قصة حياة اول طفل

[غادة الكاميليا]

هلو مامات

دائما باعياد ميلادنا ماما تحجيلنا من حبلت بينا الى يوم الولادة وكل سنة طبعا تحجيلنا ونكعد نسمع عبالك اول مرة ...






هسة شريد منكم كل ام تحجيلنا قصتها وية اول بيبي عدها من عرفت حامل وشلون تلقت الخبر مع زوجها وايام الحمل والجهاز ....





الى يوم الولادة .........






اكيد كومة سوالف حلوة....








خلي نسولف ....







يلة منو تدخل اول تحجيلنا.....

[غادة الكاميليا]

يلة اني ادعو بدولة تحجيلنا قصة اول طفل بالعائلة ............









او الي تحب تحجيلنا قصة اي طفل من اطفالها تشوفها مميزة اكثر............







ولو اول طفل غيييييييييييييييييييييييييييير



http://www.arabsys.net/pic/zkarf/175.gif





يلة بدول سولفي



http://www.arabsys.net/pic/zkarf/173.gif

[بديل القمر]

بس الطفل الاول خيه هسه اسردهم الج من اولهم لاخرهم
بس صلي على النبي



اني اتزوجت اي والله تزوجت وووووووصرت عروس .................................................

وجان عرس مزدوج يعني عروستين وعريسين اخوان
عاد اني
ويا العروسه الثانيه صرنا صداقه وليومج المهم هيااا بعد اقل من شهر جتني قالت اقلج على سر قتلهاا اي شنو شصاااااير قالتلي اني حامل
واني شلون انقهرت ليش هيااا تحبل قبلي ومجااااني النوم اقول يارب احبل بهذااا الشهر ..........عوبااااااا
المهم بعد خمس ايام جتني خطيه تقول ترا السر طلع فشوش نزلت البتاااااااااااااعه وماصار الحمل
عاد هياااا
قالت تعااااااي ولج وانتي قتلهاا اني صارلي يومين متأخره عليه
بس قتلهاااا خواتي يقولون لاتحملين صبري شوي بعدج عروس عااااااااااااااااااد عينج ماتشوف الا واني دبتي جدامي وهياااااا تجيني
تقول ولج حللتي اقلهااااا ولج قام يعنفص ابطني شنو تحليل شنو بطيخ
وهياااا مصار عدهااا حمل
ومااااااااااخلت شي بس جنت ادعيلهاا لانهاااا مثل اختي غاليه عليه

المهم تدرين يمته حللت ست اشهوووووور ,,,,,,,,,,,,,,,,,,,,,,,,,, برود مو اي شنسوي عرسان ومو فاضين
المهم
اجااا احمد قبل لا تخلص سنه زواجي ××××××××××××

واني ولدت احمد مناااا حبلت مرت حماي منااااااا ويوم جتني تزورني بشرتني بحملهاااااا الاول


طلعت من الاربعين النفاس ,,,,,,,,,,,,,,,,,,, اي غير سنه اولا امومه اني سنه اوله صخخخخخخخخخخخخخخخام
وعينج خيه بعد خمس شهور عنفصووووو التؤام خخخخخخخخخخخخ
ومصار لاحمد سنه وشهر الا وجايبتله بقيه افراد العصابه ومن صدق عصابه

هذولي خطيه جنت ناسيتهم ابطني
بس من الشهر الرابع والناس يقولون ولج صايره مدحربه بطنج جبير
ويوم صار
الي تقريبااااا ست اشهر ×××××××××× اي غير نعدل بينهم مثل اخوهم

طلبت مني الطبيبه سونار عادي رحت اريد اسوي السونار رفعت راسهاااا المقروده الي تسوي السونار سئلتني سؤال واحد بس
عدج احد بالعائله عده توام قتلهاا لا اختي شنو شفتي ماترد الله يخليج حاجيني ماترد لوسمحتي ابد ابد لامجيب
عاد هذا نضام مستشفيات هنااااا لان عدناااااا ناس تفرح بالولد وتعطي بشاره وناس ماتريد البنت ويطونها مصيبه فمنعوووو اخبار الام بنوع الجنين هذا
اول هسااا لا يقولون


عاد اني عضامي صارت طق طق طق طق يالله وصلت للسياره اقول لابو احمد هاي تقول هيج وهيج قال شلون ماترد عليج
وعلى طول رحنااا للطبيبه
جان تقول ممممممماعدج موعد اصبري قتلهااااا مااريد تفحين شي بس اقري شنوووو حطت المقرووده هناااااا قرت ببرود ورفعت راسهااا اي تؤام

هناااا وقع الخبر صااااااااااااااااااعقه لان احمد بعده صغير
عاد زوجي نبه عليه قلي لاتحجين لاحد
وهوااا راح لامه وقالهاااااا

اني ماقلت لاحد بس مرت حماي ومرت حماي الثانيه وامي

وهنااااااا اني فقدت صرت نساااياااا وشااااااااااااارده الذهن وعقل مو وياي

بس لو بعد تردون الباقي




اقول النت اااانقطع واذا ارسلتهاا راح اطير خنسووولف بالبقيه الى ان ترجه النت الى مودم تبعه



اي عاد سويت اضراب عليهم وحطينا الولب فرد خمس سنين ارتحنااا وغدا الشر

بعد الخمس سنين
جاناااا فيصل الاشقراني اقولج على سرررررررر وخطير هناااا بس حسيت اني ام خخخخخ
مو اقلجن الاوليين عموو بصيرتي بس اريد اخلص خطيه ماشافو لادلال ولا تفيده
المهم اروح اشوف جأ النت قللللللللللللللللوش
يالله بس هذا دور الاولاد باجر نقول دور البنات خخخخخخخخخخخ
ولجن ضيوووفي هسااااا يدقون الراس
عاد خلو ليهسااااااا القلوب زينه

[Queen.Ur.Heart]

الله يكون بعونج من صدك

همين توأم

وهمين ابنج صغير

يالله ننتظر الباقي

[غادة الكاميليا]

ماشاءالله لاقوة الا بالله

الله يحفظهم من كل شر ..

