التحليل صفر

[ملكة لكش]

اخواتي بعد ما اطلعت على مشاكل بعض الاخوات مع الحمل حبيت اسولفكم عن عني اشوية مع المراجعات والطب والظروف اللي كلها صارت ضدي اولا تزوجت سنة 2001 بعد ما ارغمني اعوف الوظيفة واذا تلكيني عايشة ابيت بي كل اللي يزوج وره شهر (المدام حامل) الااني ظليت انتظر اليوم يقتنع يراجع دكتور باجر ميقبل اني اراجع كل شيء ماعندي يمنع الا ان صارت احداث نيسان 2003 بعدها راجعنة مستشفى كمال السامرائي ..........صدمة.........تحليل زوجي صفر ......ماكو حل غير طفل الانابيب صدمة اخرى ماكو أجهزة (لان الاجهزة اتفرهدت بالحواسم) رجعنه وسلمنه امرنه لله
مو بس هاي المشكلة جانت المشكلة الوضع الامني اخذنصيب من المدة اللي زادت
منالكأبة واليأس اللي كان عدنه هسة كالونة اكو مراكز للاطفال الانابيب بس العملية
عدهم ب7ملايين دينار ومو مضمونة النتائج أكثر اللي يألم بالموضوع ان الكل طمعان
بكل فلس تجمعينه للعملية ويكلونة اخذوا واحد من الجهال (جهالهم) ولاترحون تذبون فلوس.........شنو رأيكم.....المضوع حقيقي وغيرمنقول او منشور

[susu-82]

الله يعينا ويعينج يارب يرزقني ويرزقج ويرزق كل محروم ومحرومه يارب بحق محمد وال محمد اني سامعه بالاردن اكو مستشفيات زينه وناويه انشاء الله اسويها هناك بس انتظر بعد كم شهر بلكت تفرج وبغداد سامعه اكو مركز مجاني لطفل انابيب ليش متسالين وتجربين اول شي وبعدين تخطين الخطوه الثانيه اكو بااربيل هم يكولون مركز زين يارب يفرجها من عنده

[مسره]

الله جبير حبيبتي لاتايسين من رحمته
اني من رايي جربين العمليه وتتوكلين علئ الله لان والله ماتحسين بلذة الجاهل اذ مو ابنج ومن لحمج ودمج ماتحسين بي واني سمعت اكو هواي عيادات باربيل بس انتي اسالي والله يقدم الي بي الخير الكم ومايحرمكم من هاي النعمه
يارب ترزق كل محروم بحق محمد

[فداتو روحي]

ويكلونة اخذوا واحد من الجهال (جهالهم) ولاترحون تذبون فلوس


معقوله اكو هيجي امهات ؟ّ!!

ليش هو الجاهل يصير بالسهل والطلوكه الي تطلكها المره شلون تنسى وتنطي ابنها

حبيبتي مثل مكالوا البنات وسوي طفل انابيب ويااااارب يرزقج عاجل غير آجل بالذريه الصالحه اميييييين رب العالمين ويرزق كل محرومه ياااارب

بوساتي الج ودعواتي من كل قلبي حبيبتي

[زمردا]

الله يرزقج ويرزق الجميع الذريه صالحه وروحي سوي طفل احسن شيء ويكولون باربيل كلش زين وناجح وبعمان ولا تقنطي من رحمة الله
ولا تنسيني من صالح دعائك بالذريه صالحه

[لينا 2012]

والله يا خيتي انصحج روحي سوي عمليه انابيب اذا لا سامحه الله فشلت لا تيأسين من رحمت الله وسوي الثانيه بس لا تستسلمين وصيري قويه وتوكلي على الله انشاء الله يفرجها عليج بحق الحبيب المصطفى الله يساعدج ويصبركم

[الورده الماويه]

حبيبتي الله ايعينج وصبرج بس اذا انتي بغيرمحافظه اوبلبصره تعالي للبصره لان فتحومركزللاطفال للانابيب بلبصره ومجاني ومضمون 100%وهنابلصره كلش اكوخوش دكتور اسمه عبدالكريم هوا ايسويه بهذا المركزوحته عدهم علاج للعقم اني اعرف هوايه ناس سوها ونجحت والله يرزقج ويرزق كل محرومه

[الألق]

حبيبتي الله يرزقج الولد الصالح وان شاءالله ماكو يأس من رحمه الله مثل مكالو البنات جمعو فلوس وسوو العملية وان شاءالله رب العالمين يرزقج من اول محاولة

[املي برحمتك]

حبيبتي الله يرزقج ويرزقني بالذرية لان اني هم تحليل زوجي مو زين وناوين نسوي عملية بس اني صارلي سنه متزوجه اما عن شغلة اخذ طفل مو من لحمج ودمج ومحملتي بي هاي شغلة صعبة بالنسبة الي سمعت اكو مركز الجادرية لطفل الانابيب وخالتي سوت بسوريا بس منجحت وهسه يكولون الحقن المجهري هو احسن واحدث بالنسبة لعقم الرجال بي انصحج لتيأسين وخلي تكون معنوياتج عالية لان العامل النفسي يأثر بشكل سلبي والله يرزقج ويفرحج امين

[ورده 12]

