سؤال للدكتورة .. يعني شنو كيس دموي؟؟

[sweety]

مرحبا بنات :fj: مرحبا دكتورة
عفية عندي سؤال واذا امكن تساعديني
او اي وحدة عدها خبرة بهذا الموضوع
اني صارلي سنة ونص متزوجة ومصار عندي طفل
والسبب كان بالبداية من زوجي نسبته كلش ضعيفة وبدا
ياخذ دواء وبدينا نشوف تحسن
رحت داسوي فحوصات حتى اطمئن انه مابيه شي
سويت سونار عادي وملون طلع عندي كيس دموي
على المبيض، طبعا كلش انصدمت لان اول مرة اسمع بهذا المصطلح:cxxvnjklkjkjh:
رحت للطبيبة كالتلي هذا علاجه كلش مزعج يعني مو أكيد يروح بالعلاج
وما اكدر انطيج ابر لان تضعف المبايض والعملية الجراحية هم متفيد لان احتمال مينشال كله ويصير عندج التصاقات بعد العملية!!!
وانطتني كبداية PRIMOLUT N كالتلي اخذي لمدة اسبوعين
وراها رح تجيج الدورة سوي سونار وتعاليلي حتى اشوف شصار
عفية دكتورة ممكن اعرف شنو العلاج لهذه الحالة؟
واكيد الها علاقة بتاخر الحمل مو؟
واللي اعرفه انه هذا الدوا مال تنظيم الدورة شنو علاقته بحالتي وشلون ممكن يفيدني؟
:ytyty:

شكرا مقدما للدكتورة ولاي وحدة ممكن تفيدني بمعلومات عن هذا الموضوع
:retrtty:

[sweety]

يعني معقولة ماكو احد عنده معلومات عن هذا الموضوع؟

[مكارم]

حياتي موضوعك من اختصاص الدكتوره النسائيه
وهي حاليا لاتتواجد كثير بالمنتدى واتمنى تدخل وتجيبك على استفسارك
واكيد دكتورتك تعرف حالتك اكثر من اي عضوه بالمنتدى
واتمنى لك الشفاء ويرزقك بالنونو اللي تتمنيه

[Miss Perfume]

حياتي ان شالله ماعندج غير العافية وللاسف ماعندي معلومة
ينقل الى عيادة الحمل والولادة وان شالله الدكتورة ترد عليج باسرع وقت

[sweety]

تسلمولي حبايب مشكورات

[د.فراشة الليل]

حبيبتي اكيد الرد جاي متاخر بس مثل ماكالت خاله مكارم دخولي للمنتدى صاير قليل
حبيبتي فعلا الكيس الدموي ونسمي (choclate cyst)
يكون سبب من اسباب العقم وهو نتيجة خربطة الهرمونات لذلك ننطي المنظم لان ممكن يرتب الهرمونات ويساعد بالعلاج وننطي ويا دواء اخر اسمه دانازول(danazol)
ممكن يجيب نتيجه واذا ما استجاب لابد من العمليه الجراحيه واللي بيها خطر الالتصاقات
وان شاء الله متوصل لهالدرجه واضبي عالعلاج والله يرزقج كل خير ان شاء الله