كيكاتي شغل مبتدئه

[om khalid]

مقادير الكيكه الاسفنجيه

4 بيض
3 كواب طحين
ملعقة فانيلا
نص كوب زبد بحرارة الغرفه
كوب حليب
كوب ونص سكر
رشة ملح
بكنج باودر ملعقة كبيره

الطريقه
نخلط المواد الجافه الطحين والبكنج باودر والملح ونتركهم
نخفق السكر والزبد 5 دقايق او لحد ما يصير القوام كريمي
نضيف البيض بالتدريج ورا كل بيض نخلط زين يلا نضيف الثانيه
وبعدين نضيف الطحين بالتناوب مع الحليب يعني شويه حليب وشويه طحين لحد ما تخلص الكميه ونخلطهم دقيقتين ندهن قالب الشوي بزبد ونرشه بطحين ونحط حلطة الكيكه وندخلها الفرن بالوسط طبعا لازم اول ما نبلش بالكيكه نشغل الفرن على درجة حراره 200 وبس تستوي نفحصها بالخله مال الاسنان اذا طلعت نظيفه يعني استوت نخليها تبرد زين

الحشوه والتزيين
كريمة شوكولا
فواكه مجففه
اناناس
كريمة مخفوقه جاهزه
بندق
عصير اناناس نشرب بيه الكيكه علمود تصير طريه

الطريقه الاولى
شربت الكيكه بعد ما كطعتها ثلاث قطع دائريه حطيت كريمة الشوكولا وكطعت الفواكه المجففه وضفتها عليها وحطيت طبقة كيك وبعدين طبقة كريمة والاناناس المقطع وبعدين الطبقه الاخيره وزينتها بكريمه وقطع اناناس وطحنت شوية بندق ورشيته على وجها وتركتها ساعه ونص تبرد وقدمتها لضيوفي وعجبتهم

http://www.m5zn.com/uploads/2011/2/21/photo/022111160247yvx5qbebn5kxz1tx.jpg (http://games.m5zn.com/cooking_games.html)




الطريقه الثانيه
همين شربت الكيكه ودهنت القطعه الاولى بكريمة الشوكولا ورشيت البندق المطحون والطبقه الثانيه كريمة مخفوقه وبندق مطحون وزينتها بكريمة وبندق وشوكلاته

http://www.m5zn.com/uploads/2011/2/21/photo/022111160247ofkvq6x17yfv5.jpg (http://games.m5zn.com/cooking_games.html)


http://www.m5zn.com/uploads/2011/2/21/photo/022111160247i6e9jz2b01ebfk0rtm.jpg (http://games.m5zn.com/cooking_games.html)


ان شاء الله تعجبكم :ghghty::retrtty:

[* بغداديــــــــــــــه*]

عيني يامبتدئة دكولي طباخة هم قليلة بحقج
انتي فنانة حبي عاشت ايدج
كيكات ايخبلن اكوم اسوي كيكة لزوجي ذكرتيني:3333333(74):

[om khalid]

تسلمين حياتي ومشكورة عالمرور والف عافيه الكيكه مقدما

[غربة الروح]

عاشت ايدج عمري ام خلودي
هاي شنو اطردين عيون
ههههههههههه
شغل اسطه
وبالعافيه على كلوبكم

[عيوون المها]

تسلم ايديج ام خلودي وما شاء الله عليج مشتغله شغل فنانه مو مال مبتدئه

[مـيـوشـة]

عاشت الايادي عيوني بس هذا شغل متقدم مو مال مبتدئة
لا تحرمينا ابداعاتج

[البعيدة]

روعه ام خلودي
عاشت ايديكٍ

[mariam alobidi]

:bnmjh:كلش مبتدئه كلش كلش طبعا والله اذا كل هاي مبتدئه لعد اني الي اسويها شتسميه سلمت الانامل والله واحلى بوسه الخلودي والشذاوي واحلى تقيم وشكر لعيونج

[om khalid]

اووووووووي بنات والله خجلتوني بكلامكم وينه زوجي يسمعكم علمود يصدك اني فنانه ههههههههههههههههههههههه
تسلمون يا غاليات نورتوا

[زوزه]

عاشت الايادي

[om khalid]

وايديج حبي زوزه نورتي

[بنت النجف 1]

تسلم ايديج ام خلودي وما شاء الله عليج

[gadeer]

هنوب جاية يمنا تريد تضعف هو احنا نمر لمواضيعج نريد نشرد من الدايت
يخبلن حياتي عاشت ايدج وبالعافية على ضيوفج جان كلتيلي حتى اجي وياهم اباوع مااكل لاتجي ماسة والتركع يصير بفلس

[هباوووي]

عاشت ايدج ام خلوي شنو انتي يامبدعه

[om khalid]

وايديج حبي ام عبودي
غدورة عمري انتي بس تعالي واخليج تنسين الدايت هههههههههههههههههه تصدكين ما اكلت بس لكمه واني اوكل خالد اخذتلي لكمه بالختله هههههههههههههههه وايديج العايشه حياتي
تسلميلي عمري هباوي نورتي

[Miss Perfume]

عاشت ايدج ام خالد يامبتدئة يمعودة صدك تطردين عيون خخخخخخخخخخخخخ
شكر + خمس نجوم + تقييم شخصي لعيونج الحلوة
لاتحرمينا ابداعاتك

[سنوبيا]

روعةةةةةة اطيني قطعتين مو وحدة متكفيني واععععع عاشت ايدج مبدعة

[om khalid]

تسلميلي عمري عطورة مشكورة عالشكر والتقييم
سنوبيا حبي تدللين تردين اسويلج قالب وادزه بالبريد هههههههههههههه انتي قريبه عليه ههههههههههههههه نورتي حياتي

[ملكة الضل]

روعة ياروعة عاشت الايادي

[~.~ ميمو العسل ~.~]

عاشت الايادي قلب وان شاء الله اني هم اجربة يسلموا

[لافندر]

يم يم شهتينه الف عافيات
مبتدئه وهشكل لو خبره شون هههههه:044:

[om khalid]

تسلمون حبايب قلبي نورتوا

[Talla]

ماشاالله شكلهم يخبل و يشهي تسلم ايدج

[عراقية للنخاع]

عاشت ايدج عمري ام خلودي

روعه

[om khalid]

وايديكم حبايب نورتوا

[amna]

عاشت ايدج عمري

[زمردا]

عاشت الايااااااااااااادي