كـل مشكـله ولهااا حل بسيط

[بديل القمر]

http://xs113.xs.to/xs113/07134/besmalla1vg5.gif


http://ameeralqwafy.jeeran.com/ameer/angel1div2.gif (http://ameeralqwafy.jeeran.com/ameer/angel1div2.gif)







السلام

اني اليوم عندي لكـم رأي


كـل وحده عندهااااا مشكـله في بيتهااااا
تتطرح المشكـله حتى لو جانت صغيره

وهنااا نحاول نحلهاااا
يعني مو سااااعات الشي بسيط وحله بسيط
وتضلين شقد تنتضرين الرجال من يفضااا يودي الغساله للتصليح
واخر شي يطلع بس وايد طالع من البلااااااكـ

او بالوعه مسدوده وهم تعاي نشوف الهااا حل سوااا
او طرمبااا خربانهاو
او

http://cutie80.jeeran.com/ccbear13[1].gif



او

http://cutie80.jeeran.com/ccbear13[1].gif



او


http://cutie80.jeeran.com/ccbear13[1].gif



http://q8world.net/group/pic/other2/other-pic/baby.jpg

http://ameeralqwafy.jeeran.com/ameer/angel1div2.gif (http://ameeralqwafy.jeeran.com/ameer/angel1div2.gif)





والبيت ماتخلص شغلاته

فخلونا نحاول نحلهاااا بعرضهااا هنا
اي وحده تجاوووب مو شرط الي طرحت الموضوع

http://ameeralqwafy.jeeran.com/ameer/angel1div2.gif (http://ameeralqwafy.jeeran.com/ameer/angel1div2.gif)

[لولــــه]

مشكوره بديل على الفكره الحلوه


اني مشكلتي بنتي تباوع تلفزيون هوايه و ما تمل اريد ابطله من التلفزيون مدا اعرف شلون
اطلعه يوميه العصر للحديقه للبحر بس شكد ساعه ساعتين و بعدين من نرجع راسه تفتح التلفزيون

[بديل القمر]

ولج ياقمر منوررررر
اني اقصد البيت مو الجهاااال
وهذول مالهم حل هيج الله خالقهم خخخخخخخخخخخخخ

انتي افصليه من القابس وقبل لا تفصليه اتفقي وياهااااا على البرامج الي تفضل تشوفهاا
يعني حددي ثنين لو ثلاثه
وقوليلهااا اذا ماشغلتي نفسج بشي ثاني راح افصله ونفذي هذا الش مره مرتين البنيه راح ترضخ بالنهااايه
بس لا تطين اوامر بدون ماتطين حلول واهم شي لااازم تتحاورين وياااها وهم زززين البنات لينات مو مثل الاولاد روس يابسه
يعني اذا شفتيهاا خلص البرنامج المتفق عليه تشوفه اطيهاا اقلام والوان وخليهااتتفنن
يعني قليلها اريدج ترسمين اسمج بغير طريقه خليهاااا تشغل مخهااا شلون غير طريقه وهيج راح اطووول ماتخلص بسع وتاخذ وقت اطووول بشي يفيدهاا



وهم زززين اني مو بنتج جان بجيت للصبح خخخخخخخخخخخخ

نوره موضوعي لوله

[r0r0 aLwarDa]

الصوره رهيبه ههههههههههههههههه

عندي هواي مشاكل


لي عوده

[اصالة الشرق]

شلونج بديل ام الابداعات
الله يبعدنه عن المشاكل اولا
ثانيا صورة البيت عبالك اعرفها ومو غريبة عليه لان اغلبية البيوت هنا هذا شكلها


بديل موضوعج حلو بس اني ما عندي مشكلة محددة بالبيت والحمد لله بس اعاني من الملل لان حياتنه روتينة

وكل يوم على نفس المنوال:11_2_104[1]:

صدك شنو موضوعج على اثاث البيت الخربان والكهربائيا اي اسكتي وخليها هسه راد يخرب الكومبيوتر مالتنه وردت انجلط بس الحمد لله ابو احمد كدر يصلحه
وكنتور الجهال انكسر المجر مالته شكد ميلعبون بيه شنو رايج ندكدكه بالبسامير لو نشتري غيره:sfsfsf:

[بديل القمر]

شبيج اصاله اذا وقع الجمل تززززيد سجاجينه يعني هسااا بس المجر باجر ماتشوفينه الا وصار قطعه قطعه

وليش ماتحاولين تصلحينه

هسا اذا هواا ابو الزق ومساميره خشب وخري الزق القديم وحطي جديد ولزقيه وخليه يوم واحد بدون ماتستعملونه وبهيج حليتيها


او اذا جان ابو البراغي الثابته يعني الي ادوريهااا يدور برغي داخل مدووور هذا ابسط شي جيبي المفل وربطي البرغي زززين


واذا جان من النوعيه المسامير اي بعد احسن وخري المسامير القديمه وحطي مسامير جديده وغيري محلهم يعني مو بنفس محل القديم تحطين الجديد


وردي عليه قليلي شسوووووتي

[بحر الشوق]

شلونك بدول اني مشكاكلي هوايه بلبيت ودائما احاول اصلح العطلات لان بيت اهل زوجي من الطراز القديم وما يقبلون يغيرون الغراض معتزين بيها خخخخخخخخخ المهم اني عندي مشكله بلكوانتر الي بلمطبخ بي اثار حامض ورواسب قديمه حاولت انظفها بس ما فاد وقنعت نفسي اني لا يصلح العطار ما افسده الدهر خخخخخخخخخ عندك حل اله وهو من الالمنيوم فقط

[نور القمر]

شلونج بديل هاي شنو صدك لاسلام ولاكلام عيني ليش خايفه اني والله مااعرفج دا اشاقه وياج المهم اني هم عندي مشكله الغساله جديده مصار لها سنه وتهرب مي وكلت للرجال هاي صار لي جم يوم بس هو مشغول وكل يوم عاليوم واني خابرتهم كلت خل افضها بس هم ماكو فايده كالولي بعد اسبوع دي يلا حليلي هالمشكله وشكرا بديل على الموضوع الحلو بس نريد حلول

[بديل القمر]

شلونج بديل هاي شنو صدك لاسلام ولاكلام عيني ليش خايفه اني والله مااعرفج دا اشاقه وياج المهم اني هم عندي مشكله الغساله جديده مصار لها سنه وتهرب مي وكلت للرجال هاي صار لي جم يوم بس هو مشغول وكل يوم عاليوم واني خابرتهم كلت خل افضها بس هم ماكو فايده كالولي بعد اسبوع دي يلا حليلي هالمشكله وشكرا بديل على الموضوع الحلو بس نريد حلول ,g




اهلين نواره تعاي خلي ابووووسج يمه زعلانه علي وراح تفضحني خخخخخخخخخخخخ

منو خايف يابنتي اني مااسوي شي الا واحجي بيه الله هيج خالقني يعني اول شي اضمه حدي يوم واحد من باجر احجيه
وليش اخاااف شمسووويه اني قابل صغنونه ويخافون علي




واماااا غسالتج تهرب ماي فمحلووووله بس شقد تتطيني خخخخخخخخخخ



نواااره عندج بالزاويه من داخل مقسم افقي اي حاولي فتحه وهوااا سهل يرجه بعدين بس اشويش مع مطخ

اي هذا اذا فتحتيه تلاقين الصونده صبر قصدي الهوز خخخخخخخخخخ الهوز الي يتحركـ بتحريكـ القرص الي فوق

عود هوا معلق شوي تلاقينهااا خيوط لو شعر لو شوفي شنو لازم الصونده ماتصكـ زززين
نضفيه وحركـيه على فوق وتحت

ورجعي كـلشي ابمكـانه


وجربي

وردي عليه اذا مانفعت لو نفعت:3D_Smilies198:

[بديل القمر]

شلونك بدول اني مشكاكلي هوايه بلبيت ودائما احاول اصلح العطلات لان بيت اهل زوجي من الطراز القديم وما يقبلون يغيرون الغراض معتزين بيها خخخخخخخخخ المهم اني عندي مشكله بلكوانتر الي بلمطبخ بي اثار حامض ورواسب قديمه حاولت انظفها بس ما فاد وقنعت نفسي اني لا يصلح العطار ما افسده الدهر خخخخخخخخخ عندك حل اله وهو من الالمنيوم فقط




