بنتي عمرها سنه واربع شهور وماتمشي

[شيوم]

السلام عليكم ورحمة الله وبركاته


بنتي عمرها سنه واربع شهور وماتمشي بس تمسك بالجربايه وتوقف وحتى من امشها تمشي على اطراف اصابعها هل هذا الشي طبيعي


وشكرا لكـــــــــــــــــــــــــــــــم:bn:

[* بغداديــــــــــــــه*]

اي حبيبتي عادي كل طفل شكل بالمشي وبالحجي
والله اعرف جاهل سنتين يلة حجا وهواية شفت يتاخرون بالمشي هية مترددة عادي
زين هية سمينة لو ضعيفة؟؟؟

[Miss Perfume]

حياتي اعتقد متاخرة شوية يعني عادة الطفل بالسنة يمشي
زين ليش متراجعين دكتور اطفال وتشوفين الحالة مو احسن
زيادة بالاطمئنان

[K a w t h a r]

حبيبتي شوفي اني ابني كان عمره سنة وشهرين ويلا مشى
هالشي عادي لاتخافين حبيبتي
زين بنتك الله يحفظها سمينة؟:477:

[شيوم]

والله بنتي مو سمينه نعومه حتى رأيها عادي مو كبير بس هيه من أحاول أوقفها
تخاف بسرعه تقعد وإخذناها للدكتور وطها كالسيوم وما سوالها شي

[ضوء النجوم]

شنو رأيج بنت حماي سنة و11 شهر يلا مشت هالشي عادي

[فداتو روحي]

والله حبي اني ابني عمره سنه صار واسبوعين بالضبط وبعده ميمشي بس يوكف وجبتله مشايه ميقبل يمشي بيها واحاول امشي يكعد روحه ميقبل يكوم يبجي وهم مخبلني ده انتظر سنه وشهرين اذا ما مشه اودي لطبيب :(

[أم نور]

والله يا اختي العزيزة اني اشوفها متأخرة

يعني هو كلج الدكتورة عدها لين عظام حتى ينطيها كالسيوم لو شنو وصف مثل هيج حال ؟؟

اني الحمد لله بنتي نور الكبيرة سنة وشهرين ماشاء الله تركض بس جانت تتعثر وتوكع بس مشت طبيعي بهيج عمر ودا انتظر بنتي الاصغر بلكي هم مثلها

هو الطفل من يوصل قرب السنة لازم يعلموا الاهل على المشي والحجلة كلش ضرورية من عمر الخمس أشهر يكعدون بيها الطفل حتى تتقوه رجله

انتي كعدت بنتج بالحجلة لو لا ؟؟

[♥؏مور♥روحے♥]

الله يعافيها ويشافيها

[عطر الجنة1]

ان شاء الله مابيها شي
عادي
بس اكو قرات فيتامين ينطوها للاطفال الي يتأخرون بالمشي
اسألي عليها وجربيها
واعرف اشخاص جربوها وفعلاً مشو اطفالهم

[(*um rose*)]

ليضل بالج حبيبتي اكو جاهل يتاخر بلمشي عادي و لتخافين بس سوي تشريب و انطيه تشرب الماي كلش زين للعضام

[ღ ڪَـآ‘لـڪْـسـيـے ღ]

اعتقد هذا الشي عاادي حبيبي

[طيور مهاجرة]

ان شاء الله مابيه غير الخير