طمنوني ارجوكم على ابني

[رنا الجصاني]

السلام وعليكم عندي سؤال ابني عمره سنة وتسعة اشهر ولحدالان ميحجي واني خايفة عليه جدا حاسة السمع عنده جيدة جدا وهو متعلق بالتلفزيون جدا جدا يتكلم كلام ممفهوم بس يكول دادا وجدي وماما وبابافي بعض الاحيان دكتورة طمنيني ارجوج

[Lo0oLo]

حبيبتي حاولي تمنعيه شويه عن التلفزون وخليه يختلط باولاد من عمره
حاولي تحجين وياه هوايه ومن يريد شي لحي يعيد الحجايه اكثر
وان شاء الله مابيه شي لتخافين

[zainab_2010]

سلام عليكم

طبعا اني اعرف وحدة صديقة ماما عدها ولد نفس الحالة بقة شكد مايحجي

بس راحت على الدكتورة فحصوه طلع ماعنده شئ بس سبب نفسي لو اللسان ثكيل

صاروا ياخذونه دكتورة خاصة للكلام وشوية شوية تعلم يحجي هسه عمرة 3 ونص

ويعيط زنكا زنكا بيت بيت ههههههههههههه

حبيبتي لاتسكتين ابد حاولي تاخذينه وتفحصوا زين

ان شاء الله خير وماكو شئ تحياتي

[رنا الجصاني]

انشالله حبيبتي الله يسمع منج ومشكورة على الرد

[om khalid]

حبي اني ابني عمره سنه ونص وهمين بعده يحجي بس كلمات وصارلي فتره اعلم بيه واني اغسله واني العب وياه كمت احاجيه كام يرد عليه ويفتهم والبارحه طلع بالمسلسل واحد يكول واطي جان ابني باوعلي وكاللي ووووووواتي ههههههههههههههههه لا تخافين ولا تستعجلين عليه انطي وكته وانتي علميه سولفي وياه اني جانوا يكلولي ابنج اخرس وخبلوني لحد ما نفكت الجبسه ههههههههههه
ان شاء الله يحجي ويكوم يدوخكم بسوالفه

[ٍٍالأميره الناعمهٍٍٍ]

حبيبتي لتخافين ماكو شئ عادي اكو اطفال يتأخرون بالكلام لعمر السنتين
واني جنت اعاني نفس الموضوع بنتي عمرها سنه 1و8اشهر وليهسه كلامها
هندي ههههه بس تكول بابا ماما اسمها ودكتور كلي بالسنه ونص 7كلمات وبعدين شويه شويه
تحجي وان شاء الله خير وانتي هم علمي وظلي احجي ويا كرري الكلام حتى يخزن الحجي

تحياتي

[غمزة دلع]

حبيبتي اني مو ام ولا اعرف بس اخوية الصغير جان هيج عمرة سنتين وماكو ميحجي فا صديقة امي كالتلها شربي مي مال بلابل ولازم يكون بايت ليلة يم البلابل والله صدوك شربنه اخوية منا كام مو بس يحجي بلبل والله وحتى يصير وكح جربي والله كريم ودي دكاترة لتعوفي لو خلي كدام المراية وخلي يحجي وهو يكوم يحجي اسفة على الاطالة شك را

[رنا الجصاني]

مشكورات حبيباتي على الردود ومروركم الكريم

[(*um rose*)]

يمعوده لعد اني شكول بنتي عمره سنتين و 7 تشهر و ليهسه متحجي زين وديته دكتور كالو عادي لئن ماعده اختلاط ويه الجهال و كالو من اتروح للروضه راح تتقوه و الله كريم

[* دانة *]

لاتخافين عيوني هالشيء طبيعي لان يجوز بعد عنده منطقة الكلام بدماغه مامكتملة
بنت اختي صار عمرها اربع سنين وكلشي ماتحجي بس ماما وبابا سالنا طبيب انف واذن وحنجرة كال بعد المنطقة الخاصة للكلام مامكتملة من جانت برحم امها بس توصل 5 سنوات تكوم تحجي وصدك دخلت ب خمس سنوات كامت تحجي حتى تحجي فصحى من الكارتون تعلمت

لاتخافين عادي هالشيء
الله يطمن بالج عليه

[Dr.delicate]

السلام عليكم
اختي العزيزه بالنسبه للاطفال اللي بعمر بنتج نظريا المفروض تكون جملة من كلمتين مثلا (ماما عم) يعني ماما اريد اكل والمفروض يعرف 20مفرده مثل ماما او ما ,عم او عميه ,بابا او با لكن هذا الكلام نظري لان الاطفال غير متساوين بسرعة تعلمهم للكلام لعدة اسباب منها وراثيه او بيئية مثل انشغال الاهل
المطلوب منج عزيزتي
1-فحص لسمع الطفل
2-قضاء وقت اكثر مع الطفل والتحدث معه باستمرار وبلغة الكبار يعني لاتلينين الكلمه بحيث تكون طفوليه او متحجين ويا بكلام الاطفال
3-اختيار العاب الاطفال بحيث تحث الطفل على الكلام
وان شاءالله صحة وسلامه

[ياقوتة]

حبيبتي اني قبل يومين عند الدكتور بسبب ابني مايحجي وهو عمرة سنتين زالدكتور كال لاتخافين وحولني على دكتور الاذن كال نتاكد من السمع وبعدين نخليله معلم للحجي والله كريم ابني كلها يصيحلها ماما ومن يريد ماي مثلا يجيبلي الكلاص وكله بالاشارة وتفرج بقوة الله تعالى

[فتاة في العشرين]

حبيبتي اني سامعة من اهلنا قبل يكولون الطفل الي ما يتكلم


تهلهل عمتة بالفم مال الطفل يضل يحجي بسرعة **حبيت افيدك شكرا

[اُنثى حالمهـ]

لا ارجوج ابعديه عن التلفزيون لا تخليه يتعلق بيه بعدين يوصل لمرحلة ابني هسه عمره 3 سنين ومايحجي وكله من ورا التلفزيون
اشغليه بغير اشياء واحجي وياه هوايه ولاتنطيه الشي اذا مايكولج اريد او يول اسم الشغله
وان شاء الله يحجي لاتخافين