حبيبتي اللة يكون بعونج ويصبرج وتوكلي على اللة وسوي عملية انابيب وان شاللة يرزقج ويرزقني ويرزق كل الاخوات يارحم الراحمين

[sara201012]

حبي الله كريم ان شاء الله يرزقج ويرزقني ويررزق كل محرومة يارب اكو مركز بالجادرية \ مستشفى الجادرية الاهلي بيه دكاترة اردننين باشراف الدكتورة اطياف بس هي متجي مقيمة باربيل وعدها مركز باربيل يكولون زينه والعملية عدهم تكلف 45 ورقة وحسب الحالة طكة اكثر طكة اقل وهو كله بيد الله الرزاق هو الذي يقول للشيئ كن فيكون والله يفرج علينه

[عيون حلوه]

والله ياعزيزتي الله يصبرج ويعينج بس قبل الانابيب زوجج لازم يتعالج اذا نسبته صفر من وين يلقحون البويضة.؟
ياروحي اذا انتي بالبصرة او تكدرين فد سنة تعيشين بالبصرة
(لان عملية الاخصاب الصناعية تحتاج رااااااااااحة)فمستشفى ابن غزوان كولش مستشفى زينة وعلاجها لحالات العقم باسعار جدا رمزية يعني اخو البلاش بالاضافة الى وجود دكاترة جيدين بالبصرة مثل فؤاد الدهان وعبد الكريم وسبأ واذا نويتي بس بلغيني واني رسم الخدمة والله يرزقج بحق محمد وال محمد.

[نيلوفر]

اهلا
اني ثالث مرة اسوي العملية وهسة بعمان انتظر النتيجة لان تبين بعد اسبوعين والانتظار والقلق اصعب كل المراحل وانصحج لوجه الله كلش يلا تسوين لا باربيل ولا ابغداد لان بس نهب فلوس على الفاضي واني جربت مستشفى الجادرية على اساس فريق اردني وهم كلهم اطفال البارحة متخرجين وطلعت من يمهم صارفة خمس الاف دولار وتكيس على المبايض ورجعت سويتها بعمان وفشلت وهسة دا اعيدها والامر لله وهمين انصحج لا تحجين للناس شنو يتدخلون بحياتكم وبعدين اذا صار طفل يسمع حجي والله انت ابن انبوب وتعرفين احنا العراقيين مننسى لو بعد ميت سنة انتي اتوكلي على الله وسافري وكولي رايحة انسوي عملية دوالي لزوجي وبعدين الله رزقنا وصدكيني اكثر الرجال فعلا عدهم مشكلة دوالي وممكن يتحسن وضعهم بعدين

[ملكة لكش]

اشكر كل اخواتي الي مرو على مو ضوعي حاليا رجعت اراجع بمستشفى كمال السامرائي والله كريم الي كاتبه يصير لو باخر الدنيه وراح احجيلكم على النتائج اول باول

[عيون حلوه]

يعني شنو انت ابن انوب.؟
هسه دخلي يجي ونشتم ريحته بعدين نفكر ونقلق للناس شنو تكول.؟

[ملكة لكش]

هلو حبيباتي
انتضر نتائج تحاليلي وزوجي راح يسوي عملية خزعة (لاخذ حيامن) والله كريم
الله يخليخم كل الي يمر لموضوعي يدعيلي ويوصي فراشة الليل عليه وشكرا الكم حبايبي

[Asmaa]

الله يسهلها عليج وعلى كل محرومة يارب تقر عينج ويفرح كلبج

[الكادي]

الله يرزقج

[space wamen]

زوجي مثل حالة زوجك ..

خزعه .. من الطبيب اللي راح يسويها لكم .. ؟

ان شاء الله تتكلل بالنجاح ويلقوون نطاف مكتملة ويتم التلقيح باجمل تؤام ..

ولو حاليا يفضل التفتيش المجهري باعتباره الحل الامثل والاكثر نجاحا في عمليات البحث عن النطاف ..
وهذا لايوجد الا في السعودية ومصر ..وربما الاردن

اما العراق وسوريا فقط السحب بالابرة او الخزعه العادية

[lubna77]

عزيزتي ملكة لكش
مرحبا
انا سمعت هذه القصة تماما واسال نفسي هل انت الي التقيتها ام مجرد تشابه بالقصص
هل ذهبت الى مشفى الجادرية بشهر 12؟

[merna]

اني هم نفس الشي مثلكم
ملكه لكش توكلي ع الله وسويها لتحتارين
مشكلتي اصعب منكم نطف زوجي تركيزها اصلا 300 نطفه بالمليمتر يعني مو 5 ملايين يعني حالتي جدا ميؤؤس منها وطبعا كلها مشوهه
لا اله الا الله محمد رسول الله ادعولي

[white flower]

ميرنا كلها بيد رب العالمين إذا أراد شيئاً إنما يقول له كن فيكون

بحق لا إله إلا الله رب العالمين يفرح قلبج ويرزقج الولد الصالح يارب

[merna]

ونعمه بالله

[merna]

شخباركم بنوتات؟؟؟
ملكه لكش وينج سويتي العمليه؟؟؟ وين؟؟؟
لبنى الكادي سبيس ومن باقي البنات وينكم شخباركم؟؟ سويتو انابيب بره لو داخل العراق؟؟؟