شنو تفاصيل عملية كي المبايض؟؟؟

[غزل الروح]

السلام عليكم ورحمة الله وبركاته


سؤال شاغل بالي ومحتاره اريد اعرف شنو تفاصيل عملية كي المبايض بلناضور للتخلص من التكيس لان اريد اسويها ومتردده لان قريت بلنت انو نسبة نجاحها تقريبا 70%

واني كولش جبانه وايضا قريت انو اكو احتمال يستأصلون جزء من المبيض.

رجاء رجاء الي عدها معلومه حول هلموضوع او مسويتها تدخل وتحجيلي لان محتاره وزوجي معارض الفكره فأريد اني اقتنع حتى اكدر اقنعه

ويا ريت من الدكتوره الورده تجاوب او توضحلي فكره العمليه بلتفصييييييييييل واكون شاكره الج ولكل عضوه تنطيني رأيها.
تحياتي الكم.

[sasa2009]

والله الي اعرفة حبيبتي هو الي قريتة بموقع الطبيب نجيب ليوس وهو
http://www.layyous.com/root%20folder/halat.htm
وتقدرين اتبحثين بالموقع عليه وان شاءالله ماعندج غير العافية حبيبتي

[غزل الروح]

تسلمين يا عمري
واكيييييييييد راح ادخل على الموقع حتا اعرف تفاصيل اكثر

مشكوره على مرورج

[هديلة]

حبي غزولة ان شالله تكون عملية سهلة حسب مسامعة بس المهم مو العملية وانما الطبيبة اللي حتسوين عدها لازم تكونين واثقة منها ومطمئنة وتكون خوش طبيبة

[غزل الروح]

شكرا عيني هدوله اي صحيح اهم شي الدكتوره

[د.فراشة الليل]

حبيبتي غزل
هذي العمليه بسيطه
بالناظور يتم الوصول للمبيض واجراء عمليه تشبه الكي للقضاء على الجدار الثخين المبطن للمبيض والمحيط بالبيوض
وحالات نادره جدا يتم استئصال المبيض بها اذا كان غير ذي فائده
وفعلا مو كل طبيب ممكن يقوم بيها

[غزل الروح]

شكرا عيني دكتوره

على الرد واني راح القح صناعي والله كريم واذا مصار حمل لا قدر الله اسوي العمليه للمبيض

[د.فراشة الليل]

انشاء الله يرزقج الذريه الصالحه

[غزل الروح]

شكرا الج دكتوره على مرورج ودعواتج اليه تسلمييييييييييييين يا رب

[حبي]

انشالله يكونون البنات فادوج
ومابيج الا العافيه

[غزل الروح]

حبي تسلمين يا بعد عمري

[sara201012]

حياتي ان شاء الله تحبلين بله عملية بجاه محمد وال بيت محمد
والله يرزقنا ويرزق كل محرومة بالذرية الصالحة العافاة ياكريم

[غزل الروح]

امين يا رب العالمين الله يسمع منج حبيبتي مشكوره على مرورج العطر

[جومانة]

ما عندج غير العافية غزولة بس مثل ما كالو البنات وكالت الطبيبة اتاكدي من الطبيبة الي راح اتسوين عدها الكي