو بنات يكولون عادي بس من تنحطون بلموقف كلششش صعب اختي على عيني وراسي زوجها غريب يربي ابني زين من يكبر ميكول ليش انت مربيتيني وهسة اختي بعدها تلح دكول حملي واطيني وكلما تخابر دكول مطيتيني طفل عبالك تشيرت هع

الله بحق محمد يرزق كل محرومة عاجللللللل غير اجل

[sasa2009]

الموضوع مو سهل مثل مينطرح
الحالتين صعبة اذا تنطين وا1ا تربين لان بيوم من الايام راح تنحطين بموقف انه ليش انطيتي الطفل او ليش اخذتي هذا الطفل وخصوصا اذا اهلة عايشين
يعني كلش صعبة واكيد التعلق بيه راح يكون كلش قودي من ينوخذ منج راح تكون النتيجة كلش مؤلمة

[ضوء النجوم]

طبعا هذا شي كلش صعب مااعتقد ام تحمل 9 اشهر وتشوف ضيم الولادة وتالي تنطي ابنها بكل سهوله شلون ينطيها كلبها

[هيفاء]

طبعا اكيد الموضوع كلش صعب
بس بالنسبه الى هل من الممكن انو ام تتخله عن ابنهه اي اكو امهات مو من الصعب انو يتخلن عن ابنائهن وجاي نسمع اشكال القصص بهلخصوص توكف شعر الراس
مشكورات علمشاركه حبيباتي

[باربي بغداد]

ماعرف ليش من قرأت هذا الموضوع شبعت بجي ومسيطرت على نفسي كمت ابجي بصوت عالي :R5jH5-v5dB_13841388

يارب ارحمنااااااااااااااااااااااااااااا يارحيم

[merna]

وين المشكله هسه؟؟؟؟
طبعا اكو كومه نسوان ينطن جهالهن ببلاش للناس بحجه انتي معدج جهال ومحيصير عدج فاخذي ابني ربيه شكد ميكون ابني حيتربى بعز ورفاهيه احسن من العيشه ويايه.........وبما انه احنه معدنه جهال ونموت عليهم فاكيد حدلله للولد او البنت وبما انه ذيج المره مثل البزازين كل شهرين تحبل ماعرف شون فاكيد جهالها بالشارع فاحسن من الشارع انتي اخذيه
ولمن الوحه تياس فرد دوره اخذي اجازه 7 اشهر وتبني الطفل بحجه انتي حبلتي وجبتي وفضت خلصت حتا نسسد حلوك الناس الجايفه... تحياتي

[Habibi Candy]

صحيح شي صعب اني اعرف قصه بنيه انطت بتها لامها لان اختها ماتت حتى سمتها بااسم اختها الي ماتت وبقت البنيه يم امها وتروح اشوفها عادي لان الله رازقها 4 جهال وهسه مااعرف اخبارها

مشكوره حبي ع الموضوع

[هيفاء]

ماعرف ليش من قرأت هذا الموضوع شبعت بجي ومسيطرت على نفسي كمت ابجي بصوت عالي :r5jh5-v5db_13841388

يارب ارحمنااااااااااااااااااااااااااااا يارحيم
حبيبتي باربي عله شنو تبجين والله قهرتيني الله كريم عمري ان شاء الله راح يجي اليوم الي اتشيلين ابنج بي و تتذكرين هاي الايام وتكولين الف الحمد لله والشكر

[هيفاء]

والله شكلج يا ميرنو حجيج صحيح اكو هواي عدهم اطفال وما عدهم مانع انو ينطوهم
بس شغلة انو الوحدة تاخذ اجازه وتكول حملت ما ادري شلونهه يعني هيه من تربي الطفل علمود تملي الفراغ الي عايشته مو علمود اتسكت الناس لأن اكيد راح يجي اليوم الي تنعرف بي الحقيقه

[هيفاء]

صحيح كاندي انه هم سولفت للبنات عن وحده نطت بنتهه لأختهه وهذج هيه مدللتهه اخر دلال بس الذهب الي مشتريته الهه بشئ وشويات ( عله كولة المصريين ) بحيث البنيه من تكعد يم خواتهه بالمناسبات هواي ايبين الفرق الطبقي

[هيفاء]

والف شكر حبيباتي علمرور والمشاركه

[باربي بغداد]

حبيبتي باربي عله شنو تبجين والله قهرتيني الله كريم عمري ان شاء الله راح يجي اليوم الي اتشيلين ابنج بي و تتذكرين هاي الايام وتكولين الف الحمد لله والشكر

