طالبة رأيكم بنات والدكتورة

[zainab_2010]

سلام عليكم بنات شلونكم

بنات عندي مشكلة ومده اعرف شلون احلها

رحت للدكتورة وكالت مسامعه هيج شئ وخبلتني

من بداية الحمل ليهسه بدت عندي مشكلة ماعرف اذا هي عادية لو شنو؟

وهي انه اسمع دكات قلبي اب اذني يعني اذني مثل الي تنسد واسمع

الضربات بالعالي بعد

بحيث راسي يكوم يطنطن هل هذا الشئ طبيعي ويصير بالحمل؟؟


حبابات الي عدها خبره دكول وشنو لازم اسوي؟؟؟

وشكرا مقدما

[K a w t h a r]

وعليكم السلام ورحمه الله وبركاته
أهـــلا حبيبتي زبينب والله اني أول مرة أسمع بهالشي :060:
[يعني ماصار معي هالشي من كنت حامل]
بس لاتخافين حبيبتي ان شاءالله يطلع شي طبيعي
وسلامتك ان شاءالله ماكو شي

وان شاءالله الدكتورة والاخوات يساعدوج :060:

[زمردا]

اول مره اسمع بهذاالشيء

خير ان شاء الله

الدكتورة والاخوات يفيدوج

[هباوووي]

حبيبتي زنوبه اني جانت تصير عندي هذه الحاله بس تدرين مجنت ادير بال ! اكول هذا تعب وتروح وتجي عليه الى ان جبت وراحت عادي حبيبتي لتخافين وياربي تكوميلنه بالسلامه

[نناوي]

حبي زنوبة ان شاء الله ماكو شي اني جانت هاي السالفة تصير عندي بس بطني خخخخخخخ والله صدك حتى جنت كلش اخاف واكول لزوجي يكلي عادي لتخافين بس هسة راحت فيمكن هذا الشي طبيعي وبلكي الدكتورة والبنات يفيدوج ان شاء الله

[zainab_2010]

الله يسلمكم حبيباتي

قبل شوية خابرت الدكتورة لان حيل ضجت من السالفه لان بعيد عنكم احس فد شئ

يرن براسي المهم هي راح تجي يمي لان زوجي راح لشغل واني مااعرف شلون اروح يمهم

بالتلفون كالت اني مسامعه هيج شئ بعد خلي تجي واشوف شلون

ورجعلكم خبر

حبيباتي مشكورات ادعولي

[jasmina]

ان شاء الله ماكو شى حبى زنوبه وننتظر تطمنينا حبى

[sasa2009]

عمري زنوبة صدكيني ماكو شيء اني هم مرات احسها هيج وكلش مزعجة الشغلة بس ترة عادية لان الهرمونات ويا الحمل تتخربط كلها فتصير اشياء غريبة ورا الولادة تروح ويرجع كل شيء عادي انتي شوية ريلاكس ودفي نفسج وعلى كيفج ويا روحج ترة موزين هيج القلق على اقل شي وان شاء الله ماعندج غير العافية قلبي

[ضوء النجوم]

عمري زنوبة اني هم اول مرة اسمع بهالشي لان من كنت حامل مصار هيج بس ترى لاتخافين اعتقد هذا شي عادي وماعندج غير العافية يارب وتكومينة بالسلامة

[zainab_2010]

الله يسلمكم حبيباتي ربي مايحرمني منكم

رحت على الدكتورة الغبره دكول ماعرف مسامعه شئ وبعد مااعرف

سمعت انه تأثير الضغط والله اعلم

[Lo0oLo]

زنوبه حبي لتخافين اني هم صايره عندي وجنت اخاف
بس عادي لان ضخ الدم ديشتغل اكثر وديضخ للجاره
اني جانت تشكل ببطني تخبلني حتى عبالي كلب الطفل
وعادي وره مجبت كلشي رجع طبيعي لتظلين تفكرين وانسيها

[zainab_2010]

حياتي الله يطمن قلبج يارب والله اني لان مماره عليه هيج حاله فأخاف وكل شوية تلفون

على الدكتورة وهي ماتريحني ودكول عادي دكول ها مسامعه هيج شئ وتخبصها عليه

تسلمين حبي

[شيماء]

ولج اخاف قلبج براسج انتي هههههههههههههههههه


حبي ماكو خوف هاي اكيد انتي سابحه وطابه بذنج ماي
تحسينها تنسد وبيه دقات

لو طبلة ادنج مزروفه وهم متخوف

افا عليج نفاخه يمج وتحيرين
بعدين تعالي ليش اي شي يصير بيكم اتذبونه براس الحمل خههههههخخخخخخخ
هسه شجاب الاذن عالبطن ربي الحلوووووو

[zainab_2010]

هههههههههههههههه لج نفاشه اني شمعرفني اشو من يوم الحمل لهسه كل شئ

طلعلي

شكرا قليب انتضر كم يوم واذا بقت عندي اروح على الدكتور بعد ماكو حل

[مسره]

مابيج الا العافيه حبيبتي بس عاادي يجوزوهاويس مال حمل لاتفكرين هواي حبي

[zainab_2010]

حياتي مسرة تسلمين الله يعافيج يارب

[ايمان حقي]

اني صايرة عندي بس ماسمعه باذني احسة بايدي يعني يامكان بجسمي الزمة يطنطن والله صدك

[zainab_2010]

امونه حبي مشكورة والله بعد مااعرف خليتها على الله

الله كريم اشوف الفحص بعد

[serendipity]

حبيبتي ان شاء الله ماكو شي لتخافين
بس اني ليش دست شكرا مادري

[zainab_2010]

هههههههههههههههههه حياتي شيومة منورة قليب يالله شكرا الج حياتي

[د.فراشة الليل]

حبيبتي زنوبه
لاتوهسين ماكو شي ان شاء الله
بس هاي الحاله تصير مرات عند ارتفاع الضغط..قيسي الضغط وتاكدي مابي اختلال سواء ارتفاع او انخفاض
واذا ماكو شي فلا تخافين هذا عادي من تاثير الحمل
لان ضخ الدم يكون اكثر من الطبيعي لتغذية الجنين ..فممكن تحسين هيج شي
حبيبتي لاتفكرين هوايه مثل الشخص بعد الاكل مويحس بسرعة دقات القلب
وهو شي عادي
ماكو شي ان شاء الله وتكومين بالف سلامه

[zainab_2010]

دكتورتنا الغالية تسلمين ياقلبي والله طمنتيني لان خايفه من هل الشئ

يالله ان شاء الله بره الولادة بعون الله اذا بقت وياي الحالة اروح الدكتورة واشوف

مشكورة يقلبي

[mes]

حبيبتي لتخافين كل حامل ايصير بيه شي شكل يعني لا اكلج ولا اتكليلي كل صحته وشبابه اتروح وعله اقل مرض توكع مو مثل قبل الزواج وعله كولت المثل مايطلع راس اله ايشيب راس حبيبتي هايه كولش بسيطه لا اتوهوسين

[um amro]

اوف شكرا جزيلا