وننتظر الباقي


نورتي بدولة

[عيون عليا]

شكرا على الموضوع عزيزتي

بس حبيت اشارك وارد على الموضوع

الله يحفظهم الج بديل القمر حبيبتي

[نداوى]

خخخخخخخخخخخخخخخخخ
وج غدوش شلج بهاي السوالف مو ترى احجيلج حتى اشلون اجا وبالصور بعد خخخخخخخخخ

عاد هسة مااحجي لأن البارحة اول طفل الي كلش ضوجني وداافكرله بعقوبه هادية بس شنو اتخليه يون ون خخخخخخخخخخخ ....

خليها على الجايات

[مسك]

موضوع حلو

بديل الله يخليهم الج ويفرحج بولد ولدهم يارب

اني مرح احجي هسة لان مابية حيل اكتب
بس اواعدج انون فد يوم اكتبلج تجربتي وية الامومة

ويارب يرزق الجميع بالذرية الصالحة

[غادة الكاميليا]

نورتوني حبايب

هلا بناز شلونج عيني منورة

ندوش ختية حمودي ديلة من اتصالحيه تعالي احجيلنا قصة حياته بس بلا صور خخخخخخخخخخخخ


تبارك عيني من يصير عندج مجال تعالي سولفيلنا ..

والي مامزوجة خلي تحجيلنا قصة حياتها خخخخخخخخخخخخخ احسن من ماكو

[نداوى]

وج غادة شفتيها هاي المطفية تبارك ... حتى ماتعرف منو كاتب الموضوع ... اتكول انون :0148:
وج شحجي خليها سكتة عيب لا احجي كلمة اروح اتكنسل :048:واصيع على ابواب المنتديات الثانية خخخخخخخخخخخخخخخخ

[غادة الكاميليا]

هسة تخربط بكاتبة الموضوع مو مشكله

كولي بس لا تحجيلنا قصة ابن حماتها عبالها ابنها خخخخخخخخخخخخخخخخخخخخخ

من تجي لتكوليلها اشكلت عليها..........خخخخخخخخخخخخخ


اليوم دلوعتي منورة التوقيع فدوة لله.......

[DaNdOnA]

خخخخخخخخخخ شنو هاي بدولة صدك عبالك ما مصدكة راسا حبلتي خخخخخخخخخخ

عاشت ايدج غدوش حبي على الموضوع

من اتزوج ويصير عندي طفل اجي احجي عود

[غادة الكاميليا]

ان شاءالله حبي دندونة ربي يرزقج بالذرية الصالحة

[نداوى]

غادة ولج هذا ابني دخل فترة مراهقة وابوه مطلعلي عينه على مراهق ولاتشدين عليه الى ان صاير يعتبرني ند اله والبركة بعد بالمدرسة ورعاية الطفولة والشباب

خلينا نحجي على ولادته هههههههههه

هاي ياعيني اني اول مااتزوجت من اول شهر حبلت ناس مستعجلين ماعدنا وكت ههههههه
رحت للطبيبة لأن اني كانت الدورة منتظمة عندي وتأخرت كم يوم .... سويت تحليل عند الطبيبة وطلعت السكرتيرة بشرتنا باني حامل طبعا وكتها كنت مثل الاطرش بالزفة زوجي يحجي عني ... المهم اني وببرودتي المعتادة اخذت الموضوع على انه حدث عادي يعني مافرحت ولا انقهرت ... لأن كان اكو مشاكل بسبب الي مايخافون الله وكنت مقررة اذا ماارتحت راح ارجع لأهلي .... بس زوجي طار فرح ... طلعنا من الطبيبة وهو فرحان شاف رجال شايب الماني يمشي كله بالعربي مرتي حامل وراح اصير اب ذاك صفن بيه شديخربط وعافه وراح اني خربت ضحك كتله ليش سويت هيجي ايكولي غير افهمه خخخخخخخخخخخ طبعا من يكون زوجي فرحان يلعب خلقه بالمقابيله خخخخخخخخخخخ
وبلشت رحلة الكفاح بالحمل وبين الافراح والاحزان ومشاكل الاهل والجيران صار وكت الولادة طبعا هلكت من الساعة ثلاثة ونص الظهر بغرفة الولادة الى الساعة وحدة الا عشرة نص الليل يالله شرف الافندي ومااجا بمزاجه غصب عنه شفطوه شفط يالله كلف نفسه وطلع كلش تعبت .... المهم كان شعور غريب خليط بين الفرح والخوف والقلق يعني مااكول اني كنت سعيدة كلش بيه خاصة انه ولادته وبقائي لوحدي بالمستشفى علمني شنو معنى الغربة اتصوري وحدة لاتعرف لغة ولا الها اهل وزوجها عايفها وبالشغل والصديقات محدودات ومايكلفون نفسهم يجون وحدهم ينتظرون زوجي يجيبهم بسيارته لأنه صديق ازواجهم لا وكرديات بعد .... وقتها اكثر لحظة بحياتي اتمنيت امي تكون يمي
شفتي راح ابجي ... بس بالعناد راح اضحك ههههههههههههههه
بس تدرين بعدين من صرت زينة كمت العب بيه واتونس بيه وهو الي صبرني على مزاج ابوه المتقلب ببداية الزواج الى ان الله هداه خخخخخخخخخخخخخ
يالله عاد يكفي

