اخر امل وراح بس الحمد لله

[ملاك الحزن]

بنات اليوم حبيت انقل لكم تجربتي اني هذا الشهر سويت عملية اطفال الانابيب وفشلت وهذا اخر امل بس الحمدلله على كلشي سويتها في بغداد مستشفى كمال السامرائي والعناية جيدة الحمد لله والدكتوره اسمهة سحر علي صبري وهي يمكن ملاك من رب العالمين الله يحفظها ويجازيها على كل الي اسوي ويه المراجعين واحنا سويناها بالجناح الخاص وكلفت 850 الف بس مصاريف المستشفى والباقي اشياء بسيطة واي وحده تريد تسال اي شي ادللو اني حاضره

[بنت النجف 1]

والله قهرتني لا تكطعين املج بربي العالمين
لا تكولين هيج ربج كريم
ربي يرزقج بحق الحبيب محمد
ولا يخليج تكطعين الامل

[ملكة الاناقة]

حياتي لاتقطعين الامل ابدا الامل بيد رب العالمين
جيرانة 11 سنة بلا اطفال
وكامت بس تدعي تدعي بالسجود
والله رزقها هسة 5 اطفال
واعرف وحدة صديق اختي
4 سنوات بلا اطفال
وبعدها جابت 4 اطفال توام يخبلون الله يحفظهم
واعرف وحدة 45 سنة عمرها بلا اطفال وبعد ماخلص املها وكامت بس تدعي بالسجود من قلب طاهر
الله رزقها وتدرين جنيها حفيدتها مو بنتها لان الام جبيرة وابوها عمرة 60 سنة بس الله الرزاق
ومرت جدي تزوجها جدي لان متجيب اولاد مرتة الثانية
والله رزقها 2 اطفال وهي نهائيا ميصيرلها اطفال اخذها تداريه وتهتم بيه بعد مجدتي ماتت وهسة اولادة اصغر مننا
ههههههههههههههههههه
نسميهم عمو وعمرة 2 سنة
هههههههههههههههههه
لاتكطعين الامل
املج بالله بس

[مكارم]

لاياس ان شاء الله
وربي يرزقك بدون اي عمليه لان الله هو الرزاق ذو القوت المتين
انت فقط اطلبي منه وهو ان شاء الله يستجيب لدعائك

[معلمه]

لا حبيبتي هذا مو اخر امل
اني الشهر الي فات سويت اطفال انابيب المره الثالثه وفشلت
واذا انتي بمستشفى كمال بغداد
اني اسويها بيروت بالمستشفى الامريكي واخلي دفاتر والله العظيم
والحمد لله على كل حال بعدني مافاقده الامل
وصدكيني اعيد المحاوله بس مو هسه لان بعد ماعدي فلوس ههههههههه
الله كريم حبي انتي هاي اول مره؟؟؟؟؟؟؟؟؟؟
اذا اول مره تكدرين تعيديها وانشاء الله ربي يرزقج ويرزقنا ويرزق كل محروم

[لينا 2012]

الله كريم الله ارحم الراحمين ربي يرزقج ويفرح كلبج بل ولد الصالح
اله بيه حكمه

[ملاك الحزن]

شكرا لكل البنات اني فعلا محتاجه احد يعيدلي الامل وشكرا مره تانيه لان رديتو والله يرزق كل محرومه

[أم مؤتمن]

حبيبتي لاتفقدين الامل وانتي اللي عليج سويتي والباقي على الله هوة ارحم الراحمين واهم شي حاولي تشيلين الموضوع من بالج والله الحالة النفسية كلش تأثر على هاي السوالف وأكلي أناناس من ثالث يوم الدورة إلى يوم 13 وقبل هذاكله خلي املج بالله جبير اني عندي خالات اثنين وحدة 8 سنوات وصار عدهة وهية مخلت طبيبة مراحتلهة بس بعدين عافت كلشي واتوكلت على الله وصارت كلش ملتزمة دينيا وهية ورجلهة اعتمدوا على صلاة الليل وبعدين صار عدهة وهسة حامل بالطفل الرابع والثانية هم خمس سنوات ومصار وهم جانت تراجع كمال السامرائي بس هم عافت كلشي واعتمدت على الله وكامت هواية تستغفر يومية وهسة عدهة بنيةواني هواية اوصيج بالاستغفار لان هوة مذكور بالقران((إستغفروا ربكم انه كان غفارا* يرسل السماء عليكم مدرارا*و يمددكم بأموال وبنين ويجعل لكم جنات ويجعل لكم انهارا*))سورة نوح ... ويارب يرزقج بالذرية الصالحة بحق محمد وال محمد

[زمردا]

الله يعوضج حبيبتي ويزقج الذريه صالحه

[نادين65]

السلام عليكم ورحمة الله وبركاته
عزيزتي لاتأيسين من رحمة الله الواسعه واذا اراد شئ ان يقول له كن فيكون انا ناويه اسويها واريد اراجع مستشفى كمال السامرائي انتي جربتيه شنو تنصحيني اروح اراجعهم؟ اكو اهتمام بالمراجعين لو لا؟موجودين يوم السبت لو عطله مثل باقي دوائر الدوله ياريت تفيديني لان انا بعيده واريد اجي لبغداد يوم الجمعه.تمنياتي لكي بالذريه الصالحه

[تمورة عراقية]

حبيبتي منكطع الامل ان شاء الله خلي ايمانج بالله جبير
اطلعي على الموضوع الي نزلته بقسم الحمل والولادة