دكتوره عفيه ممكن تجاوبيني

[انين الالم]

السلام عليكم

دكتورتنا العزيزه ممكن اسالج سؤال
عن مشكلتي اللي متعبتني نفسيا
دكتوره انا تزوجت شهرين واطلقت
ومن اطلقت الحد هسه الالتهابات ماتركتني كلش اذتني واكثر من مره اروح للدكتوره واخذ علاج وترجع نفس الشي واخذتلي فتره صارت عندي حكه وتعالج والحمد لله راحت بس مرات ترجع
بس عندي الرطوبه دائما اشوف هاي الماده الحليبيه بملابسي الداخلية ومرات حتى اشوفها صفره كلولي هاي دلاله على الالتهابات وماعرف شلون اتخلص منها انطيني حل لان كلش تعبت نفسيتي ماحصلت من الزواج غير هاي الشغله اللي تعبتني
واسفه على الاطاله
تحياتي الج

[K a w t h a r]

وعليكم السلام ورحمة الله وبركاته
اهلا حبيبتي سلامتك ان شاءالله
وان شاءالله الدكتورة تدخل وتساعدك

[لينا 2012]

خيتو انشاء الله الدكتوره ترد عليج باقرب وقت لان هي خطيه مشغوله

حسب معرفتي اذا الافرازات مابيه حكه ومابيه ريحه يعني شي عادي هذا بس اذا ريحه بيها او اكو حكه يعني التهاب
وانتي هم ابحي بل نت اكتبي الالتهابات المهبليه لحين ما تجي الدكتوره وترد عليج
ماعندج غير العافيه خيتوووووو

[انين الالم]

الله يسلمج حبيبتي كوكو ربي يخليج
مشكوره على الرد والاهتمام

[انين الالم]

ربي يعافيج خيتو ليينا
ومشكوووره على المساعده والاهتمام

[زهراء كاظم]

حبيبتي انين الألم ...ان شاء الله مابيج الا العافية ...
وقلبي معك اختي الغالية ...وان شاء الله تعدي هذه المحنة ...
ولا تهتمين ...ولا تنقهرين ....وواجهي الحياة بواقعية ...يعني..الزواج قسمة ونصيب ...
وارضي بالمقسوم ....اكيد الله سبحانة وتعالى ...مهيئلج وضع احسن من اللي كنت بيه ..
(( وعسى ان تكرهوا شيئا وهو خيرُ لكم ))
اما عن ما تعانية ...فهذه اعراض التهابات ...ان شاء الله تتحسني منها اذا اخذتي علاج ...واعتقد مثل هي الامور طبيعية بعد زواج شهرين ...ومن ثم انقطاع....
يعني ان شاء الله بمرور الوقت تتحسنين منها
ان شاء الله ما بيج الا العافية ....
ونريدج تكونين قوية ....لأن الحياة ما انتهت ...وانت بعدج بعز الشباب ,,,
والج كل دعواتي حبيبتي..
اختج زهراء

[انين الالم]

تسلميلي حبيبتي زهراء
ربي يخليج ويحفظج ويحميج من شر
لا اكيد الدنيا مانتهت
وطبعا الحياة صعبه بس لازم نواجهه بكل صلابه
تحياتي الج حبيبتي

[كرارية الولاء]

حبيبتي ولله ماعندي معلومة بهيج موضوع
انشاء الله ترد علينة الدكتورة
لأن اني هم نفس المشكلة عني التهابات

[انين الالم]

ان شاء الله حبيبتي كرارية الولاء ترد علينه الدكتوره
ماعندج غير العافيه حبيبتي
ومشكوره على الرد

[miss youuuuu]

اني نفس الشي تنزل عندي هذا السائل الابيض ورحت للدكتوره فحصته ال حمد الله طلع طبيعي تره تصير مرات افرازات بس اذا مابيهه ريحه اوحكه طبيعيه

[انين الالم]

حبيبتي واني هم رحت للدكتوره بس كلتلي عندج التهابات بسيطه
واخذت علاج بس نفس الشي ماصار تغير بس الحكه راحت ومرات ترجع
بس خفيفه بس اني اريد شي ينشف هذه الافرازات لان كلش تعبتني
وهواي رحت للدكتوره بس ماكو نتيجه نفس الشي

[د.فراشة الليل]

السلام عليكم
حبيبتي اكو افرازات طبيعيه واكو نتائج التهابات
اذا كانت الافرازات بيها ريحه كريهه او مصحوبه بحكه او لونها ابيض مثل الحليب
فهذي التهابات
استخدمي بيكاربونات الصوديوم كغسول دائما..واكو صابونه اسمها صابونة العذاري استخدميها مرتين الى 3 مرات باليوم
وملابسك الداخليه لاتغسليها بتايد او زاهي اوصابونه عاديه استخدمي صابونة رقي وشريهن بمكان بي شمس
واخذي كورس من كبسول كفلكس 4 مرات باليوم لمدة اسبوع وحب اسمه تينيفار( tinifar) مرتين باليوم لمدة 5 ايام
وان شاء الله تشوفين فرق عالنصائح

[انين الالم]

مشكوره دكتورتنا الغاليه
ربي يخليج اي مثل مكلتي هو لوه ابيض مثل الحليب ومرات تصير بي ريحه
وراح اخذ بنصائحج وان شاء الله يارب خير
تحياتي الج

[أشرقت]

انين الالم ان شاء الله متشوفين غير الخير وربي يعوضج بالاحسن