مساعده حبايبي

[عيون عليا]

مرحبا حبايبي شلونجن

حبايبي اريد منجن مساعده

السؤال الاول ... اني اعرف اسوي كريمه الكيك الي بيها كاكاو بس اريد كريمه بيضه يعني ما بيها كاكاو اريد وصفة بلكت :3D_Smilies287:

والسؤال الثاني .. من اسوي الكيكة مو كلش تصير عاليه ما اعرف ليش


انتظر ردودجن الحلوة

تحياتي

[am abude]

ميه هله حبي

اسمحيلي اجاوب على سؤالج

الكريمه البيضه اكو هوايه مقادير وان شالله انتظري راح انزل كم كيكه بالكريمه البيضه

بس انطيج هاي المقادير


الكريمه الاولى

1 باكيت زبد نباتي مارغرينا
يكون نفس درجه حراره الغرفه

نص كوب حليب باودر



سكر باودر تقريبا نص كوب او حسب درجه الحلا الي ترغبيها


اول شي بالمضرب الكهربائي اخلطي الزبد الى ان يصير مثل الكريمه وضيفي عليه الحليب الباودر والشكر وظلي اخلطي الى ان يصير كريمه واستعمليها حالا لتغليف الكيك والزينه

كريمه بيضاء ثانيه



قشطه طازجه سائله مودوده بالسوبر ماركت وشويه سكر بودره ظلي اخلطيها بالخلاط الى ان تثخن واستعمليها للزينه



كريمه بيضاء ثالثه



بياض 6 بيضات


علبه قشطه عاديه سكر باودر


اخلطي البياض الى ان يصير وغف ضيفي القشطه والسكر الباودر واذا تحبين استبدلي السكر بالحليب المحلى بس اني ماافضله لان تصير كولش حلوه


وان شالله انزل موضوع خاص عن قريب بس لتغليفات الكيك





اما السؤال الثاني فيمكن لعده اسباب

اما الاكسباير مال بيكب باودر او يجوز نوعيه الطحين او الفرن او المقادير الي معتمدتها عندج مو مظبوطه عالعموم نزلت قبل فتره كيكه النستله شوفيها مقادير متقبل غلط وان شالله افدتج وميه هله

[AM RHMA]

موضوع اجه بمحله مشكورة ناز

والف شكر لام عبودي على الاجابه كفيتي ووفيتي ما شاء الله مبدعه
ما اسميج بس شيف المنتدى
تحياتي

[um maryam]

هله عيني ام عبودي وفت بالجواب على الكريمة
واني راح اجاوب ثاني سؤال اذا الكيكة مو عاليه معناه الفرن مو كلش حار لو كمية البيكن باودر قليله