شصاير بيكـــــــــ

[عيون عليا]

اشصاير بيك حقك لمن اتكول
الصارن بيه ما ينحسبن اهواي
انه امن البيت اطلع شايل اهموم
وارد شايل اهموم شلونك بهاي
لاجنحان عانني وطرت فوگ
ولا رجليه عانني اعله ممشاي
وايدي اليسرى گصرت بعد متلوح
واگصر منهه جا شتلوح يمناي
كلش مالي واهس والخلگ خيط
وصارت زرف ابره بعيني دنياي
اذا لاگيت غيري ايجوز ترتاح
واذا لاگيتني .. عاشور ملگاي
وانته تريدني اضحك .. اضحك اشلون
وانه الچم خنجر المزروع بچلاي
وميلوگ الضحك للگلبه تعبان
وجرح وي دمه يفتر رايح وجاي
شلون اتريد الگه فياي بالصيف
وانه ابعز الشته ملگيت لي فياي
حزني شلونه حزني اشكال ولوان
شنو لون الفرح تعذرني من هاي
الناي اشگد حزين يبچي الناس
وضل ياخذ درس من حزني الناي
ربه وياي حزني وگمت اباريه
وتعلم حته گام يبات ويـــــــاي


منقول

[غربة الروح]

شكرا على النقل المميز غاليتي
تقبلي مروري

[عيون عليا]

مشكورة حبيبتي على مشاركتج القيمة

منورة