سؤال وجاوبوني

[لولو 2009]

سؤالي لدكتورتنا العزيزة
وللعضوات الي عدهم خبرة اتمنى تفيدوني
صحيح اللي تكون عدها الدورة الشهرية مخربطة مايكون عدها حمل يعني ضروري جدا تنظم الدورة يلا تحمل
اتمنى تجاوبوني بسرعة
تحياتي لكم

[Lo0oLo]

اتصور مالها علاقه
وان شاء الله الدكتوره تفيدج
والله يرزقج بالذريه حياتي

[zainab_2010]

هلو حبيبتي منورة

لاعيوني اني دورتي حيل مخربطة بس عادي صار حمل الحمد لله

هيه اهم شئ تضبطين فترة الاباضه عندج وبس

اني جاوبتج من تجربتي وان شاء الله الدكتورة تفيديج

[بديل القمر]

حسب تجربتي لما تكون هيا منتضمه واجا شهر تاخرت والشهر الي بعدها قدمت اعرف ان هونالك شي في الطريق
يصير سبحان الله اكو استعداد للحمل
.......
واكو لما تكون الدوره غير منتضمه من اساسهااا ولما تسوي فحص تكون الهرمونات تلعب فهاي الحمل عدها ضعيف يعني الهرمونات لزم تكون عاقله

[لينا 2012]

احب افيدج بعلومه من خلال خبرتي الدوره لازم تكون مضبوطه حتى تكدرين من خلالها تحددين ايام الاباضه الي يكون فيها الحمل واذ الدوره مخربطه الدكتوره راح تنطيج منظم لفتره معينه حتى تنزل بموعدها وتكدرين تحددين وقت الاباضه وربج ارحم الراحمين يرزقج انشاء الله بل ذريه الصالحه

[لولو 2009]

تسلمون على ردودكم طمنتوني بس ردت اعرف منكم اشلون اضبط فترة الاباضة مادام خربطة الدورة مالها علاقة

[لينا 2012]

حبي هي الاباضه تختلف من بنيه لاخرى اهم ايام الاباضه يوم 13 14 15 16 17 واذا اخذتي سونار يكون بعد احسن

[د.فراشة الليل]

حبيبتي من الظروري ان تكون الدوره منتظمه حتى تتحدد وقت الاباضه
والدوره المتخربطه تعني اكو مشكله
فلابد من عمل تحاليل هرمونات للتاكد من عمل المبيض وبعدهه تتنظم الدوره لتحديد وقت الاباضه
ولاتهملين بنفسج
يارب يزقج كل خير