[غادة الكاميليا]

الله يخلي حمودي امين وبجاه الله واسماعيل امين..http://www.s-elhoda.com/smiles/smiles/8/guy%20face%20(260).gif

تتذكريها مو مال ماجينا مدري اشجابها ببالي هسة..http://www.s-elhoda.com/smiles/smiles/8/guy%20(51).gif


طبعا اكيد البنية بولادتها بس تريد زوجها وامها الله يكون بعونج ايام صعبة بس الحمدلله عدت على خير..http://www.s-elhoda.com/smiles/smiles/46/heart%20(104).gif

[غادة الكاميليا]

هسة منو تجي تحجيلنااااااااااااااااااااا


ام علاوي الوكح نزلي للساحة...


http://www.s-elhoda.com/smiles/smiles/46/heart%20(318).gif

http://www.s-elhoda.com/smiles/smiles/46/heart%20(325).gif

[Queen.Ur.Heart]

موضوع حلو

بديل الله يخليهم الج ويفرحج بولد ولدهم يارب

اني مرح احجي هسة لان مابية حيل اكتب
بس اواعدج انون فد يوم اكتبلج تجربتي وية الامومة

ويارب يرزق الجميع بالذرية الصالحة


منوووووووووو انوووووووووون؟؟؟؟؟؟؟؟ :0148::0148:

متنلام بيج غادة من تكول صاير كلة مغشوش هالايام :033:

[Queen.Ur.Heart]

عااااااااااااا

اجيت ابجي ندى يبوووووووو
شكو عرستي برا هاااااااااااااااا :048:

[مسك]

اقتباس:
المشاركة الأصلية كتبت بواسطة نداوى http://www.iraqiyat.net/vb/love/buttons/viewpost.gif (http://www.iraqiyat.net/vb/showthread.php?p=83772#post83772)
وج غادة شفتيها هاي المطفية تبارك ... حتى ماتعرف منو كاتب الموضوع ... اتكول انون :0148:
وج شحجي خليها سكتة عيب لا احجي كلمة اروح اتكنسل :048:واصيع على ابواب المنتديات الثانية خخخخخخخخخخخخخخخخ




حتة تعرفون الجهال وابوهم شلون مخبليني راسي من رجلي
مدا اندلة خخخخخخخخخخخخخخخخخخخخخخخ
بلة ندى احجيها للحجاية الله يخليج اريد اضحك

[مسك]

ندى خخخخخخخخخخخخخخخ
بربج احجيلنا على ابو لحمودي ليش جان مزاجة متقلب
بس مو هنا بيوميات عضوة لان اموت على هل السوالف
والعركات
والله يعينج على الغربة باول طفل تدرين اني امي سوده عليه الله ينطيها العافية
ربتلي احمد وتبارك وهائل ومسك هم ربو نفسهم خخخخخخخخخخخخخخخخخ
والله بالطفل الثالث يلة عرفت اغسل واشيل
وهسة هم وابوهم ديربوني خخخخخخخخخخخخ
واكيد مبين عليه لان دا اشرب مغشوش

[مكارم]

حلو هذا الموضوع
طبعا ذكرياته مؤلمة بس مفرحه لان اول طفل
ربي يحفظ كل اولاد الحبايب
وتشوفوهم عرسان
وتفرحون بجهال جهالهم
يارب

طبعا تعرفون اني ماعندي اطفال والحمد لله
بس افرحلكم من كل قلبي من اسمع سوالفكم

[ام فاطمة 2007]