ولج ام هجووووور ماعدج صابون سليت اي هذااااا يابه ارغيه وينفع العطار ماافسده الدهر خخخخ

هاي ذكـرتيني بيوم جيت لبيت ززوجي خخخخخخخخخخخخ
جانو ذابين اجهزززه خربانه غساله وتلفزززيون ومكـنسه ورا البيت

فتحت الغساله قلت شبيهاااا قالو مايطلع الماي منهاااا تارس النشافه

قمت طليت بالنشافه وجبت تيل ودخلته لقيت جواريب سحبتهن ومشا الماي
والمكـنسه البلاكـ مالهاااا محترق وفالت واير قصيته واعدت تركـيبه واشتغلت


هنوب صنفووو عليه خوش عروووس
شفتي بالله شلون ناس ماتستحي

[um maryam]

موضوع حلو وماكو بيت من دون مشاكل بس خلي اشوف وراجعتلكم

[بديل القمر]

يالله بنات شنووو حليتوهااا لو لااا
جربتو لو لا

:sfsfsf:


يالله مو شرط اني الي احل انتو اذا عدجن خبره قولوهااا يجوز تفيد ناس مايعرفوهاااا

[اصالة الشرق]

مشكووووووووووووورة بديل على الحل المريح اني هم رحت دكدكت المجر بالبسامير
وقررت اشتري جديد بالمستقبل

[بديل القمر]

شفتي اصاله الحل جان بيدج

بس شغلتيه طلع الجديد بالمستقبل


اي جمعيهم للفلوس على مود تحطين شي عليه القيمه
ولا تستعجلين بالمشترااا وخاصه الاثاث

[ام ماهر]

مشكورة بديل على الموضوع فعلا حلو ومفيد


اني شغلات البيت كلها اني اسويها حتة من جنت عند اهلي يسموني
ام المهمات الصعبة ودائما اسوي حل منطقي للاشياء ومن تزوجت نفس الشي
لان الرجال اذا تردين منة شغلة سنة يالله يسويها فهو هسة هم عرفني واعتمد
علية والله حتة اتعجب على المعلومات الي عندي لان دائما جنت اسال ومن
احد يصلح كدامي فد شي اكعد اباوع عليه شلون سواه المهم قبل فترة صار عدنا عفن
بالحيطان مال البيت لان المدينة مالتنا مطلة على بحر الشمال لذالك عدنا نسبة
الرطوبة كلش عالي و فالبيت ينرادلة مرتين تهوية كاملة للتخلص من الرطوبة
المهم من طلع العفن اتصلنا بشركة السكن واجوي نظفوه و العمال خلو التخم
بنص الهول وكالوا خلوا الصبغ ينشف يالله ترجعون التخم المهم بقى اسبوع بنص
الهول بحيث لساني كام يدندلل خخخخخخخخخخخخخخخ من كد
ما اكلة رجعة بمكانة
وهو كلش ثقيل بس النهار كلة الح عليه ورضخ لللامر الواقع واني
حاولت اكثر من مرة رجعة بس عجزت واخيرا رجع التخم بمكانة

[بديل القمر]

انزين ام مهووري نريد خبرااتج ياقلبي

هناااا الي ماتعرفينه سئلي عليه والي تعرفينه قوليه


مو احسن مانضل ننتضرهم بس الحق بي رجال ايدهم ببيوتهم
ماشاء الله
ابوي رجال جبير وليهساااا مايجيب العمال الا اذا يئس من التصليح بيده
وفن شي يخلص من البيت على طوووول يروح يجيبه ماينتضر تفضااا الثلاجه يااالله بشلعان القلب يمليهااا لا والله
الله يخليه ويطول لي بعمره وهساااا ابنائه تربو على الاعتماااد عليه مايسوون شي ابد حتى الي بغير بيت
يقول لابوي هذا الشي خربان ابوي يرووح يجيب العامل ويصلحه
واذا قلنالهم خلص اعتمدو على انفستم قالو هوااا مخربناااهوااا الي ماعودناااا



