دكتورة ممكن استشارة والله حايرة

[افراح]

السلام عليكم دكتورة انشاء الله يوفقج ويجعل كل عملج بميزان حسناتج اني عمري 26 سنة قبل 10 سنين ضهرت عندي شعراية وحدة شعر زائد بمنطقة الذقن وبمرور الوقت كثر علما ان طولي 156 سم وزني 47 يعني ضعيفة وميزداد وزني بسهولة وعندي ضمور بنموالثديين ودورتي منتضمة جدا فحايرة شاسوي لاان ايكولون الي عدهة خلل هرموني تسمن واني بالعكس اضعف انصحيني ماعرف اي هرمون احلل وماعندي اعراض الغدة الدرقية مع العلم باني غير متزوجة

[Miss Perfume]

ان شالله الدكتورة ترد عليج باسرع وقت

[H A M S A]

حبيبتي أن شا الله تلكين الحل بأسرع وقت ياعمرري
بس انتي ليش متعملين تحليل للهرمونات بصوره عامــه لان الخلل واكيد منهه

ربي يشافيج بأسرع وقت تقبلي مروري ومداخلتي

[Lo0oLo]

ان شاء الله الدكتوره ترد عليج

[افراح]

:546564:لله ايسلمكم حبيباتي على المدخلات الحلوة وبالنسبة لتحاليل الهرمونات سويت مرة قبل سنتين تحليل هرمون يمكن اسمة تستسرون اوهرمون ذكري وطلع سليم بس سويتةبدون استشارة طبيب ومو بايام الدورة

[الورد]

حسب معلوماتي ظهور الشعر سببه تكيس المبايض لان يسبب خربطه بالهرمونات

[افراح]

سويت سونارين اوثلاثة قبل سنة والدكتورة كالت عندج كيس على المبيض بس ايسمونة الدكاترة مثل الشامة يعني مياثر واخذت علاج وراح وسوناراتي الي اخذهن كلش نضيفات

[لينا 2012]

الله كريم خيتووووووو ماعندج غير العافيه وأن شاء الله الدكتوره ترد عليج باقرب وقت لان هي خطيه الله يعينها دائما مشغوله

[املي برحمتك]

حبيبتي اذا دورتج منتظمه يعني ماعندج تكيس بالمبايض
وسوي تحليل هرمونات ثاني يوم الدوره
ويارب مابيج شي
بس لتلعبين بالشعر لان يكثر ولازم تعلجي بالليزر اذا كثر وتصير عليج الشغله بشغلتين
وشوفي الدكتوره شدكولج هي اعلم

[د.فراشة الليل]

حبيبتي صحيح تاخرت بالرد عليج ..بس جدا مشغوله
حبي تحتاجين تحليل هرمونات 2 يوم الدوره اللي هيlh>>fsh>>prolactin>>testosteron
وهرمونات الغده الدرقيه بأي يوم من الدوره ومو شرط عندج اعراض
وعالاكثر هي خربطة هرمونات
وان شاء الله مابيج غير العافيه

[افراح]

مشكورة وماقصرتي انشاء ايجعل الله في ميزان حسناتج