خلصت التاسع ومايرضه يطلع ساعدوني

[Queen 90]

السلام عليكم
حبيباتي اني خلصت التاسع وبعد ابني ماراضي يطلع وماخليت لا عسل لاتمر لامشي لاهيل لاحمام حار انصحوني شنو اسوي الممرضه تكول ننتظر اسبوعين بعد التاسع وعرضت عليه ان تفرك عنق الرحم:098:
واني بجر وماعرف شنو هاي السوالف :898789:
ولااعرف شنو اسوي
اريد خبرتكم لاتبخلون عليه بشئ الله يخليكم
تحياتي

[فضه]

شنو القصه اختي صبرتي مباقي شي انشالله سمعي كلام الدكتوره لتستعجلين
بالنسبه الي اخلص العاشر واخذ الملابس واروح للمستشفى عالمغذي اتصير عندي اطلوكه
بس كل ولاده تختلف عن ولاده والله يسهل عليج

[نناوي]

حبي الله يسهل عليج انشاء الله اني والله هم ما عندي خبرة بس اني جنت اروح ويه اختي من كانت حامل ومن تدخل بشهر التاسع تنصحهة بالمشي والعلاقة الزوجية وهذا الي اعرفه انشاء الله اكون افدتج تحياتي

[الفراشة العراقية]

ربي يسهلج حبي
ينقل مكانة مناسب

[لينا 2012]

الله يسهلج ياربي وتكون ولاده سهله بس لازم تابعين حاله الطفل اسم الله عليه اخاف يختنك بمي الراس ياربي يسهلها عليج

[Queen 90]

شكر على الردود حبيباتي
:ghghty:تحياتي:ghghty:

[فداتو روحي]

حبيبتي اني انصحج يسوولج تحفيز حتى يحفزون عنق الرحم ويتوسع وتصير عندج طلوكه ان شاء الله

ويارب تكومين بالسلامه حبيبتي

[بديل القمر]

يعني وين راح يروح
يطلع يطلع بحيل الله وقوته
بس اسطبري شوووويه

[Queen 90]

شكرأ للرد حبيباتي
ام يونس شنو يعني تحفيز؟؟؟ وشلون لان همه كالو يسون شئ بس ماعرفه شنو :098:
تحياتي

[أسيرة الروح]

عادي لتستعجلين اني صديقتي
كملت شهرها واكلت اسبوعين من شهر العاشر
وتالي جابت وطبعا هاي مصارلها هوايه قبل اسبوع تقريبا
جابت الله يسهل عليج ويكومج بالسلامه

[samar333]

حبي اني اسمهع من النسائيه اسبوعين من تدخلين التاسع مو اول ماتدخل يعني بعد الج

[Queen 90]

حبيباتي شكرأ لردودكم
اني خلصت التاسع مو هسه فتت بي
تحياتي

[سنوبيا]

عادي حبيبتي اني كملت اسبوعين من تاسع ونصيحة لاتشربين شي ولاهم يحزنون هو ينزل وعلى فكر الطفل الى يتاخر يكون ذكي

[أم نور]

مرحبا اختي العزيزة كوين

هي دائما البجرية تتأخر بس انتي صبري شوية بعد ولازم اتسوين فحص سونار اتشوفين وضع الطفل شلونه وشوفي الدكتورة شنو ادكلج أحسن لا تعوفين نفسج .. العلاقة الزوجية مفيدة


والله يسهل عليج يارب ونسمه اخبار حلوة منج

[Queen 90]

شكرا على الردود الله يعطيكم العافيه والله ماقسرتو تحياتي:222:

[ام ميرنا]

ها عيوني كوين تعالي بشرينا ولدت لا
الله يسهل عليج يارب وساعه السهله

[عطر الجنة1]

الله يسهل عليها الولادة
وعلى كل وحدة حامل
كولو اميـــــــــــــــن

[عطر الجنة1]

الله يسهل عليها الولادة
وعلى كل وحدة حامل
كولو اميـــــــــــــــن

[هديل1]

حبيتي الولادة مو سوه
أنه قبل لا أكمل شهري التاسع بسبوعين صارت عندي الولادة
وأجالي حمودي
الله يسهل عليج وعلى كل حامل
ويحفظكم

[د.فراشة الليل]

حبيبتي كوين ان شاء الله تكونين ولدتي بالسلامه
بس نكول عادي البكر تكمل التاسع وممكن اسبوعين بالعاشر يالله تصير الولاده
لان بحساباتنه النسائيه الولاده تكون من 37 اسبوع الى 42 اسبوع يعني اسبوعين فوك التاسع
بس خلال هذي الفتره من الضروري مراقبة حركة الجنين اذا قلت الحركه لايجوز الانتظار ولابد من تحفيز الحمل
وان شاء الله تكونين ولدتي بالسلامه

[Queen 90]

حبيباتي اخيرا طلع عاصي وصار اسمه اياد واني اشكر ردودكم الحلوه تحياتي:ghghty::ghghty:

[رنوة]

الف مبروك حبيبتي والف الف الف الحمد لله على السلامة وياربي يتربى بعزكم ويكون ابن بار تفتخرين بيه طوووووووول عمرج

[Queen 90]

:dnea:شكرا حيبيتي رنوه الرد الحلو:dnea:

[سنوبيا]

جيت اشوف طلع عاصي لو لا الحمد الله الف مبروك يتربى بعزكم

[د.فراشة الليل]

مبروووووووك حبيبتي
وان شاء الله يتربى بعزكم
ويكون من الابناء البارين

[Miss Perfume]

الحمد لله على سلامتج قلبي

[هديلة]

اشربي زيت الخروع موجود بالصيدليات مجرب وزين كلش وبيه نكهات مختلفة وعادي التاخير لان انتي بجر