بالله عليكم ساعدوني

[جومانة]

السلام عليكم ارجوكم ساعدوني بخبارتكم والدكتورة ادا موجودة اتمنى تساعدني/اني عمري 25 سنة متزوجة صار 3 اشهر ونص حملت بس صار عندي اجهاض وراجعت طبيبة كالت عندج داء القطط وليت ابلع ادوية لمدة 3 اشهر وكل مرة احلل تطلع نفس النتيجة بدون تحسن راجعنت طبيبة ثانية كالت المرض يصيب الانسان مرة وحدة وبما انو صار عندج اجهاض صار عندج مناعة فاحملي بدون خوف ولا ادوية مع انو الطبيبة الاولى كالت لازم ماتحملين حاليا ابد وجنت دا امنع (طبيعي)/ارجوكم ساعدوني ما اعرف شاسوي احمل لو امنع واسفة علاطالة

[الورد]

داء القطط اذا اصيب بي الانسان تصير عنده مناعه من المرض بما انو صار عندج مره فخلص بعد ماكو خوف من المرض

هذي معلومه سمعتها من دكتور شاطر كلش

وماعندج غير العافيه

[أم نور]

شو حبيبتي جومانه اني هم صار عندي داء القطط اول حمل صار عندي واخذت علاج والحمد لله وصار عندي نور بعد كم شهر تقريبا بس انتي اذا اخذتي علاج لازم يروح منج روحي حليلي بغير مكان الي حللتي عنده اول مرة يجوز يطلع التحليل غير شكل

بس اني اكلج ممكن يرجع هذا داء القطط ولازم قبل ما تردين تحملين لازم اتسوين تحليل واذا بعده موجود المرض لا تسوين حمل انتظري لحد ماتصيرين زينه لان هذا اسم الله اذا موجود عندج وصرتي حامل ممكن يسويلج اجهاض ثاني او اذا بقى الحمل ممكن يسويلج اسم الله تشوه بالجنين فرأيي اني صيري زينه يلة اتحملين وجاولي اتسوين تحليل بغير مكان

[Miss Perfume]

حبي ضروري داء القطط تتعالجين منة يلة تسوين حمل مرة ثانية
يعني اخذي علاج وسوي تحليل

بس بالتحليل تطلع نسبتين
نسبة الاصابة السابقة ونسبة الاصابة الحالية
طبعا الاصابة السابقة مراح تصفر لان انتي صاير بيج قبل فلتخافين منهة هاي
بس ضروري بالتحليل تطلع نسبة الاصابة الحالية صفر

انتي اخذتي علاج اعتقد راح المرض
بس ضروري تبقين تسوين تحليل حتى خلال فترة الحمل همين
بس مع هذا لتسوين حمل الة تراجعين دكتورة ولتخافين نص الشعب العراقي بيه هذا المرض ههههههه
وان شالله ربي يرزقج بالذرية الصالحة
وان شالله الدكتورة تنطيج الخبر اليقين

[جومانة]

تسلمولي يا غاليات لني بقيت 3 اشهر اخد ادوية وحللت 4 مرات بس الدكتورة كل مرة تكول ماكو اي تحسن بس الدكتورة الثانية كالت مادام صار عندج مرة خلص ميرجعلج بس ادا اساسا اني مارايح من عندي المرض شلون ميرجعلي ما اعرف شسوي وتعرفون الاطباء هنا شلون يدوخون الواحد خايفة اروح طبيبة ثالثة تطلعلي بغير سالفة اشكركم على مشاركاتكم

[معلمه]

جومانه سوي بحث بالكوكل عن التكسوبلازما وشوفي تره الاصابه مره وحده تنطي مناعه من المرض

[الصيدلانيه المسلمه]

حبيبتي ((جومانة)) يجب ان تتحسني من المرض داء القطط اولاً يلا تقدري تحملي من جديد لان اذا حدث الحمل وانتِ غير معافى من المرض يؤدي الى تشوه الجنين لا سامح الله فيجب ان تراجعي الطبيب وتعملي التحاليل من جديد قبل حدوث الحمل ..حبيبتي راجعتي دكتورة نزهت لان اني سامعة انوا هي دكتورة جيدة لان اني همين من كركوك...

