شاركينا باسباب عدم حملك

[هنودي]

شاركينا باسباب عدم حملك

السلام عليكم ورحمة الله

حبيباتي واخواتي حبيت اعمل موضوع نتجمع فيه حتى نعرف شنو الاسباب الي تعيق حملنا

وطبعا الغرض من ذلك مساعدة بعضنا البعض.

يا اختي احجيناعن مشكلتك او مشكلة زوجك وان شاء الله الي عندهم المعرفه او سبق والله من عليهم بالشفاء

نستفيد منهم والله يرزقنا جميعا بالذريه الصالحه

انا مشكلتي ضعف في التبويض وعدم انتظام الدوره وحللت وطلع عندي تكيس الحمدولله

[معلمه]

عيوني هنودي اني راح اكون اول وحده تشاركج بالموضوع
السبب اكو غيره التتتتتتتتتتكيس الله لاينطي

[هنودي]

حبيبتي انشاء الله يرزقك الذريه الصالحه ورزقنا جميعا بس حاولي تكثرين من الاستغفار وقراءه سوره البقره وصلاه اليل وانشاء الله تفرج علينه وعليج

[هنودي]

ياودود ياودود ياودود
ياذا العرش المجيد يامبدئ يامعيد يافعالا لما يريد
أسألك بنور وجهك الذي ملئ أركان عرشك
وأسألك بقدرتك التي قدرت بها على جميع خلقك
و أسألك برحمتك التي وسعت كل شيء لا إله إلا أنت
اللهم أرزقني وأرزق اخواتي الحمل السليم المعافاة الثابت
التااام 9 اشهر هذا الشهر
يامغيث أغثنا يامغيث أغثنا يامغيث أغثنا

[معلمه]

تدرين هنودي شكد صعب على المحرومه 7 سنوات ماعده اطفال ولمن يصير وتحمل بطفل وتنتظر شهر بعد شهر
وتوصل للشهر الخامس وتفقده اتخلي وهيه تباوع عليه وهو نزل عايش والله العظيم جلده بعده شفاف شفت دكات قلبه وبقه 6 ساعات بالحاضنه وابوه مكابله ويبجي تخيلي هذا الموقف شوفي شيصير بالواحد

[farah farah]

صارلي اربع سنين متزوجة وسبب تاخر حملي كان التككككككككككككككيس وقبل 6 اشهر صار حمل لكن طلع الطفل بدون نبض فاجرولي كورتاج وللان حمل ماكو وحالتي النفسية جدا تعبانة وبعد العملية انصدمت لان عرفت كانو توااااام للاسف
الحمد لله على كل حال

[معلمه]

حبيبتي الله يعوض عليج انشاء الله ويعوضنا ويأجرنا على مصيبتنا
مصيبه الي يروح منه طفل اصعب من الي ماصار عنده اصلا

[huda_fm12]

السلام عليكم
شنو رايكم بحالتي اني متزوجه صارلي سنتين من ارمل وعندة خمس اولاد وماصار عندي حمل والسبب من زوجي نسبته عشرة وضعف بالحيامن وراجع اكثر من طبيب وبقت حالته نفسها .
ومااعرف شاسوي احس كلش تعابنه

[هنودي]

اللهم اجرني في مصيبتي واخلفني خير منها