ساعدوني أرجوكم

[gadeer]

السلام عليكم حبيباتي
رجاءا اريد مساعدتكم عندي بنتي بالصف الاول توها
وجاي اعلمها الاحرف العربية وقرائتها ممكن اذا اكو وحدة
منكم تعرف برنامج على النت عربي(تكتبلي الرابط) بيه العاب ونطق الاحرف يعني فد شئ يشدها وميخليها تمل
اكيد انتو فاهمين قصدي والله تسوون علي فضل لان المشكلة بنتي بطيئة بالتعلم والنطق
ولكم مني جزيل الشكر
:065::065::065:

[ام امين]

اختي هذا الرابط ممكن يفيدك
اذا مفتح عندك الرابط
اكتبي على كوكل
بنين وبنات
وراح يطلعلج الرابط
ربنا يحمي الك بنتك


http://kids.islamweb.net/

[gadeer]

مشكورة حبيبتي على اهتمامج ماتقصرين ام أمين
بس البرنامج مابيه الحروف وكيفية نطقهن وكتابتهن
والله يحفظج وعائلتج من كل مكروه

[ام البازه]

الله يعينك اختي والله اني حاسه فيك لاني عندي نفس المشكله لاكني دخلت ولدي فصول فرديه لصعوبات التعلم قبل لا ادخله للمدرسه.........

[* بغداديــــــــــــــه*]

غدورة ليكيتي الرابط لوبعدج ههههههههههههههههههههه:33458_11226243391:

[gadeer]

هههههههههههههههه
خرب ببليسج والله ضحكتيني هههههههههههه
الله ينطيج العافية ام السوز

[zainab_2010]

غدورة احسن شي توصين عليه من العراق اكو كتاب وياه سي دي هنا يستخدمونه بالمدرسه العربيه كلش حلو ويعلم وبيه صور والالوان وان شاء الله ادورلج واشوف

[الفراشة العراقية]

اكول هذا موضوع 2008 هههههههههههههههه
يعني لي هسة بنت غدورة ماتعرف العربي

[gadeer]

طيوفة هاي ام السوز خخخخخخخخخ
ذكرتني بيه مااعرف شلون مبحوشة وشايفته وبالمناسبة طيوفة بتي صار عمرها 10 سنين ولسا متعرف عربي لان اجيت لهنا ودراستها بالانكليزي يعني طرنات بناتي الاثنين اسم الله عليج
الف شكر زنوبة ياريت خية تجيبيليا بلكت الحك على رضا واعلمه خخخ

[الفراشة العراقية]

هع غدورة شعجب انتي وزووج تحجون لازم العربي بكثرة ودائما خلي صوت القران حتى اغاني علمود تتعلم

[gadeer]

نحجي بس ميعرفون مااعرف ليش الجبيرة لابد طيوفة بس الصغيرة كلش مييييييييييييييح لذلك من اصير عصبية عليها احجي بالعربي وهي تباوعلي وتضحك ربج متفتهم لو تفتهم جان رأسا كامت تبجي

[* بغداديــــــــــــــه*]

ههههههههههههههههههههههه غدورة تحارشت بيج وطلعت القديم
حبي ترة والله صعبة عليهم يعني انكليزي دايرمدايرهم وصديقاتهم وماعرف شنو
يعني تحتاج تعب يابو تعب
اني عمتي وعمي 35 سنة بامريكا و4 بنات واسم عربي ميعرفون تكول تعبت ومليت ومفاد
بس انشالله بناتج مينسون:m44:

[تغريد البلابل]

هاي ليش هيج غدورة
اني من اجيت الكل حذرني من هذا الشي وخليت قانون بالبيت ممنوع انكليزي بالبيت حجي والي تحجي تتعاقب
غدورة دوري قصائد دينية واناشيد لان الاطفال يخاذون هذا الشي اسرع

[gadeer]

سوزي مال كتلة اي والله بحوشتي بالقديم عزة بس لا جهالي يصيرون
هم هيجي
غرودة شسوي مليت والصراحة مالي خلكهم كل عطلة اكول اعلمهم وتالي العطلة تروح واني ماكو ترة والله ماالحك وهذا الصغير بس الزم ورقة وقلم يعرس فوك راسي همزين الجبير مينسى ربج يقرأ قران
بس مشكلتي ويا بناتي واني مااحجي ولاطكة انكليزي بالبيت بس اني اكلج نص يومهم بالمدرسة والتلفزيون همين لسانهم انعوج بس بحيل الله لازم اعلمهم وياريت اللي تعرف برنامج شو شنو تكتبليا ينطيكم العافية
تعالي ام السوز اكفشج من شعرج هههه

[* بغداديــــــــــــــه*]

لاتكفشيني اليوم كصيتة هههههههه صاير خفيف شطولة جان انقهرت:aa:

[تغريد البلابل]

غدورة ادري والله حقك اني هم مدادرسهم لان ماعندي وكت ولاواهس عايفتهم بس الحجي لا وحتى الكارتون افتحلهم عربي اني جبت وياية كومة سيديات وكتب للتعليم بس مابيه حيل وجماله اثنين الصغار كلت اذا ابوهم يجي هو يلزمهم لان ابد مالي خلكهم وكلش مقصرة

[سنوبيا]

هع هع هسة بت غدورة مخطوبة ياعربي

بس لرضاوي ماكو غير قناة براعم جهالي هسة كل يحجونن فصحى المهم عربي كلش بسرعة يتعلمون من قناة براعم بس عبالك فلم رسالة بيتي كلة امي انا جائع وامي لاتقلقي وامي هناك وحل (طين) ومن هل حجي

[الفراشة العراقية]

بنات قناه طة قناه دينية ومال اطفال كولش حلو قصائد واناشيد حلوة

[gadeer]

حتى لو كاصته ام السوز هم بيج كتلة ذكرتيني بتقصيري
انشاء الله غرودة انشاء الله حبيبتي ربي يكر عينج بشوفة ابوهم ويجمعكم بالقريب العاجل بجاه محمد وال بيته
يمة سنوبيا متت ضحك على هناك وحل اوووووووووووي من فدوة لحلكهم يابراعم سنوبيا رضا اول حجاية كالها ابل تفاح بالانكليزي يعني الولد هم انعوج لسانه ومن اكلبه على العربي ميفتهمون تكولين اطرش بالزفة
اي عندي هاي القناة طيوفة موجودة بس المشكلة ميرغبولها ماحو حل الا اني اجبرهم واكعدهم ادرسهم

[(*um rose*)]

هاي مشكلتنه كلنه بس انتوا سابقون و احنه لاحقون خخخخخخخخخخخخخخ
اكيد اني هم راح تكون هاي مشكلتي ويه بتي يلهوووووووووووووووووي
اهنا بلحسينيه مسوين درس عربي و تعليم قران شوفي اكو هيج شي يمكم وديهم

[طيور مهاجرة]

غدورة احنا حجينا ويه المدرسة وطلبنا مدرس عربي يدرسهم والحمد لله هسه جهالي يعرفون يقرون ويكتبون بالعربي عدهم درسين كل اسبوع
انتي احجي ويه المدرسة بلكي يكدرون يفرون مدرس عربي اذا كان اكو عدد كافي
تدرين الام وين اله وقت تدرس وهم الجهال يكضون اكثر وكتهم بالمدرسة