موضوع حلو غادة ومميز

انا من بداية زواجنا قررنه اناجل الحمل لمدة سنه لان زوجي عندة دراسة وخلصت اول سنه واتنوسنه بيهة وسافرنه وصعنه هواي خخخخخخخخخخ ووراهة صار عندي لهفة للاطفال وقررنه بس صار عندي حصوة والدكتورة منعتني من الحمل لحد مانخلص منهة لان كالت مو زين عليهة وفات شهرين وخلصنه من الحصوة ووراهة بسرعة حملت طبعا ماعرفت الا بالاسبوع السابع لان انا طبيعة الدورة مو ممتظمة تتاخر دائما فرحت حللت وبوكتهة فرحنه حيل وخطية زوجي بوكتهة ماخلاني امد ايدي على شغلة اول 4 اشهر كلة هو يطبهلي وكلشي يسوي وحتى غسل الملابس الله يخليه الي وفاتت الاشهر وماشفت نفسي الا بشهر التاسع وجان كلشي تمام واهنا بالصين مايكولون جنس الطفل الا بالتاسع وهم بالكوة يلا كالت الدكتورة وانا من عرفت حامل وادعي تجيلي بنوتة والحمدلله ربي استجاب دعائي وانطاني احلى طماطة وكملت التاسع ودخلت اول اسبوع بالعاشر وطمطم افندي ماراضية تطلع على كولة ابوهة عاجبتهة الخدمة ابطنج خخخخخخخخ والحمدلله اجتي فطم يوم 10-9 ساعة 1 الا عشر الظهر بعد طلوك يومين طلعت روحي وهم لوحدي على كولة ندواي بالغربة صحيح صديقاتي ماقصروا وماعافوني خطية بس انا لحيت عليهم يرحون وصار عندي ولادة ومن ولدت ابحدي انا وزوجي ويتية خطية دخل لغرفة الولادة وياي ولوما هو اللي قواني وسودة عليه جنت من اصرخ بس اشوف دموعة ووجهة اصفر ومن اجتي فطم للدنيا اجتي زركة ومابجت جانت شاربة من مي البطن ووجهنة صار اصفر عبالنه بيهة شي بس الحمدلله الدكتورة طلعت المي وحطي فطم بحضني صراحة جان احلى شعور ماينوصف وبوكتهة زوجي حضنا وظل بس يبجي ومامصدك بفطم يكلي اكلج صدك صرت اب خخخخخخ وبدت معاناتي وياها ووكاحتهة وهسة صاير ابوهة اذا يطلع لوحدة كلساع يخابرني اريد اسمع صوتهة وهسة عند فطم افلاونزا كلش وحرارتهة نار عفية ادعولهة اتصير زينه واليوم الظهر خليتهة يوم ابوهة ورحت اصلي اجيت لكيت ابوهة مدمعة عيونه كتلة شبيك كال مااتحمل اشوفهة مريضة
ياربي يرزق كل محرومة يارب
واسفة اخاف كلامي مخربط لان مانايمة البارحة من ورا صخونة فطم

[غادة الكاميليا]

حلو هذا الموضوع

طبعا ذكرياته مؤلمة بس مفرحه لان اول طفل
ربي يحفظ كل اولاد الحبايب
وتشوفوهم عرسان
وتفرحون بجهال جهالهم
يارب

طبعا تعرفون اني ماعندي اطفال والحمد لله

بس افرحلكم من كل قلبي من اسمع سوالفكم





نورتي الموضوع خالتو وكلشي من الله زين وحلو الحمدلله على كل نعمة........

[غادة الكاميليا]

طبعا قصص الي يولدون بالغربة لازم بيها بجي الله يكون بعونكم.......

عمري ام طمطم الله يحفظلجياها ويخليها ويحفظ ابوها وينطيكم العافية...............

حلوة قصة تمتومة حبيبتي عدها العافية........

[غادة الكاميليا]

هلا بيج عيني بنت الرافدين يلة ننتظرج وننتظر قصة حياة طفلج............



هلا بكل الحبايب منو تحب تحجيلنا تتفضل هلا ومرحبا

[ام علاوي الوكح]

ندواي
الله يساعدج على الغربة

[ام امين]

ان شاء الله اكتب قصة اول طفل عندي :11_2_104[1]:

[غادة الكاميليا]

هلا بام امين

عيوني احجولنا منريد بس وعود يلة سولفوووووووو

[دنو]

اني ماعندي نونو بعدني بس عجبني الموضوع وبس اصير حامل ارجعلكم بسالفة ان شاء الله .... شكرا غدود

[غادة الكاميليا]

هلو دنو نورتي الموضوع عمري ان شاءالله يوم الي اقرة قصة طفلج وطفل نسمة رعد هنا امين رب العالمين

عمري الي ماعدها طفل او مامتزوجة خلي تحجيلنا قصتها شنورايكم

[ام امين]

السلام عليكم


طبعا اني بالنسبة الي تزوجت وتغربت راسا مرت الايام ورحت على دكتورتي كالتلي سوي تحليل دم سويت وجانت صدفه عيد الاضحى ف كلت خليني اعيد ووراها اسوي موعد حتى اعرف نتيجة التحليل (مجان ببالي اني حامل بس زوجي جان عارف هالشيء وضامه بكلبه لان كال يجوز لا ميريد يحبطني) المهم رحت جان تجي الدكتورة وكالتلي مبروك حامل اني كاعده كبالها وزوجي على القنفة اني صفنت بوجها هي جانت مسلمة من كازاخستان (طبيبة عامة مو نسائية ) جان تكولي فرحانه هزيت الها راسي بس كلتلها اي ممصدكة راح اصير ام طلعت زوجي طار من القنفة ممصدك اني حامل كلي جنت شاك بنسبة 99 بالمية انتي حامل بس مردت اكولج المهم رجعت للبيت وخبرت الجميع والكل فرحوا النا

