يمة شعطلك ))

[غربة الروح]

(( يــــــــــــــــــــمة ليـــــــــش تعطلت ))



رايح عالنتيجه اوراجع ابساع
موهذا كلامك يمه ليه

ليش اتعطلت يمه العصر فات
اوبدت تعصر ابروحي المغربيه

هلاهل ترس صدري اوبيدي جكليت
اوكبل اسبوع مشتريه الهديه

اتاني اوخبر عاجل طگني بالگاع
انفجار الجامعه المستنصريه

ولك يمه وصلتك ازحف ازحوف
لأن رجليه ماتن گبل اديه

لگيت اكتابك اوماشفتك اوياه
عفته اشلون مو رحتو سويه

اوجثه اتصيحلي من بين الرماد
موهيه گلت وآنه ادري هيه

حاجيني دخيلك ياضوه العين
الشضيه الصابتك موبيك بيه

انا اشتاگيت ابوس اجفوفك اليوم
ابگد مابوست انته بديه

وصية والدك بيدي آنه احنيك
ترضه ايگول خلت بالوصيه

اعرفك غيره كلك تذبح الموت
اوتگعد بس اشگ ثوب العليه

اعز الناس جنت اتگلي ياحيف
اعز الناس ذلتهه المنيه

ياجف القدر المن انمديت
ليش اتناوشت نجم الثريه

ابني البجت لمصابه الحمامات
وغتاظ الگمر ونخسف ضيه

ابني ابن العراق وامه بغداد
ياهو الكتب مجهول الهويه

الشاعر يحيى العلاق

[عيون عليا]

وج عيني بجتني

عاشت الايادي عزيزتي

دمتي بود

[غربة الروح]

انتو العايشين عمري
ناز عمري دموعج غاليه بس شبابنه يبجون الصخر
والله يرحم بحال العراق والعراقيين

[Queen.Ur.Heart]

وصية والدك بيدي آنه احنيك
ترضه ايگول خلت بالوصيه

اعرفك غيره كلك تذبح الموت
اوتگعد بس اشگ ثوب العليه


والله بجيتيني
ودموعي ما احجيلج
اوووووف يالعراق

[غربة الروح]

اي والله اوف ياعراق
شكرا على الرد

[مسك]

اخخخخخخخخخخخخخخ
يمة الله يساعد قلبج
غربة الروح شلج علينا:dfre::sdfsg:

[مكارم]

غربة الروح
انت هسه فتحتي الجروح من جديد
مو بس هاي وخليتي بيها ملح
وعفتيها

الله يصبرنا على مصابنا وجعله الله كفاره لنا يوم الحساب


تسلمين ياعمري

[matha]

الى من يدعي الدين
الى من شوه الدين (بتعبير اصح وادق واتقن)
الى من اتخذ من الدين وسيله استرزاق
الى من سرق براءة الطفوله من اعتاب الابواب
الى من تلطخت يداه بدماء شعبي
الى من اقتلع البصر من ذاته وعمت عيناه بطغوى مال الدنيا اللعوب وزيفها الطاغي
الى من سلخ الانسانيه منه ولبس قناع الزيف بأسم الاسلام

لن اقول الا حسبنا الله ونعم الوكيل

لا ادري ماذا اصف ما شعلتيني به يا غربه


.
..
...
............
دموع وصمت والم..
اتمنى اللقاء بمن سرقته المفخخات منا

[غادة الكاميليا]

الله اكبر على كل ظالم

موضوع مؤثر

تسلم ايدج

[غربة الروح]

متاسفه ست الحبايب
متاسفه عمري انتو
بس هالكلمات تاذينه كلنه
لان شباب بعمر الورود راحو بلا صوج او ذنب
ربي يرحمهم ويجعل مثواهم الجنه

[ام علاوي الوكح]

الله يساعد قلب كل ام
كلمات مدمرة
حسبنا الله ونعمة الوكيل

[بديل القمر]

تسلمين غرووووووووووووب
ولو اني الي لا شايفه ولا عايطه بجيت

[غربة الروح]

شكرا على الردود
نورتوني

[لوبي]

حاجيني دخيلك ياضوه العين
الشضيه الصابتك موبيك بيه
ستغفر الله العظيم شكول بس جريت حسرة شكبرها

[رنودة]

ابني ابن العراق وامه بغداد
ياهو الكتب مجهول الهويه
الله اكبر
والله راحو شباب مثل الورود
الله يصبر كل والده فقدت عزيز ها:065:
مشكوره على الكلمات المؤثره

[تيناية بغداد]

شكرا على الموضووع المؤؤؤثر:3D_Smilies232::3D_Smilies232::3D_Smilies2 32:

[امنية العراق]

يمه شعطلك ,,

قصيدة كتبتها انامل الشاعر يحيى العلاق ,,

لما حدث بالجامعة المستنصرية ,, من تفجير راح ضحيته عدد كبير من ابنائنا وطلابنا ,,

شكراً لهذا النقل ,, الجميل ,, الذي أخذنا لنكون بحضرة هذه القصيدة ,,

وعمق الجرح والموضوع الذي كتبت من اجله ,,

تحيتي لكِ ,, ولهذا الأختيار ,,

[غربة الروح]

شكرا على الردود حبايب قلبي
وربي يصبر كل عراقيه على محنتها
امنيه عمري شكرا لان ذكرتي اسم الشاعر وهسه اضيفه لان مكنت اعرفه

[ام اينانا]

http://www.uae-up.com/up3/uploads/b005b4e992.gif

[غربة الروح]

تشرفت بالمرور غاليتي

[لافندر]

شعر مؤثر اذيتيني والله
تحياتي الج

[غربة الروح]

اسم الله عليج من الاذيه عمري
تشرفت بالمرور