(( داء القطط وخطورته على الحمل))

داء القطط هو0مرض طفيلي ينتقل للام الحامل التي تفتقر الى المناعه ضد الطفيل عن طريق اكل اللحوم غير المكتمله النضج اوعن طريق الاحتكاك بالحيوانات اوالطيور اوبمكان ملوث بفضلاتها ومن الممكن ان تنتقل العدوى الى الجنين بعبور الطفيل بشكله الحر السريع التاكثر للمشيمه00
علمابان الجسم يعمل على تكوين اجسام مضاده فادا كانت المراءه حامل والعدوى جديده فان الطفيل يصل للطفل ويسبب الاجهاض المتكرر ادا لم يكتشف مبكرا0
وقديكتمل الحمل ويتسبب الطفيل في تصغير اوتكبير حجم الراس ويعمل على تشويه الجهاز العصبي كدلك التلف في الرؤيه اما الام فانها ستعاني من اعراض مرضيه تحدث نتيجة العدوى بهدا الطفيل الدي ينتشر في الحيوانات والطيور0
وتمثل القطط المصدر الرئيسي لحدوث العدوى للانسان000
اعراضه:.صداع شديد-تدهورعقلي-ارتباك-حمى-قيء-غثيان-اسهال-تلف الدماغ وتشنجات0
وللكشف عن المرض لابدمن اجراء تحاليل Igmفادا كانت العدوى جديده يوصف للمريضه علاج عن طريق الفم اسمه0روفاميسين0ممايقلل من نسبة انتقال المرض الى الجنين بنسبة خمسين في المية...
والف سلامة عليكِ
تقبلي مودتي:.
^*^ الصيدلانيه المسلمه^*^

[لؤلؤة القمر]

حبيبتي اني نفس الحالة صارت عندي بداية زواجي وظليت فترة محملت من عند رب العالمين بس الحمدو لله حملت وجنت كلش خايفة لصير نفس الحالة العندي فكنت كل شهرين اسوي التحليل بلمختبر والحمدو لله الطبيبة تكول ماكو فانتي هم حتى لو حملتي بمشيئة الرحمان لا تكطعين التحليل لان يكولون حتى لو يصيب الام وهي حامل ممكن علاجة بلادوية وتوكلي على الله

[لينا 2012]

ماعندج غير العافيه خيتوووووو
يارب الدكتوره ترد عليج باقرب وقت حتى تطمئنين

[بنت البلد وافتخر]

اتمنالج الصحه

[قناديل]

حبيبتي لتسوين حمل الا تتعالجين من هذا المرض
لان ميسوي مناعة الا تتعالجين منه صدكيني

[جومانة]

سويت بحث وصح الي تصيبه مرة يصير عنده مناعة وهدا نفس الي كالتلي عليه الطبيبة الثانية بس غير اول مرة اطيب من المرض حتى تصير عندي مناعة ؟شكرا لمشاركاتكم والله يحفظلج نور يا ام نور

[جومانة]

عزيزتي الصيدلانية المسلمة شكرا علمعلومات اني ظليت 3 اشهر ابلع ثرامايسين وفولك اسد واوميكا 3 بس كل مرة التحاليل جانت تطلع بدون اي تحسن فلدكتورة كالت لو اكو خلل بلادوية الي بلسوك او بلمختبر فغيرتلي الادوية وانطتني 15 حباية بليوم فصار عندي الم بمعدتي وحست هورموناتي اتخربطت لان اكتئبت وجنت بس ابجي بدون سبب لهدا غيرت الطبيبة رحت على كولر حمزة كالت احملي بدون ادوية وبدون خوف لان صار عندج مناعة بس سوالي شلون صار عندي مناعة ادا اني ما رايح المرض من عندي اساسا وارجو ان ترسليلي عنوان الدكتورة نزهت مع جزيل الشكر

[معلمه]

داء القطط هو0مرض طفيلي ينتقل للام الحامل التي تفتقر الى المناعه ضد الطفيل


انتبهي لهذي العباره من موضوع الصيدلانيه تفتقر للمناعه يعني اكو مناعه تصير من المرض


اتمنى الج الصحه والعافيه

[جومانة]

تسلميلي يا اضواء

[زمردا]

اختي ابقي راجعي لان انا بنت عمي كالولها ما دام اول مره نزل طفل هاهيه راح و7 مرات تحبل ويروح الا اتعالجت سنه كامله يلا صارت عدها بنوته وهسا تراجع ونفس شيء راجع عدها مرتفعه نسبه وعتقتل الجنين


نسأل الله السلامة وما عندج غير العافيه

[جومانة]

راجعت البارحة دكتورتين ونتيجة التحليل تطلع اليوم بادن الله اول طبيبة كالت احملي المرض ما ظل عندج الثانية كالت اشوف نتيجة التحليل واكولج ادعولي بلكت الله والنتيجة تطلع ايجابية تسلمين يا زمرة شكرا علنصيحة

[لينا 2012]

يارب تطلع النتيجه مابيج شي يااااااااااارب

[جومانة]

تسلميلي يا ليينا دعائج انقبل الحمد لله حللت طلع التحليل كلش زين وماكو اثر للمرض الحمد لله اشكركم تسلملي كل وحدة دعت ونصحت واتمنتلي الخير