مرت الايام وبدا الوحام الصعب جان حيل صعب عليه مو وحام انه (العفو تقيأ لا جان حملي صعب مجنت اشرب سوائل كثير فكان ينخفض ضغطي ويغمى عليه المهم خلصنا من هالمرحلة اجت مرحله اخرى بطني تاذيني كلش كالتلي الدكتورة عضلاتج دتتمطى عادي بعدين كبرت بطني وخلصت اجه شهر التاسع وبديت اغني ياليل مااطولك تعبت من الثقل حيل تعبت اني وزني قليل ف من الثقل مدااتحمل انطنتي دكتورتي موعد حتى اولد ورحت وبعد انتضار من السبعه الصبح الى 12 بالليل قرروا عمليه وبدا البجي شلون راح تكبر بطني وبعد مترجع مثل قبل وشلون عمليه وابجي والولد جانت حالته تعبانة لان كالتلنه نشف بس منسوي عمليه الا تكول يس واني ابجي خالتي تكولي ياله ميخالف انتي مو اول وحدة تسوي عمليه اهم شيء سلامتج انتي والبيبي واني ابجي زوجي يتوسل بس كولي يس واني بس ابجي جان تكوللهم دكتورتي رجاءا لا احد يضغط عليها ترة هي البيها مكفيها اخذي راحتج وعلى كيفج كلتلها اوكي خلص وبديت ابجي ولدوني وجابولي احلى امين بالدنيا طبعا اني طول فترة الحمل اكول لزوجي الله يخليك من اولد كول اللهم جنب الطفل وذريته من الشيطان كالي اوكي واول مدخلوني للعمليات هو داخل وياية واكوله عود كولها كالي اوكي اشوا بس شاف الطفل بعد ميعرف شيكول يكولي لندا شكول كتله كول (واني بالبنج ) اللهم جنبه وذريته من الشيطان الرجيم فهو بس يردد ورايه كلمه كلمه يكولي ممصدك كدامي ابني ههههههه
المهم طلعت وكعدت 7 ايام عندهم ورجعت البيتي وبدت حمله التجارب على اموني

بايوب ومريم قصصهم غير قصص خيالية ههههه احجيها مرة لخ تعبت ههههههههه


طبعا الحمد لله بعد ولادة اموني لعبت رياضة ورجعت مثل ماجنت قبل زواجي وزني الحمد لله دائما زين بس الان يحتاجلي 5 كيلوات حتى اصير مثل قبل الزواج

هاي لعيونج غدغودة كتبت بعدني حتى الجاي مشاربته

[غادة الكاميليا]

ام امين

عيني حلوة قصتج والله يحفظلج اموني حبيبي وتسلم عيونج........

ومثل ماكلت الي يولدون بالغربة اكيد عدهم ذكريات حلوة وبنفس الوقت مؤلمة لانه الاهل مويمهم

الله يلم شمل الجميع.

[غادة الكاميليا]

هاي شنو موضوعي

مترب

منو تدخل اتسولفلنا

لو من دوخة الجهال كرهتوا يوم جيتهم خخخخخخخخخخخ

[H A M S A]

مشكوره غدوده هالموضوع ستوني يله شفته وحبيت احجيلكم
شون جبت روان بعد مطلعت روحي خخخخخخخخخخ
اني زوجت بسوريا وراهه ب3 تيام اجيت لبريطانيا وباول شهر الي هنا
حبلت طبعا سويت تحليل بالبيت وطلع اجابي وعرفت اني حامل وزوجي مات من الفرح
ميعرف شيكول وضل بس ايبوس بيه ويكلي راح اصير اب ودمعة عيونه والخ ههههههههههههههه
بعدين بدت المعاناة بالحمل اني لحد خمس تشهر اني بس اذب من راسي وما اكدر اكوم من الفراش وجنت وحدي هنا ماعندي اي احد بس خطيه زوجي جان ميخليني اسوي اي شي حته هوه جان يطبخنه ومن اول معرفت اني حامل كمت اشتري هدوم لروان
مال بيت ومال طلعه وشتريت البانيو اذكر وبعدين اخر اشهر شتريت السرير والكنتور
وباقي الغراض
احنه هنا بس مرتين اسونه سونر اول مره بشهر الثالث وثاني مره بالخامس علمود ايعرفون
الجنين ولد لو بنيه وعرفنه بنوته هنوب ضلينه ندور عله اسم اني ردت دانيه بس زوجي مقبل لان بنت اخو اسمهه دانيه بعدين ستقرينه عله روان
بشهر الثامن عباك صار كل يوم بسنه لان جنت كلش تعباااااانه همه جانو مطيني موعد لولادتي 17 /5 اني 16 بالشهر جنت واكفه بالمطبخ وجان احس وكع مي عليه
طك مي الراس رحت للمستشفى خلوني ساعتين بعدين طلعوني للبيت
لان شنو يابه ماعدي وجع ساعه 3 بالليل صار عندي وجع وشويه شويه بده ايزيد
وللخمسه العصر يله رحت للمستشفى وضليت الثاني يوم وروان خانم متقبل تطلع بعدين
سحبوهه بالملقط واجتي ساعه 2 وثلث يوم 18/5 /2009 الضهر واول مطلعت
حطوهه يمي وجان فدشعور مينوصف احله لحضه بحياتي
وطبعا اني اي احد ماعدي هنا وجنت لغه موكلش اعرف احجي وميخلون زوجي يمي
اله مده معينه وبعدين ايروح واول مجتي روان بقت 5 تيام متعرف ترضع وجنت كلهه مكضيتهه بجي بعدين اني تمرضت كام يرتفع عدي الضغط ويخافون علي بالمستشفى وميخلوني اطلع
والله كلما اذكر هذيجي الايام ابجي لان تعذبت وتاذيت هواي الحمد لله والشكر عله كل حال ها صدك نست اكول من جنت اولد كلش خافو عالطفله ورادو ايبنجوني بنج عام
ويحطولي الاوكسجين من ركبتي يابه اني صدك بهذيج اللهضه متت خوف بس كلهه صارت سوالف وهسه روان راح تقبط اربع تشهر وكلش متونسه وياهه بس شالعه كلبي
مترضع زين وحجيتلكم كشي بالتفصيل الممل خخخخخخخخخخخخخخخخخ

