دكتوره الله ينطيج العافيه طمنيني بنات الله ليكولها بس منو مرت بهاي الحاله اطمني

[مروشه]

السلام عليكم دكتوره
دكتوره ابني قبط 3 سنوات ودخل بالرابعه صار شهر كان عنده رشح بسيط مع كحه بسيطه وكنت انطي الفنستيل فقط بس فجأه الصبح قبل كم يوم ابني تقيأ وكلي ماما اني مريض خليت ايدي عليه حرارته طبيعيه يعني مو كلش حار بس اشو فجأه ابني انشمر بين ايدي يعني كام جسمه كله يختض وعيونه انكلبت ليفوك وتكرمين كام يذب وغف ابيض من حلكه بس مطولت الشمره بس دقيقتين اخذته للمستوصف اللي قريب عليه انطوا ابره فاليوم بالعضله وره ساعه كعد ابني وكام يحجي زين بس كسلان من الفاليوم اخذته للدكتور كال بلاعيمه كلش ملتهبه كال ودوا مستشفى وديته سوله تحاليل واشعه طلعت التحاليل والاشعه زينه من ضمنها تحليلwbcطلع8,000 وكتبوله ابر التهابات امبكلوكس ضربته 8 ابر ومراح الالتهاب مره ثانيه كتبوله كلافوران 3 ضربته او وراها شراب سيفكس بعدني ممكمله العلاج بس هم مرات تصعد حرارته 38
طولت عليج دكتوره بس اريد اعرف الشمره الحراريه خو مو تأثر على ابني هو هسه يحجي طبيعي وكلشي مابي بس خو مو بيها اعراض جانبيه بالمستقبل؟
وهم اكو احتمال تتكررالله ليكولها؟وتحليل الكريات البيض طبيعي 8,000
طمنيني دكتوره الله يوفقج
شلون اخلي الشمره متتكرر اني كلش خايفه لان منظر ابني كدامي موتني
وهل التهاب البلاعيم هو اللي خله ابني ينشمر؟
دكتوره وابني كام يكزل على رجله ماعرف شنو السبب احتمال من الشمره هل تأثر على رجله؟
طولت عليج الله يوفقج اريد بس اطمنيني

[Dr.delicate]

السلام عليكم
حبيبتي مروه الله يطمن بالج
بصورة عامه الشمرة لما تصير بعمر ابنج مضاعفاتها المستقبليه تكون جدا قليله اونادره
ومدام فحصوه الاطباء وكالولج شمرة حراريه اطمئني
بس سؤالي الج عدكم بعائلتج او عائلة والده اطفال ينشمرون لما ترتفع حرارتهم
وثاني شي لازم تجيكين لوزتين الطفل ليش هلكد ده تلتهب اتصور انتي ثاني مرة ده تكتبين عن التهاب لوزتينه
بالنسبه لطريقه حتى تمنعين الشمره هو بس تحسين طفلج مريض حتى اذا ممصخن انتي اتوماتيكيا انطيه خافض حراره الى ان يطيب يعني لاتخلين حرارتة توصل لل 38 ابدا
وعنده كل العافية

[مروشه]

اشكرج دكتوره الله يطول عمرج ويطمن بالج ان شاءالله
اي اني اخويه من جان صغير انشمر مره وحده وبعد متكررت يعني احتمال اله علاقه بهذا الشي..
واني ابني هوايه بلاعيمه تلتهب وزوجي نفس الحاله الى هسه تلتهب بلاعيمه على طول

بس دكتوره اني ابني انشمر يله ارتفعت حرارته يعني كانت الشمره مقدمه لارتفاع حرارته وهذا اللي مخوفني..
بس اريد اسالج دكتوره هم اكو احتمال تتكرر الشمره الله ليكولها؟وهم الها تأثير على سلوكه وعقله وتصرفاته بالمستقبل؟؟اني كلش اخاف اول مره اشوف ابني بهيج حاله
اذا تكررت مره ثانيه بسبب الحراره لاسامح الله الها تأثير لو لا؟ان شاءالله متتكرر


وثاني شغله دكتوره ابني من انشمر كام يكزل على رجله يعني احتمال من وره الشمره بس هو يكول متوجعني ويدوس عليها زين بس من يمشي يكزل عليها ماعرف شنو السبب؟
طمنيني الله يطمن بالج ان شاءالله

[فضه]

اختي العزيزه اني ابني هم مثلج من جان صغير يصخن صخونه قويه بعدين احس بايده بارده دون اعضاء جسمه وراهه ينشمر وتقريبا انشمر اربع مرات وراهه وديته لدكتور خليل ماشاالله بالشوصه عيادته نطاني علاج وحذرني لازم مينشمر بعد لان تضرب عالدماغ انتي خلي دائما يمج تحاميل شمره ولاسامح الله اذا انشمر بعد راسن خليه بالماء البارد جوه الدوش وماعنده غير العافيه

[مروشه]

اشكرج حبيبتي فضه هسه اودي ان شاءالله بس شلون يعني تأثر على الدماغ لاسامح الله

[فضه]

ليظل بالج اياثر عالدماغ اذا كثرت الشمرات
وبصراحه الدكتور مشرحلي معناهه بس لتخافين عليه اكثر الاطفال تصير بيهم مره
انشالله متصير بعد ولتنسين اتصدقي بنية الشفاء والله المعافي

[مروشه]

الله يطمن بالج فضه عمري ويحفظ جهالج ان شاءالله بحق محمد وال بيت محمد

[H A M S A]

مرحبا حبيبتي مروه الله بس قريت موضوعج حبيت اكتبلج لان حسيت بلي مريتي بي
اني اخويه من جان عمره 9 سنين يعني اكبر من ابنج باليل نايم يم والدي وامي حست جسمه دينفض
بنفس اللحضه شالته وسنونه كانت مطبوكه فتحتهن بكل قوتهه ونفس الي صار ببنج صار بي
هم طلع وغف من حلكه وعيونه نكلبت وماحجيلج حالت امي لون جانت سوده عليه والله هيه وابويه
ماتو بمكانهم ربي ايساعدج ويريح قلبج ياعمري
المهم حياتي هاي الحاله تكررت مره ثانيه عده واسوء من القبلهه لان اخويه وصل لمرحلة الموت بالمره
الثانيه امي مسكتت من الصبح نقلته للمستشفى واول مسوو (المفـــراز ) الدكتور بوكتهه كلهه هاذا كلش
مهم لان هوه هم مجان مريض وماعده اي حراره فانصحج حبيبتي تعملين هذا المفراز كلشي ايصير
عالاقل تطمئنين بس تطلع النتائج نضيفه طمني بالج اني اخويه سولهيا وطلعت سليمه الحمدلله
بس الدكتور كلنه يمكن جان عنده صخونه داخليه بس احنه ضلينه فتره عينه علي والحمدلله متكررت هاي
الحاله
ربي ايبرد قلبج حبيبتي ولتخافين حياتي ماعده غير العافيه
عذريني عالاطاله

[مروشه]

مشكوره عراقيه حبيبتي سلامة اخوج ان شاءالله
اني ابني صارت عنده بسبب التهاب بلاعيمه يعني صارب بسبب مو بدون سبب بس انشمر يله ارتفعت حرارته فالسبب واضح عندي بس اني خفت من الحاله اللي صار بيها لان اول مره اشوفه بهذا المنظر
وان شاءالله رب العالمين يعافي بحق محمد وال بيته
واشكرج مره ثانيه حبي