هيفاء هواية دينطرح هذا الموضوع بحياتي لهذا صايرة كولش اتحسس وحدة تكولها لاختي نطيها واختي تكولهم اخاف زوجهم ميقبل وجمالة مرة زوج صديقتي يكللها اي شكو متعبة نفسج تربين انطيهمياه خطية صار وجهي ينطي الوان وهية خجلت جان تكوله يمة ابني

وحماتي تكولهم ابني طلع مريض جان انطيتيهمياه كوله كولشي مبيه واحنا كل ولادة يصير هذا الموضوع اني اتضايق بشكل فوك مكل وحدة تضم طفلها عني زوجي يكولي احنا لازم نعيش بجزيرة محد يعرفنه بيها:064:

[هيفاء]

شنسوي ياعيني الله كريم
نفس الشي بنت خال زوجي متزوجه من 2009 وهم نفس الشي تمر هواي بمثل هيج مواقف وذاك اليوم تسولف اتكول رحت زرت قرايبنه لأن جابت تكول شالت الطفل وخلته ابحضني وتكولي والله اخذي ما اتشاقه جان رجعته وكلتلهه ما اريده شلي بشلعان الكلب
انتي هم هيج كولي شلي بي انه عايشه و بالي مرتاح والجهال خلي يجون شوكت ما يجون كلشي بيد الله وانه قابله بقسمتي

[رشارشيد]

وربي موضوعك كلش حلوووووووووو لكن هيج كل الجروح اني قبل شهرين تقريبا فقدت جنيني مات بطني والسبب مامعروف وهذي 3مرة تصير بية فجنت كاعدة يم مرت حماية وكالت اختي هواي انقهرت عليج وكالتلي شبيج ليش ماتشيليلهيا انت بطنج يعني دتضرب بسمار عبالها مني السبب وربي حسيت الدنيا تخنقني ورجعت للبيت بجيت وكلت لزوجي كال معليج منها
الحمدلله على كل حال الله يرزقناويرزق كل محروم اميييييييييييييييين

[هيفاء]

مشكوره حبيبتي رشا
والله ما اعرف شكول عله هيج ناس ما عدهم ذرة خوف من رب العالمين كأنما الوحده منهم اذا صارت حامل هاي شطاره منهه وهي احسن من غيرهه مو جنه رزق من رب العالمين
يارب يفرحج بالذريه الطيبه الصالحه بحق لا اله الا الله

[رشارشيد]

مشكوره حبيبتي رشا
والله ما اعرف شكول عله هيج ناس ما عدهم ذرة خوف من رب العالمين كأنما الوحده منهم اذا صارت حامل هاي شطاره منهه وهي احسن من غيرهه مو جنه رزق من رب العالمين
يارب يفرحج بالذريه الطيبه الصالحه بحق لا اله الا الله

اشكرج حياتي هيفاء على هالدعوة الحلوة ويارب يسمع منك

[dramatic]

اني انطي ابني او بنتي الي بعدني ماشايفتهم :icon66: هههههه بس بحاله وحده اذا حبلت بتوم او ب 3 انطي واحد لماما تربي :d4:

[هيفاء]

بس خطيه امج شنو ذنبهه ما عولت اتكبركم هالنوب تشمرين جهالج عليهه:82:
مشكوره حبيبتي علمرور والمشاركه

[اُنثى حالمهـ]

شي صعب جدا انه ام بعد ماحملت وتعبت و تالي ماتالي تنطيه للغريب
مع اني شايفه هوايه حالات المظطرة الي ماعدها فلوس بس هم استغرب والله اكول شلون تبيعه وهو من لحمها ودمها
شي جدا محير
والله ماعرف شكول
شكرا عالطرح

[هيفاء]

اكيد شغله اتحير بس يبقون الناس كلمن ونفسيته
منوره الموضوع حبيبتي

[أم أحرار]

بأسمه تعالى
بالنسبة لرأيي وإن كنت حتى الآن لم أشعر بشعور الأمومة
أشعر بأن الأمر ليس بهين بأني أنطي أبني لشخص ما سواء كان من أقربائي أو شخص محروم من الأطفال :)
لأن الطفل هو فلذة كبدي وقطعة مني فأن أحشائي عانقت أحشاءه
أما بالنسبة أربي أطفال غيري ماكو مشكلة عساني أعمل البيت حضانة لإطفال :)

شكرا لك حبيبتي هيفاء على الطرح الرائع
رزقك الله بالذرية الصالحة وأقر عينك بها عاجلا غير آجلا مع تمنياتي لك بحياة أسرية سعيدة

[هيفاء]

مشكوره حبيبتي عله مرورج ومشاركتج الحلوه