[غادة الكاميليا]

طبعا اغلب البنات الي تصير ولادتهم بالخارج يتعذبون يمكن هي حالة نفسية لانه الاهل بعيدين او الام بالذات

لكن الحمدلله على كل حال وعلى كولتج هسة شوفة روان تسوى الدنيا وتنسي التعب كله

الله يحفظها ويحميها وتفرحين بيها

شكرا لزيارتك موضوعي

[H A M S A]

تسلمين ياعمري عالدعوه الحلوه

والله ايرزقج بالنونو الي تكحلين عينج بشوفته حبيبتي

[ღ أنثے حالـمهـ ღ]

الله الموضوع كلش حلو
اشكركج عليه يا قلبي
وهسه راح احجيلكم اني بكل شي صار
اني طبعا متزوجه صارلي سنه ونص تقريبا
و بعد اربع اشهر من زواجي حملت والحمد لله
طبعا اني عايشه في المانيا
و هنا الاطباء تعرفون شبون كل شي كيبروه ويخوفون الواحد
المهم اني بوقتها جنت يم امي لان جان لازم نسافر السوريا
وزوجي ماجان ويايه بحكم عمله
و اتاخرت عليا الدورة و اني مادري ليش حسيت انه احتمال يكون حمل فراسا رحت جبت التيست مال الحمل
وطلعلي خطين اني مادري بالبدايه جنت خايفه
طبعا بوقتها صارتلي الالام قويه هيا مثل الدورة بس اقوى شويه مع الم حاد في الظهر والصدر يعني متحجر جان كلش هوايه
المهم كل الاعراض الي عندي جانت تكول اني حامل من لعبان نفس العفو ودوخه وامي تكولي بابا روحي حللي دم انتي ميه بالميه حامل واني اكولها لالا مو حامل
لان اريد اسافر السوريا جنت داقنع نفسي ههههه
المهم رحت للدكتور وسولي تحليل طبعا كتله اني سويت اختبار بالبيت وهيج طلعلي كالي هذا جهاز احتمال يصدك احتمال يجذب باجر نشوف النتيجه
وطبعا طيارتنا جانت ثاني يوم بالليل
والي راح يتحدد مصيري اذا راح اسافر او لا
كالي اذا الحمل عندج ضعيف ماتكدرين تسافرين احتمال مادري شنو ينفجر وخوفني ردت اموووت من الخوف
و سوالي سونار كالي الحد الان مامبين شي شلووون يريده يبين هو كله عمره 3 او 4 اسابيه والجنين مايبين الا عالسادس
المهم كالي الرحم هو منتفخ شويه احتمال يكون بداخله جنين احتمال هذا مجرد عقدة نشيلها
اني رجعت الماما والدم متجمد وطبعا ماكتله الزوجي على اي شي
وامي تكولي بابا كله حجي وحتطلعين حامل
المهم يوم كامل اني مانمت
رحت ثاني يوم
من ال8 الصبح انتظر النتيجه
و اويلي الله عالبروووووود المو طبيعي مالة الالمان
المشكله اني داسمعها بالتلفون تحجي ويه المختبر وتجيب اسمي وكتبت النتيجه
زين غير تجي تصيحني
واني انتظر انتظر انتظر
الى ساعه ونص تخيلو
وراها كلولي مبروك نسبة الحمل عندج 998 من 1000
وااااااو يعني اكدر اسااافر هذا اهم شي جان عندي مثل ماكلتلكم
المهم بشرت زوجي الي هو فرح هوااايه بس كالي ماتسافرين كتله نعممممممممممم
شو الا اسافر هههههه >>>>عنوديه الاخت
على فكرة الدكتور هم حاول يشوف اذا اكو بيبي او لا
طبعا هم ماشاف وكتبلي ورقه على انه من اوصل السوريا لازم اراويها للطبيبه وتسويلي فحص ولازم يبين من اطب الاسبوع السادس
اني هناك رحت وفعلا بابا الله يخليه الي وادني على افضل طبيبه في سوريا
بالبدايه هم ماشافته
بس ورا اسبوع كلتلي تعالي والمثانه مليانه العفو
وفعلا شفنااااااه لاول مرة شكد جان حلووو عبارة عن فاصوليا شكد فرحنا
و راسا اس ام اس الحبيبي زوجي علي صار
المهم ماطولها عليكم الالام الوحام ذبحتني الغاية همس شهور بس الحمد لله على كل فترة الحمل عندي عدة على خير مابين ولد وبنيه ماحد عرف لان الاخ ساد رجليه
على اخر شهر عرفو انه ولد الحمد لله والشكر
بس المعاناة ماخلصت بعدها
الي عودة بقصة ولادتي الماسويه
واسفه عالاطاله

[H A M S A]

هلو حبيبتي انثى حالمه الله يحفضلجيا للنونو صدك مكتي شسمه
اني هم من جنت حامل سويت فحص حمل بالبيت وبين الخطين ورحت للدكتوره
كتلهه سويت وبسرعه كالت انتي حامل بدون متفحصني ولا شي
يله ننتضر تكملت القصه

[ღ أنثے حالـمهـ ღ]

