ممكن مساعدة الكل يدخل

[كرارية الولاء]

السلام عليكم خواتي وكل اعضاء المنتدى
وسؤالي لدكتورة وللبنات
اني عندي حب الشباب بظهري وكتفي ومرات تطلع وحدات بصدري وحتى مرات بأذاني
ومن احف المنطقة الحساسة بالشيرة هم يطلعلي دمامل حبوب كلش كبار وتأذي وداخلهة شعراية
اني رحت للدكتورة على ضهري صح خف الحب بس بقة الاثر وكلش مضوجني اريد حل الله يخليكم
وعندي رؤؤس سوداء بخشمي وشوية بخدي امدمرني
ومخليت شي مستعملتة
ياريت اتنصحوني اذا اكو وحدة من البنات جانت عدهة حب بجسمهة او رؤؤس سوداء
الله يوفقكم ساعدوني وادعيلكم بالخير

انتظر ردكم

[gazl al7ob]

حبيبتي طبيعي الاكثريه يعانون من حب الشباب واعتقد ماله حل بدايت الشباب وبعدين يروح يعني بعمر الـ20 يروح من وحده احجيلج عن تجربه ^^
اني كنت استعمل قناع اسوي بنفسي لبن واخليه عليه ليمون وشويه نشا يخفف شويه وهسه الحمدلله اختفى من وجهي اني كان شويه يعني كم حبايه وهسه مالها اثر
وعن الشيره يجوز بشرتج حساسه وماتستحمل الشيره حاولي تشوفيلج غير طريقه اذا الشيره متوالمج
^^

[كرارية الولاء]

اشكرج حبيبتي غزل الحب ولله مقصرتي
وانشاء الله نشوف فد حل

[ـأأمـ ثومهـ]

وعليكم السلام حبيبتي

انتي بعدج صغيره وحب الشباب شي اكيد يطلعلج واول وتالي يروح المهم لا تكوفين كدام المرايه واضلين اطكطكين بي اني هم مثل غزول طلعتلي كم وحده بوجهي وجنت استخدم صابون الركي واهم شي مو كل يوم اتبدلين صابونه اعرفي الصابونه الي اتوالمج واستعمليها وجنت دائما احط لبن واغسله وهسه ماكو ابد وبالنسبه للشيره مثل ماكالت غزول احتمال متوالمج
اني من اسوي احط بعدها زيت الزيتون وره اشويه اغسله والحمدالله ميطلع شي

وان شاءالله البنات يفيدوج اكثر

[كرارية الولاء]

حياتي نور العين مشكورة على ردج
وانشاء الله نشوف الدكتورة شتكول

[زوزه]

لاتستعملين شيره مال بيت استعملي جاهزه بس حب عادي بهذا عمرج لازم يطلع اذا موالمتج صابونه ركي استعملي دوف الاصليه لو جونسن

[مروووج1980]

حبيبتي استعملي ليمون اني مجربتة

[susu-82]

اني جنت استخدم الاموكسلين ماكو 3 اشهر وراح الحب

[سنوبيا]

الحبوب اتصور بلنسبة لعمرج عادي و رؤؤس سوداء لو استعملي الاصق مال خشم واكو مال حنج يشلة كلة او استعملي سكرا ب

[كرارية الولاء]

يسلمو ياحبايب على الرد اني استعملت لصقات الخشم بس مفادتني
وحبيت اعرف الليمون شيسوي

[كرارية الولاء]

مشكورين حبيباتي ولله مقصرتوا
بس معرفت شنو فائدة الليمون

[مروش]

حبي استخدمي غسول نيتروجينا كلش ممتاز بس جيبي الاصلي وابد لاتعوفي اول اسبوع راح اتشوفين الحبابي كثرت لان حتى الحب تحت الجلد يطلعة ظلي عليه لاتقلقيلن ورة اسبوع لاخ يلة يبدي .اواستخدمي صابونة كبريت كلش زينة ومتوفر بكل مكان .او غسول للبشرة اسمه نيم هذا يطلع عليه اعلان على ام بي سي منى الشلبي مسوية هذا الاعلان هذا هم مفيد لان بيه عشبة تقتل البكتريا .بس احسن شي نيتروجينا لان يشيل تحت الجلد وبعدين يشتغل عالبرة .وبالنسبة للمنطقة ابد لاتستخدمين شيرة لان بعد كم سنة تترهل حبي ابتعدي نهائيا هو اكو نسوان يريدن يخلصن من هذا الترهل عاد انتي تستخدمين شيرة خطا مشوفين ان النبي محمدصلى الله عليه وسلم كال بانه نحلق ماكال ننتف لاضرارها.واي شي تحتاجيه اني حاضرة حبي

[وردة جوريه]

حبي استخدمي غسول نيتروجينا كلش ممتاز بس جيبي الاصلي وابد لاتعوفي اول اسبوع راح اتشوفين الحبابي كثرت لان حتى الحب تحت الجلد يطلعة ظلي عليه لاتقلقيلن ورة اسبوع لاخ يلة يبدي .اواستخدمي صابونة كبريت كلش زينة ومتوفر بكل مكان .او غسول للبشرة اسمه نيم هذا يطلع عليه اعلان على ام بي سي منى الشلبي مسوية هذا الاعلان هذا هم مفيد لان بيه عشبة تقتل البكتريا .بس احسن شي نيتروجينا لان يشيل تحت الجلد وبعدين يشتغل عالبرة .وبالنسبة للمنطقة ابد لاتستخدمين شيرة لان بعد كم سنة تترهل حبي ابتعدي نهائيا هو اكو نسوان يريدن يخلصن من هذا الترهل عاد انتي تستخدمين شيرة خطا مشوفين ان النبي محمدصلى الله عليه وسلم كال بانه نحلق ماكال ننتف لاضرارها.واي شي تحتاجيه اني حاضرة حبي *حبي اني رايي من راي مروش لان كل الالي تقوله صحيح وتحيه مني الج ولمروش

