الدوره شرفت

[لؤلؤة الشرق]

شلونكم بنات اني الحمد لله برعاية رب السماء بس اليوم شرفت الدوره ومختنكه وخصوصا هذا الشهر كنت متأمله خير لان حسيت بأعراض غريبه قبل الدوره لكن الدوره قالت كلمتها
الحمد لله بنات اني خايفه كلما تجيني الدوره يصير عندي خوف من لاسامح الله مانستمر اني وزوجي اخاف يجي يوم ويصير الطفل سبب بفراقنا انا وزوجي مع انه هو يدري اني سليمه والصراحه زوجي مايضغط عليه بهذ الموضوع بس اخاف بمرور الايام تتغير الوضعيه
والله مااعرف شأحجي يابنات الحمد لله على كل حال

[معلمه]

ياهلا وسهلا :co:
لتضوجين حبيبتي مو وحدج بهالموضوع احنه هم مثلج الله كريم لعد اني شكول الله يساعد كلبي
بس بالله عندي سؤال صار شكد متزوجه

[زمردا]

الله يرزقج يارب بالذريه صالحه يمعودا كلنا نفس شيء بس شنسوي امر الله ما نعترض عليه

[مكارم]

غاليتي
الاطفال تمام هم زينة الحياة الدنيا
ولكن هناك امور اهم لوتفكرين بها اتمنى ان لاتضعي هذا الموضوع امام عينك دائما ممكن ان تستمرين انت وزوجك في حياتكم
والرزاق هو الكريم يرزقك بما تتمنيه لكن تذكري ان ليس جميع الناس يرزقون مايتمنونه
لااريد ان اهبط معنوياتك لكن لاتجعلي هذا الموضوع سبب منغصات بينك وبين زوجك
حاولي ان تتناسيه لان الكثير من اسباب منع الحمل تكون نفسيه احيانا
وان شاء الله يرزقك ماتتمنيه وبد الواحد سته

[هنودي]

حبي تره الحاله النفسيه اله دور كبير في تاخر الحمل توكلي على الله هو الرزاق عسى ان تكرهو شئ وهو خير لكم وعسى ان تحبو شئ وهو شر لكم والله يعلم وانتم لاتعلمون حبي الله مقسم الارزاق انشاء الله شهر الجاي تحملين الله يساعدني لعد صارلي 3 سنين وكل شهر اكول اني حامل الحمد لله انشاء الله تفرج

[farah farah]

اني هم البارحة شرفت الدورة وما اعرف شسوي الكل يريد بنظراتة ياكلني ان كان زوجي او اهله يحسبولي يوم يوم وصارلي 4 سنين متزوجة والمرة الوحيدة اللي حملت بيهة كنت مطلعة الموظوع تماما من دماغي لان كان عدنة مشكلة كبييييييييرة فنسيت بذاك الشهر فكرة الحمل وبالفعل حملت لكن رب العالمين ما اراد للحمل ان يكمل

ربي لاتذرني فردا وانت خير الوارثين
انشاء الله نصير امهات ومننحرم من كلمة ماما
هههه
ونكوم نبد حفاضاتهم وتلعب نفسنة هههههههههههههه
توكلي على الله ماعدنة غيرة

[لؤلؤة الشرق]

اختي المعلمه وهنودي اني صارلي 3 سنوات متزوجه وماكو نونو
واختيfarah احنا حاليا هم كاعدين نغير حفاضات ههههههههههههههههه
حفاضات الدوره وتلعب نفسنه
صح لو لا
والله تطلع روحي لما تنزل الدوره

[ملاك الحزن]

حبيبتي عادي هسه تتعودين بس خلي املج بالله وانشاءالله يصير عندج اني جنت بالبدايه ابجي وانهار بس هسه صار عادي وصارلي هسه 3سنوات الله يرزق الكل يارب