دكتوره احسبيلي ضروري

[دفتر ذكريات]

السلام عليكم دكتوره شلون الصحه دكتوره اني حملت من بعد معاناة اربع سنوات قبل كم يوم حللت بالدم وطلع ايجابي بس مااعرف اني بأي اسبوع ياريت تحسبيلي اني حاليا بأي اسبوع من الحمل
علما اخر دوره كانت 14_2_2011
ودورتي تنزل كل 32 يوم
مشكوره وماتقصرين

[نناوي]

هلو حبي اسفة ع التدخل بس حبيت افيدج لحد متجاوبج الدكتورة اول شي مبروك الحمل وربي يتمملج ع الف خير ان شاء الله وتكومين بالسلامة ان شاء الله
وحبي اني دكتورتي حسبتلي اول يوم من ايام الحمل هو اول يوم من نزول اخر دورة يعني انت 14_2 اذا هو اول يوم فتحسبين من عندة 7 ايام يكون اول اسبوع وهكذا واتمنى اكون افدتج ومثقلت عليج تقبلي مروري

[دفتر ذكريات]

تسلمين حبي على المرور وعلى الرد واتمنى من الدكتوره ان تفهمني اكثر وتجاوبني بالضبط كم اسبوع حاليا

[Miss Perfume]

حبيبتي سويتلج شريط حمل ويكول انتي بالاسبوع الخامس ويوم واحد والله اعلم

http://www.ticker.7910.org/as1cJK60g410030MDAwMHwwMDA5NTEwYnxpYW0gbm93IA.gif


ربي يتمم عليج حبي والف مبروك

[Lo0oLo]

الف مبروك حبي
اني هم مثل مكالت نناوي هيج حسبولي بحملي
من اول يوم بالدوره
وان شاء الله تج الدكتوره وتفهمج اكثر

والله يرزق كل محرومه يارب

[دفتر ذكريات]

تسلمين حبي عطوره وتسلم زوجي الغالي على المرور وعلى الردود وعلى الدعوات الحلوه بس اني صار جماع ويه زوجي بس يوم 17 و18 من الدوره

[الورد]

الف مبروك الحمل

اني الدكتوره تحسبلي من اول يوم لاخر دوره

[دفتر ذكريات]

مشكوره حبي الورد على الرد بس ليش الدكتوره ماجاوبتني

[الورد]

حبي مو دائما الدكتوره متواجده خطيه اكيد مشغوله بدوامها وبيتها بس
اذا تدخل متقصر وانشاء الله ترد عليج باقرب وقت

[ايمان الاسلام]

الف الف مبروك غاليتي الله يتمم عليج حملج ويهونه عليج يارب ان شاء الله ترد عليج الدكتوره

[دفتر ذكريات]

تسلمين حبي ايمان الاسلام على ردج القيم وشكرا على الدعاء الحلو
والله يعينها الدكتوره وان شاء الله ماتتأخر على الرد

[نغمة هادئة]

حبيبتي اولا الف مبروك وان شاء الله الدكتورة تجاوبج عن قريب ويرتاح قلبج شوفي حبي اني دكتورتي حسبتلي من يوم اول يوم من الدورة وضافت 7 ايام يعني انتي اخر دورة كانت 14-2-- وذلك 14+7=21 يعني 21-2-2011 بداية حملج والله اعلم وان شاء الله بالسونار يبين اكثر

[دفتر ذكريات]

مشكوره حبي نغمه هادئه على المرور بس اني صار جماع في يوم 3 و4 من الشهر الثالث

[ياقوتة]

الف مبروك الله يتمم الفرحة ويرزق كل محرومة

[تمورة عراقية]

اول شي الف الف مبروك والله يتمم عليج ويرزق بطفل سليم ومعافة ويفرحج بيه
اني حسبتلج على حسابنة بالخارج انتي موعد ولادتج يوم 28 /11 وانتي هسة عليج 13 اسبوع و6 ايام باجر الاثنين صيرين 14 اسبوع يعني 3 اشهر ونص كل ثنين اتكملين اسبوع
احنا اهنا يحسبونة 40 اسبوع من يوم اول يوم باخر الدورة
واي شي تحتاجين ميردج غير كيبوردج
ديربالج على نفسج

[د.فراشة الليل]

حبيبتي
اني اسفه على التاخير بالرد
بس صار فتره طويله مداخله للمنتدى
حبيبتي نحسب من اخر دوره 14_2ونضيف 7 ايام
يعني موعد الولاده هو 21 _11وانت هسه 14 اسبوع و5 ايام
اما اذا متاكده بس بهذا الوقت صار جماعفيعني كل 2 بالشهر تدخلين شهر جديد يعني اليوم انت 13 اسبوع بالضبطيعني باجر اول يوم بالرابع
والسونار بهالوقت راح ينطيج حساب مضبوط

[ضوء النجوم]

حبيبتي الله يتمم حملج بخير وتكومين بالسلامة وان شاء الله الدكتورة فادتج