هلا عمري اشكرج كلبي اسمه رامي
هالاسم كلش جنت احبه من جنت صغيرة
المهم
كملت تسعة شهور كامله الحمد لله و جان عندي موعد تخطيط ورحت وجان يشوفون انه الطلق عندي عااالي حامي يعني ولادة و اني ولا داحس بشي لا بالم ولا باي شي بس جمد الدم بيا
و امي حبيبتي جانت ويايه مافارقتني ولا لحظه
المهم حطوني بتاكسي ونقولني للمستشفى الي المفروض ولادتي تكون بيها
و هم حطولي جهاز التخطيط اووووف شكد اكرها ماطييييييقه
فوكاها كل ساع تجي واحدة تخض بطني حتى يتحرك البيبي
يعني قمة المعاناة واكولهم بااب مدا احس بالم كوة يكلولي شلووون الطلق عندج صاعد لازم ولادة لو يوم لو باجر
المهم نوموني يوم كامل بالمستشفى
والمغذي مافارق ايدي ونابت باللحم
المه فظيييييع كرهت نفسي
اتوسلت بزوجي حبيبي يطلعني لان بعد ماتحمل
المهم ثاني يوم كلهم هيا ماتريد تبقى وراح اخذها للبيت ومن يصير عدها الالام
اجيبها من جديد
خصوصا انه المستشفى ماتبعد عن بيتنا هوايه
المهم وقعت عالخروج وطلعت الحمد لله
بس سولي موعد بعد اسبوع اذا ماودت يسوولي طلق صناعي لانه البيبي صار حجمه جبير
ورا اسبوع رحت على الموعد من ال8 الصبح ماما و زوجي هم ويايه الله يساعدهم
واني انتظر جان تجي واحده تكولي انتي حالتج مامستعجله
هليها باجر لان اليوم عدنا هوايه ولادات
كتلها شنووو اريد اولد خلاص داحس نفسي صرت فد مرة ثقيله ماكدر اتحرك
كالت صبرتي كل هالمدة اتحملي الباجر وعندج وقت بعد اسبوع
المهم طلعنا واني قررت كلتلهم اني ماراح ارجع للبيت الا اكمل 6 ساعات مشي
وفعلا من ال9 الصبح لغاية ال7 العصر اني دك مشي
حتى كامت تنزل مني افرازات مخلوطه بدم العفو
بس اني سكتت ماحجين
وزوجي يشتريلي تمر
طبعا ماحبه اببببببببد
بس شسوي كلولي يساعد واكلته الحمد لله
المهم ماطولها عليكم
رجعت هلكانه وجانت عندي الالام كلش قويه
لليل الساعه بال3 الفجر جان احس بضربه قويه والا نافورة مال مي
سبحتهم هههههههههه
المهم الحمد لله طك مي الراس وهاي علامه انه راح اولد خلاص
طبعا الم هم ماكو بس خااايفه
المهم بسرعه ودوني المستشفى واني امشي والمي ينزل حتى خفت لا يموت ابطني كلولي لا تخافين عندج 20 ساعه وقت
المهم جهاز التخطيط خطوني عليه وروحي امشي وتعالي وهلكد صار توسع والالم شويه شويه كام يزيد اكيد انتو تعرفوه بعد ماكو داعي اكوله
بس الكارثه انه البيبي نبضه دايقل ومرات يختفي واني فوق الالم هيج يكلون خلاص ردت اموووت
يكلولي البيبي يمكن مايعيش
كتلهم لو تعرفون تموتوني الي المهم اطلعوه
لا اكولكم ولا تكلولي من ال4 الفجر لل2 وربع الظهر اني اطلق و اتاذى وموقعه جنت على ابرة الظهر
و هما مانطونياها الا على اخر ربع ساعه حسبي الله ونعم الوكيل على الالمان
و المشكله مايكدرون كل شي يسون اذا مو دكتورتي المسءله عن ولادتي
طبعا هيا جانت سودانيه اتخببببل والله احسن منهم كلهم
كتلهم اتصلو بيها خلاص بعد ماتحمل وهما يكلون الا ولادة تمام ياله المهم جتي وجان توسع 5 ونص
اول ماشافت بالسونار كالت انتو شداتنتظرون ودوها عالعمليات الحبل السري مرتين ملفوف على ركبته مستحيل تجيب طبيعي
كل مداتدفع البنيه البيبي نبضه يقل
فعاد بنجوني و اني طلبت موضعي افضل لاني اخاف من العام
و راسا لغرفة العمليات والله لو ما هيا جان هنكوه ابطني على امل اني اجيب طبيعي لان هنا مايحبذون القيصريه
المهم اني ماهمني شي الا اشوف البيبي بالسلامه من كثر المعاناة الي شفتها
تخيلو وصل التوسع ل7 ونص
المهم طلعت البيبي وجانت لحظه ماكدر اوصفها
من خطوه على صدري والحبل السري بعده
جان خانك روحه الوكيح هههههه
اني ابجي من الفرحه وامي ويايه بالغرفه هم تبجي
وخابرت زوجي كتله اجه رامي وهو هم لاول مرة اشوفه يبجي يكولي امهم انتي
جان خايف عليا مادري ليش
المهم اني عبالي خلص الالم اتاريني جنت مبنجه و عال12 بالليل خلص البنج والمممممممم قوي اجتي السستر انطتني حبايه ريحتني نومتني لل8 الصبح
وراها هم الم عبالي تنطيني مرة لاخ كالت لا هاي بس اول مايفكج البنج كامت تنطيني مهدئات عاديه
والله الله على اول كومه من الفراش واول مشيه عبالك بطني مفتوحه مامخيطه بعدها واني اعيط فضحتهم بالمستشفى
المهم اسبوع كامل اني بالمستشفى والحمد لله كمت اسوي تمارين مشي حتى اتعود و طلعت وويايه حبيب عمري رمرم الي بشوفته نسيت كل هموم الدنيا والامها
و رحنا للبيت
و طبعا الالام العمليه مرات احس بيها للان اذا شلت شي ثقيل او سويت حركه عنيفه بالليل بالفراش واني نايمه احس بنغزات
يعني والله القيصريه شي مو سهل و مانصح اي واحده تفكر بيها ابد ابد
ماكو احسن من الطبيعي والله
المها جم ساعه وتكوم الواحدة مثل الحصان
يعني اني جربت الطلق و جربت العمليه لو ادري جان مخليتهم من الاول عمليه احسن من ما بهذلوني هيج
عموما الحمد لله والشكر على كل حال
هسه عمر رامي صار 7 شهور و ان شاء الهل اشوفه عريس
طبعا هوايه هوايه طولت عليكم حجيتلكم قصة حياتي كلها
بس اني موضوع ولادتي ماثر بيا كلش
من كثر الالم الي شفته