[أسيرة الروح]

عزيزتي بالنسبه للحب الي بجسمج اتركي الليفه
لان هي تهيج الحب وتخلي ينتقل من منطقه الى ثانيه
وحاولي تستخدمين صابون طبيعي مثل صابون الغار او صابون
زيت الزيتون
اما بالنسبه للمنطقه الحساسه حاولي تغيرين طريقه ازاله الشعر
واشتري مقشر جسم يكون بي حبيبات يستخدم مرتين بالاسبوع
ودائما استعملي لوشن حتى يترطب الجلد وتطلع الشعره بشكل طبيعي

وان شاء الله اكون ساعدتج

[كرارية الولاء]

تحياتي الكل الي ردو على موضوعي واشكركم جزيل الشكر حبايبي
وانشاء الله راح اشتري غسول نايتروجينا
ومشكورين

[عطر الجنة1]

ان شاء الله البنات ماقصرو
مشكلة الحب الكل تعاني منها
اني هم اعاني من الحبوب الي تضهر بجسمي مثلك
بس اذا عندك اثر بوجهك من الحب
استخدمي بابونج تفوريه على النار بمي يعني حسب المقدار الي تحبية
بعدين من يبرد خلي وياه مي ورد شوية ونشا
وخليه على الوجه لحد مايبس وبعدين اغسلي استمر وان شاء الله يروح اثر الحب

[كرارية الولاء]

تسلمين حبيبتي عطر اجنة عالخلطة

وانشاء الله تكون مفيدة

[ميرو]

شوفي حبي اني من جنت بعمرج هم جان عندي حبوب ورؤوس سوداء بكصتي وبخشمي جان مجزعني
بعدين الدكتوره وصفتلي جل بينوكسيد ميلد تركيز 2,5 استخدمته للحبوب وربي اختفوا من بشرتي نهائيا وهسه حتى لو تطلع وحده صغيره وماكو بعد حبوب بيض وهيج سوالف والحبوب السوداء اختفوا نهائيا وحدهم بالتنظيف المستمر للبشره .. بس عمري ديري بالج من البينوكسيد لان مو كل بشره يوالمها واذا حبيتي تشتري اكدي على تركيزته 2,5 مو تشترين ابو 5 يحرك الوجي
ومن تجين تستخدمي مرتين باليوم مره بالليل ومره الصبح ومن تحطي كون متتعرض بشرتج لاشعة الشمس وتحطي على الحبايه بس مو على وجهج كله وان شاء االله يرحن لان مفعوله عجيب
وهسه اخويه يستخدم جل هم مثل البينوكسيد اسمه اريترومايسين جل كلش زين

اسفه طولت عليج بس ان شاء الله تستفادين

[ميرو]

حبي هذا البينوكسيد والاريترومايسين على شكل عصارة تشتري من الصيدليه متوفر

وصابونة الكبريت هم زينه

[Miss Perfume]

بالنسبة للاثار اللي بجمسمج هي تروح بمرور الوقت اذا مجرد تصبغ مو حفر
بس على شرط لازم متطلع حبوب بعد يعني لازم ترحين طبيب جلدية
وهاي الحبوب اللي تطلع بالظهر مو حبوب الشباب
هاي التهابات ببصيلات الشعر

اما بالنسبة للحبوب السوداء فالحل ازالتهة اكيد
روحي لصالون وسوي تنظيف بشرة بالبخار والابرة وكلهن راح يطلعن من اول تنظيف

[كرارية الولاء]

شكرآ عطورة حبيبتي الله يعطيج العافية عالنصائح

[الخزعلية]

حبيبتي مااريد اعيد نفس الكلام الي كالوه البنات لانه صحيح واكيد امجربيه بس اهم شي هوالتزامك ب الاكل مالتج لازم متاكلين بهارات زايده ولاطرشي وبلخصوص الفلفل الحار لانه هنه ذني الي ايطلعان الحب اتبعي الاكل الي مابيه هذه الشغلات وانتي راح اتشوفين الفرق انشاء الله

[كرارية الولاء]

شكرآ حبيبتي الخزعلية مقصرتي يا وردة
وانشاء الله اقلل من التوابل والله كريم

[فاطمة علي]

عيوني كرارية استخدمي صابونة ركي اصلية سعرها بالسوق 3500 دينار عراقي كلش زينا اغسلي وجهك بالصباح مرة وحدة وغسلية ثم حطي رغوة صابون مرة اخرى على وجهك ثم اتركية فترة لا تقل عن دقيقتين هذا يعمل على تيبيس الحب الظاهرة على وجهك ولا تلمسي وجهك بعد الغسول لان راح تشعرين بكل حبة في وجهك كانها تحرقك لان تبدا تموت اهم شي لا تتقطقين هذا الحب لان ينتشر بجميع وجهك وكرري هذا الغسول باليوم 3 مرات حتى تشفين ان شاء الله وهذا فد شي عادي ظهورة بداية حياتة الشابة ودمتي بخير

[melake2011]

حبيبتي انا كان يطلعلي كم حبة بجبيني بس هسة ما في شي و الله ما استعملت شي راحت من نفسها و حتى الاثار تروح بمرور الوقت و كثري من شرب الماء و بالنسبة للشيرة استعملي واكس احسن شي