حامل محتاجه مساعده من الدكتوره والاخوات

[my lover]

السلام عليكم
اني حامل بالاسبوع الثامن وانا مقيمه بالسويد قبل اسبوع رحت للمستشفى مراجعه عاديه وبعد توسل قبلو يعملولي السونار لكنهم عملو لي السونار الداخلي الحمد لله طمني الدكتور بحاله الجنين والنبض

لكن اعاني من بدايه الحمل بالم شديد في المعده مع احساس برغبه في التقيوء لكني لااستطيع ؟ وصفلي الطبيب دواء لكن هذا الدواء يجعلني فقط انام ولم يفيدني بشي
.لكني اتحمل الالم

المشكله الي مخوفتني يصيبني الم في البطن خفيف مرات يكون مستمر ومرات متقطع واعاني من افرازات مهبليه صفراء وذو رائحه من بدايه الحمل ؟؟ هل هي خطيره ؟؟ ولماذا لم ينتبه الطبيب لها اثناء الفحص الداخلي لانه نسيت انا اخبره بها ؟؟


ارجو منكم الافاده ياخوات لانه هنا صعب مراجعه الطبيب لمجرد الاحساس . فقط المراجعه للحالات الطارئه ارجو المساعده حسب معرفتكم

والسلام ختام

[أم مؤتمن]

حبي ماعندج غير العافية وان شاء الله ماتشوفين شر بس اعتقد الافرازات هاي التهابات وشغلتهة بسيطة شربي مي هواية وان شاء الله تصيرين احسن بس باقي الشغلات مااعرف وياريت البنات يفيدوح بس حياتي ليش تروحين طبيب ترة حرام رجال يكشف عليج مايجوز وماعندج غير العافية

[my lover]

الاقتباس غير متاح حتى تصل إلى 50 مشاركات
شكرا حبيبتي
بخصوص الدكتور هاي لان مجبورين هنا بالغربه ولان انتي ماتعرفين النظام هنا
مثل العراق كل منطقه بيها مركز صحي بس بالعراق اكو اطباء تكدرين تروحيلهم بس هنا غير مادام اني بمنطقه وهذا المركز مسؤل عليه ماكدر ابد اروح لغير مركز بس لمستشفى الطوارئ وهاي بس للحالات الطارئه جدا يعني مو الي فاني مضطره انه الدكتور وليس رجل يكشف عليه .. واني واثقه انه مو حرام لان الله اعلم بحالتنه هنا

وشكرا الج مره ثانيه اختى العزيزه

[غربة امراة]

الله ايتمم الج على خير

[gazl al7ob]

حبيبتي بخصوص الم البطن هاي عادي الاكثريه يعانون منها واني من بداية حملي لليوم عندي الم باسفل البطن وخاصه نص الليل اقعد وبعد مااقدر انام ورحت للدكتوره واكثر من دكتوره قالتلي عادي هذا الرحم ديتوسع وياخذ حجمه فطبيعي وكتبتلي ماغنيزيوم قلتلي تاخذي 3 مرات باليوم وبعدني على هذي الحاله
حبيبتي عادي لا تخافين ان شاء الله فتره وتعدي وربي يتمم لج حملج على خير ويقومج بالسلامه ...

[الورد]

الالام عاديه بس مو كلش قويه ومتقطعه اني هيج الدكتوره كلتلي
بس الافرازات اذا بيها ريحه يعني التهاب ومو زين يظل لازم تعالجيه وانتي بعدج بدايه الحمل
وبعد فتره طويله كدامج اعتقد لازم يتعالج على حسب معلوماتي

وانشاء الله ما عندج غير العافيه قلب

[zainab_2010]

حبيبتي كولنه حبولات مثلج ومرت علينه هل السوالف

لاتاخذين شئ مال لعبان نفس وهل الخرابيط اتحملي شوية بس 3 اشهر الاولى وتخلص

اني افضل ماتاخذين هل العلاجات ماعده علاج التهابات لان لعبان النفس والدوخه هذا شئ

لابد منه......

اما وجع البطن عادي اله اذا لاسامح الله نزل دم هنا يصير خطر الله يبعد عنج... الافرازات هذه

لازم تحللين عليها لان الاتهاب مو زين اذا صار بداية الحمل........

اهم شئ لازم تشربين 2 لتر مي باليوم وعصاير راح تفيدج ولاتنسين تاخذين فيتامينات لان مهمه

واسفه على الاطاله وتعالي ويانه بدردشة حوامل

[Miss Perfume]

اهلا وسهلا بيج حبيبتي
الحمد لله الحبولات طمنوج الكل تصير عدهم الالام اسف البطن بس يعني مو قوية قوية
والالتهابات اذا جانت بيهة ريحة ولون يعني عندج التهاب وعلى الاكثر بالمجارب البولية
لان دائما الحامل يصير عدهة التهاب
واعرف شكد صعبة المراجعة بالسويد لان اني عايشة واصلا طول فترة الحمل وحدة متشوف دكتورة بس البورن موشكا القابلة يعني والله يعينة على برودهم

[Miss Perfume]

ونسيت اكلج تكومين بالسلامة ان شالله حبيبتي
وينقل الى عيادة الحمل والولادة

[د.فراشة الليل]

حبيبتي
الافرازات اللي بيها ريحه تعتبر التهابات لازم تعالجيها
اعرف صعبه عليكم تصرفون اي دواء هناك بس اذا يمج كبسول التهابات كفلكس ممكن تستخدمي والمي والملح كلش مفيد اذا ما كدرتي تحصلين بيكاربونات الصوديوم
وملابسج الداخليه غيريها اكثر من مره وخليها بمكان بي شمس واغسليها بصابون
اما الالام فعاديه مع بداية الحمل بس الالتهابات ممكن تزيدها
وان شاء الله مابيج غير العافيه

[ملكة الجماجم]

يارب يسرلك حملك وبدون مشاااااااااااااااكل

[كرارية الولاء]

حبيبتي عادي اني هم نفسج لعبان نفس وما اكدر اكل وهم صار عندي التهابات قوية وكتبتلي الدكتورة كبسول كفلكس والفيتامينات فولك اسد وبس.

[suror nassir]

حبيبتي ماعندج غير العافيه والله يتمم حملج وحمل الجميع من ظمنهم اني بس حبي الالم عادي اني يصير عندي اما بالنسبه للافرازات وبيه ريحه هاي موزين لان هذا التهاب يأثر على الطفل لازم تعالجيه