[H A M S A]

طبعا نفس المعانات الله ايساعدج

الله يحفضلج رامي يارب وشوفي باحسن المراكز حبيبتي

[ღ أنثے حالـمهـ ღ]

تسلمين يا عمري

[Lo0oLo]

مساء الخير اليوم حبيت اكتبلكم قصه ولاده حسوني افندي

طبعا اول شي ان وره شهرين من زواجي حبلت بس هم فرحه وهم صدمه لان مجنت اريد اسوي طفل بالوقت الحالي بس شسوي صار وهاهيه كمت اتحظر وانتظر شوكت يجي وهو جان عاصي مقل حسوني ابن ام محمد
اجه يوم خلصت شهري التاسع وماكو شي اني طكت روحي تالي ماما كالتلي اذا تردين تجيبين بسرعه شربي زيت الخروع اني هم رحت اشتريته وعبالي عادي اشو شربت شويه لعبت نفسي كلتلي خليه بالجاي شويه وشربي باليل تجيبين الصبح اني هم وره العشا ساعه 9 شربت بس طعمه يخرع ما انصحكم تشربوه وره ربع ساعه العفو صار اسهال وكمت اذب من راسي كلت هاي من لعبان النفس من طعمه اشو وره شويه طك مي الراس كمت اصيح خاله تعال لحكيني خابرت الدكتوره تكلي نامي صفح وشربي جاي مر وعلسي هيل وكلشي مفاد كام عبالك يركض كامت المغصات كل 10 دقايق وهاي شنو زوجي خطيه جان نايم امه فززته كام كمز بس يروح ويجي ميعرف شيسوي النوب صارت قريب ال11 ومنع تجول وين انطي وجهي خابرنا على 131 كالو هسه نجي وماكو ساعه اني داموت ومحد اجه تالي طلعنا اني وزوجي وخالتي بالسياره نمشي على كيفنا لحد موصلنا راس الشارع وشفنا سيطره كلنالهم كامو يفتشون السياره واني اتوسل بيهم النوب اجه رتل امريكان وهم نزلو يباوعون عليه واني اكلهم بلييييييييييييييييييس حموت وزوجي يكلي صعدي لينزل اكله ماكدر حيطلع وصلونا الامريكان لمستفر اليرموز همر كدامنا و2 ورانا النوب اني دكتورتي بالراهبات عاندت ماجيب هنا لان خوفوني من الحكوميات وابجي ما اجيب هنا وخالتي بس تريد تخلص لج نزلي اكلها اجيب بالسياره وماا اجيب هنا تالي واحد ضابط عراقي كال اني ابني اجه بالراهبات لخاطره حوصلكم وهم وصلنا الله يطيه يمشيه كدامنا واني شنو صرت جنازه ونزيف والافندي يمكن راسه طلع علما وصلنا روحي طالعه النوب الدكتوره المناوبه متقبل تستلم حالات تالي فحصتني كامت تركض كالت هذا راسه طالع وبس حطوني عالفراش مال الولاده وره عصرتين طلع الافندي ساعه 1 و5 دقايق جبته وبلشنا من اول يوم البجي والعياط وخبلني الى يومي هذا
وهاي قصه حسني افندي ههههههه

[بنت النجف 1]

الله يساعدج ام حسوني
وخلي الج ياربي

[سنوبيا]

اوي الله يساعدج وان شاء الله تجبيلة درزن اخوانة وخوات

[طيور مهاجرة]

ام حسوني الله يعينج على هل الولادة بنص الليل ويه حضر التجول وان شاء الله يفرحج بيه وتجيبيله اخوة وخوات
اوي اني مدري شبية بس اقرا قصة وحدة تجيب من يمي بطني تكوم توجعني

[Lo0oLo]

تسلمون حبيباتي الله يخليكم اي والله شلعان كلب ولحد الان متعبني هالوكح هذا

[المهندسة الكيمياوية]

ان شاء الله تحجينة قصتج ولادة النونو الثاني وتفرحين بيهم يارب

[ليـــــال]

الله يساعدج ام حسوني شلون ضروف صعبة
ربي يحفظلج حسوني

[الفراشة العراقية]

الله يساعدج ام حسوني شلون ضروف صعبة
الله يخليلج حسوني