سؤال عن وجع البطن عند الاطفال

[ام كرم]

السلام عليكم دكتورة بنتي عمرها عشرة سنوات دائما بطنها توجعها يامة اخذتة على دكاترة وفحوصات ايكولون مابيها شي ينطوها علاج للالتهابات ومسكنات المشكلة هي عدها شوية تشوهات بعضام الضهر يعني مقوس ليجوة اكثر من الطبيعيي ماعرف هذا السبب لو لا

[Dr.delicate]

السلام عليكم
عزيزتي بالنسبة لالم البطن عند البنات واللي بعمر بنتج اله هوايه اسباب
وممكن يكون واحد منها هذا الاختلاف بعظام الظهر بس ياريت تكليلي شنو التحاليل والفحوصات اللي مسويتها
واذا كان عدطم شقيقه بالعائلة لو لا
واوصفيلي طبيعة المها والوقت اللي يصير بيه وشنو العوامل اللي تزيده
او العوامل اللي تقلله

[ام كرم]

اشكرج دكتورة على تعاونج الف شكر اليوم مرة الخ وديتها على المستشفى اخذلها اشعة وكال فقراتها الجوة مامضبوطة وكتبلها 6فحوصات قسم طلعو وقسم يوم الاحد راح يطلعون انشاء الله اذا تسمحين وبلا ازعاج راح اكتبلج مرة االخ بس تخلص الفحوصات وبلنسبة لمرض الشقيقة امي واخوية عدهم هلمرض وعن اوقات المرض تقريبا كل شهر يوم او يومين ويكف بس اذا احد طخ بطنها اتصيح من الوجع اسفة ازعجتج الي رجعة بعد الفحوصات

[Dr.delicate]

ابد ماكو ازعاج بس اني انتظر نتائج الفحوصات