سؤال للدكتورة جزاك الله كل خير

[عيون عراقية]

السلام عليكم دكتورة
عندي سؤال بخصوص حالة بنت اختي لاحظنا انه رجلها مقوسة للخارج من تمشي مع العلم هسه عمرها سنة وسبعه اشهر الطبيب كال عدها نقص فيتامين دي وراح ينطيها جرعات منا ال 6 اشهر علما انه اختي وبنتها بالمانيا وهيه ماشا الله تمشي عادي بس ساقها مو عدله مثل سيقانه شنو رايج دكتورة العلاج ممكن ايفيدها وهل هالشي راح اياثر عليها بالمسقبل لا سامح الله وشنو تنصيحينا من ناحية العلاج والتغذية وهل الجو باللمانيا له تاثير بحالتها وهل ويه العلاج ممكن ساقها تستعدل واتصير طبيعيه لو لا ارجو الرد وله ايطمن قلبج وقلبنا ن شاء الله

[مهره المطيري]

الله يرجعهااااااااااااااا الكم

[Dr.delicate]

السلام عليكم
حبيبتي الجو بالمانيا اكيد مأثر عليها لان مده تتعرض لاشعة الشمس بصورة كافيه
بالنسبة لحالتها هي لين عظام او ما يسمى بالكساح و علاجها اولا لازم ناخذ اشعة لمفصل الرسغ حتى نتأكد من التشخيص
بعدين ننطيها ابرة فيتامين دي المقويه للعظام ولازم نعرض عظامها الطويله للشمس
يعني تلبها ملابس دافيه وتعري اطرافها السفليه
ونرجع ناخذلها اشعة وره شهر حتى نشوف الاستجابه للعلاج
اما بالنسبه للتقوس فشغلته بسيطه ان شاء الله ويقرر طريقة تعديلها طبيب كسور
حسب درجة التقوس وعلى الاكثر تكون بالتجبيس اذا التقوس شديد

[عيون عراقية]

السلام عليكم
حبيبتي الجو بالمانيا اكيد مأثر عليها لان مده تتعرض لاشعة الشمس بصورة كافيه
بالنسبة لحالتها هي لين عظام او ما يسمى بالكساح و علاجها اولا لازم ناخذ اشعة لمفصل الرسغ حتى نتأكد من التشخيص
بعدين ننطيها ابرة فيتامين دي المقويه للعظام ولازم نعرض عظامها الطويله للشمس
يعني تلبها ملابس دافيه وتعري اطرافها السفليه
ونرجع ناخذلها اشعة وره شهر حتى نشوف الاستجابه للعلاج
اما بالنسبه للتقوس فشغلته بسيطه ان شاء الله ويقرر طريقة تعديلها طبيب كسور
حسب درجة التقوس وعلى الاكثر تكون بالتجبيس اذا التقوس شديد
تسلمين دكتورة عالجواب بس حبيت اوضح شغلة حسب قول الدكتور الي عاينها ايكول انه ماعدها اعراض كساح وهو سبق واخذلها اشعه ومن الاشياء الي كالها انه احتمال تاثير الوزن بس الي اشوفه هيه مو سمينة ولا ضخمة يعني ليش عدها هالتقوس ( تقوس بمعنى من تمشي رجلها مفتوحة مو عدلة مثل مشيتنا )
وبكل الاحوال يعني اريد اعرف ان شاء الله ممكن تتحسن حالتها ومشيتها اتصير عدلة لو لا
زين دكتورة اذا تجبيس لاسامح الله اشكد ايطول المدة
وشكراا الك دكتورة تعبتج ويايه الله ينطيج العافية