ما اعرف شنو هذا

[AYSHA ALI]

السلام عليكم ورحمة الله وبركاته
مشكلة بنتي هاي صارلها اكثر من سبوع طالعلها مثل حب صغير يشبه حبوب حساسية الحفاظات بس المشكلة انو مو بالمناطق الحساسة اول حولها وانما بفخذها من الاسفل بالاول كان احمر هسة الاحمرار راح بس الحساسية موجودة ودا احسها دا تنتشر اكثر مرات اكول الحفاظات بس هاي اني صارلي سنتين استخدم هاي الحفاظات وما صار هيج وياها المرة الوحيدة الي غيرتلها حفاضاتها لفترة طويلة كان قبل شهر ورجعت مرة ثانية لهذا النوع شسوي ياريت اسمع جواب واكون ممنونة

[Lo0oLo]

حبيبتي احتمال متحسسه من اكله معينه اول مره تنطيهياه لاحظي اكلها
لان ابني من انطيه بيض يصير بيه نفس الشي

شوفي يجوز بيض او موز او بيتنجان او فروله هالشغلات تسوي حساسيه
او ملابس جديده بيها بولستر او صوف
او نوع الغسيل الي غسلتي بيه ملابسها

يعني بالمختصر اكيد متحسسه من شي راجعي نفسج وشوفي شنو الجديد عليها
ووراها طلعت هالحساسيه

وان شاء الهل ماعدها الا العافيه

[Miss Perfume]

حبيبتي اكيد عدهة حساسية من شي
لو من الاكل وهو السبب المرجح
لو من مسحوق الغسيل

وان شالله ماكو شي

[ايمان الاسلام]

مثل ما كالو البنات هذا تحسس من شي وازيد بعد يمكن حتى من مبيد الحشرات اذا تستعملين فليت وهم الاندومي اذا كبيره والموز هم ولا تخافين هاي حساسيه بس وديها للدكتور افضل شي وهو يعطيج العلاج المناسب

[زيونة]

حبيبة كلبي عيوشة احجيلج بحكم خبرتي اني ام ل 4 اطفال هذا صار بنتي وماخليت طبيب ولادهن اخر شي طلع من الملابس الشتوية لان تكون صوف حاولي تلبسيهة قطنيات وتغلين ملابسهة بصابون الاطفال وما عدهة غير العافية:bhgj566:

[زيونة]

اسفة حبيبتي على الغلطة المطبعية اقصد تغسلين مو تغلين كنت ناسية حرف:cvvsvg:

[AYSHA ALI]

هلو بنات اشكركم بنات على كل النصائح والاراء بس حبيت انطيكم راي الدكتورة حتى الكل يستفيد الدكتورة تكول هاي الحالة تسمى اكزما ومن النوع العادي الي يظهر نتيجة العامل الوراثي وعادة يجي ويرح من كيفا وفي بعض الحالات يحتاج كريم خاص وعادة تظهر بعد ما يتعرض الطفل للاصابة بمرض وفعلا بنتي كان عدها انفلونزا خلال فترة ظهور الحالة ومرة ثانية تسلمولي حبايب والله بلاياكم ما اعرف شسوي

[um amro]

شكرا جزيلا لطرح