يالله هساااا اني اريد اعرف اتصلحت الغساله مالت نور البنيه راحت وقالت عدووولي

[بديل القمر]

:3D_Smilies198:ولج نور القمر شنوو وين صرتي الغساله انحلت عقدتهاااا لو صحتي على شرتتها:3D_Smilies198:

[مكارم]

هلو بدول
منوره حياتي
شوفي عيوني
اني اكلج بالمختصر
كل شغلات البيت الصغيرة من تصليح ودق ستائر وصبغ الخ
انا اعملهم
لان الباشا كان مدلل عند اهله
وان متعلمه من الوالد الله يرحمه اعمل معظم الاشياء بايدي ولما تصدف شغله عويصة ومهمه للبيت يروح يجيب العامل بسرعه:7_5_127[1]:
اما اذا كانت الشغله غير ذات اهميه فما يتزحزح لو منو يجي :092:
وانت شوفي باشا تمام

[um maryam]

يله بديل جبتلج مشاكلي تعالي حليهم خخخخخخخخ

اولا اريد فده شى يروح الصبغات مالة الجاي من المواعين والكلاصات اني كلولي عده شغلات بس هم اريد اسمع خبراتج

وثانيا فده شى يروح الصبغات من الملابس تدرين هسه هالفترة الجهال من تاكل تسوي صبغه بالهدوم

ثالثا اذا عندج ملابس زياده وين وشلون تخزنيه

رابعا شلون اروح الصبغات من الكاربت

والباقي بعدين :3D_Smilies185:

[بديل القمر]

هلو بدول
منوره حياتي
شوفي عيوني
اني اكلج بالمختصر
كل شغلات البيت الصغيرة من تصليح ودق ستائر وصبغ الخ
انا اعملهم
لان الباشا كان مدلل عند اهله
وان متعلمه من الوالد الله يرحمه اعمل معظم الاشياء بايدي ولما تصدف شغله عويصة ومهمه للبيت يروح يجيب العامل بسرعه:7_5_127[1]:
اما اذا كانت الشغله غير ذات اهميه فما يتزحزح لو منو يجي :092:
وانت شوفي باشا تمام



منوره خاله


مو لو تصدقين اني من اصلح شي شيقووولون عليه تربااايه عراقيه اي شعبالج اعتماد على النفس

م

[بديل القمر]

اولا اريد فده شى يروح الصبغات مالة الجاي من المواعين والكلاصات اني كلولي عده شغلات بس هم اريد اسمع خبراتج
شنووو جايه دفععع اي هيج سوي شغلج بنفسج اقلج المواعين ذبيهم وجيبي غيرررهم
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخ

اقلج تعرفين الكـلور ركـس اي حطي شوي منه وماي دافي ونقعيهم خمس دقايق وتعاي غسليهم بسهوووله
بس لاتنسين تلبسي جوانتي جفوف لان ريحه الغسيل تعلق بالايد


وهندج طريقه ثانيه هيااا اليمون هم تمام استعمالع بس الطريقه الاولا اسهل

هاي خبراتي
وماادري اذا عند خواتي الي جاااين يقرون خبره ثانيه خلي يفيدوناااا ولهم بوسه

[بديل القمر]

"]وثانيا فده شى يروح الصبغات من الملابس تدرين هسه هالفترة الجهال من تاكل تسوي صبغه بالهدوم


اقلج الصبغات قبل الغسل سهله بس بعد الغسل خلص راح الفوت

شوفي اذا جانت بقعه مرق دسم المرق فهاي حطي عليهااا بودره اطفال وخليهااا شوي على مود البودره تسحب الدسم الي يسبب البقع


واذا جان حبر من الاقلام فاني جربت معجون الاسنان ونفع وياي

بس هاي قبل الغسل


مع هاي تقدرين اذا قسلتي البقعه اغسليهاا بصابون اليد الي تغسلين ايديج بيهااا


جربي بس غسليهاا البقعه بيدج قبل لا تحطينهاا بالغساله

[/COLOR]

