ارجو المساعدة

[رنوة]

مرحبا د.فراشة حبيبتي محتاجة مساعدتج اني دا ارضع ابني صار سنة وشهر تقريبا وهسة دا احس تغييرات كبيرة بجسمي اكبرها اسناني صارت كلش ضعيفة دتتكسر وتتثلم احس منا لما افطمة ما عندي ولا سن ........واضافري تتكسر وميطولن ابد حتى عضمي يوجعني وما بيه حيل اكوم رغم اني دا اشرب هواية حليب ومداومة على اكل البرتقال والفواكه علمود الفيتامينات اتمنى لو توصفيلي مركب او عقار يزيد نسبة الكالسيوم عندي لان مشكلة اسناني متعبتني
واشكرج مقدما:hghyui:

[Miss Perfume]

حبيبتي رنوة ماعندج غير العافية
اتصور تاخذين نفس المقوي اللي جنتي تاخذية اثناء الحمل
اللي صاير على شكل كباسيل اعتقد اسمة فيروفولك اذا ماخانتني الذاكرة
وطبعا الدكتورة اعرف بهذا الموضوع وان شالله متقصر وياج

[لؤلؤة الشرق]

حبيتي ان شاء الله ماتشوفين شر
دعواتج اليه بالذريه الصالحه الشمات كثروا وذبوحوني

[رنوة]

كل الهلا بيج عطورتي يعني اذا عالفولك اسيد تقصدين سهلة واشكرج جدا عالمساعدة ياطيبة

[رنوة]

حبيتي ان شاء الله ماتشوفين شر
دعواتج اليه بالذريه الصالحه الشمات كثروا وذبوحوني
الشر مايجيج يابعد عمري
وربج مينسى عبدة كولي الله وعوفي الشمات واليكرهون عساهم باتعس حال
ومن كل كلبي ادعيلج حبيبتي لتفكرين وتهمين على ساعة يجي الفرج

[Miss Perfume]

لا حبي مو بس فولك اسد
اذكر جان حديد مخبوط ويا تصير كباسيل بيهة دعابل الوان خخخخ
عذريني صارلي فترة طالعة وناسية الاسماء
وتدللين حبي

[رنوة]

اهاااااااااااااااااا
عرفتة بس مااعرف اسمة
مرة لخ مشكورة حياتي انتي

[eng_aso]

هلو حبو ان شالله تدخل الدكتورة وتفيدج بس انتي اتصور بهيج حالة مو محتاجة حديد محتاجة كالسيوم لانو دتكولين اسنانج واظافرج تتثلم دليل على نقص الكالسيوم اكو حبوب كالسيوم واكو فيتامينات تصير على شكل حبوب تخليها بلمي وتفور وتشربيها وان شالله تفيدج الدكتورة اكثر

[د.فراشة الليل]

السلام عليكم
حبيبتي رنوه مابيج غير العافيه
فعلا اللي ديصير عندج هو نقص كالسيوم..تحتاجين حب كالسيوم اخذي حبايه وحده بين يوم ويوم.
واكو مقوي على شكل كبسول اسمه كلوفيت(glovit capsule)كلش مفيد للمرضعات.تاخذين كبسوله وحده يوميا.
واستمري عالحليب والبيض والفواكه
وان شاء الله كل الصحه والعافيه

[رنوة]

مشكورة فراشتنا الحلوة ربي ما يحرمنا منك ومن افضالك

[رنوة]

مشكورة حبيبتي اسو تسلمين يعمري