[بديل القمر]

ثالثا اذا عندج ملابس زياده وين وشلون تخزنيه


اقلج اني احجي عن نفسي لانج سئلتي عن الملابس الزااايده عندي احطهااا بكـرتونه واوديهااا للمسجد وهماا يودونهااا للمحتاجين

واذا عندي ملابس اريدهاااا فاحطهااا بشنط جبيره ووووفوق بالدور الثالث والبيت جبير مو عجزززان عن شنطه

شفتي سوالج هذااا لازم تسئلينه لغيري خخخخخخخخخخ

بس ندوش نزلتلج طريقه تخزززين زززينه شنو ماشفتيهااا

[بديل القمر]

ام مريوممم انتضر الاسئله الثانيه بس بعد تجربه الحلول هاي هاااااا عاد رجعي قولي شصاااار وياج

[um maryam]

بديل تسلمين على الاجابه وان شاء الله من اجرب اكولج
بس مرديتي على السؤال الرابع
وبالنسبة للهدوم الزايده اني شفت رد نداوي بس ردت هم معلومات زياده
وبالنسبة للمواعين ان شاء الله اجربه قريبا
والبقع اني مرات اغسله بايدي بالصابون
تسلمين بديل مره ثانية وجانت ببالي غير اسئلة بس هسه مجاي اركز بعدين من اتذكر :3D_Smilies298:

[اصالة الشرق]

شلونكم ورشة التصليح والتعمير

ام مريم عدها اسئلة هوااااااااااااااي خلي اجاوبها

الملابس الزايدة اني اغسلها واكويها واصفطها بكارتون واسده كلش زين واخليه بالمخزن لوكت الحاجة واذا ما احتاجهن طبعا اوديهن لحاويات الملابس التابعة للصليب الاحمر


السواد مالت الجاي بالقوري لو المواعين اني هم اخلط مي وقاصر وانكعهم فد ربع ساعة يصيرن يلمعن


البقع مالت الملابس هم انقع الملابس بالمي والقاصر او تستعملين فانش بعد احسن من القاصر

[بديل القمر]

ولج رديت وقلتلج اطلعهن للفراء لو احطهن بجناااط واصعدهن بالمخزززن فوق


بس بالنسبه الج الحل الي اعطتج ندوووش جان ززززين

[مكارم]

هلو حبايب
ممكن اضيف اجابه
راح يدوخن الحلوات
بالنسبه اقوري الشاي اذا كان من الالمنيوم انا استعمل
الصودا اغليها مع الماء في القوري لمدة قصيرة وبعدين اغسله بالصابون الخاص

[um maryam]

اصالة وخالة مكارم مشكورين على النصائح

وطبعا الشكر ايضا لبديل بس بديل هم مجاوبتي على سؤالي الرابع مو سالت اذا عندج بقع على الكاربت شتسوين
:11_2_104[1]:

[ورد الجوري]

حلو الموضوع عندي كم شغلة مااعرف شنو حله

اولا عندي رطوبة بالبيت يعني الماء يتكثف ويصير ع الشبابيك مع انوا اهوي البيت


شلون انظف الحمامات اذا ماعندي مجاري ,عندي مكناسة لشفط الماء بس منزعجة اكو حل ثاني (شوف الدلال :3D_Smilies198:)


هاي حاليا بعد مااعرف شيطلع غيرة :065:

[اصالة الشرق]

ام يعقوب...... مشكلة الرطوبه هنا سببها يرجع اول شي لنوعية الجام اكو انواع من البيوت جام الشبابيك دبل يصير ولهذا
السبب متتولد رطوبة بالشبابيك واذا شبابيك بيتكم مو من هذا النوع لازم كل يوم تهوين بيتج فد ساعتين باليوم وامسحي الرطزبة بقطعة قماش

وبالنسبة للحمام هنا كل البيوت مابيها بالوعة بالحمام اول شي تكنسين حمامج بالمكناسة العادية وبعدين تمسحيه
بالمي والمنظفات ويصير حمامج يلمع

[بديل القمر]

يعني يام يعقوووب بحياتي ماسامعه حمام مابيه مجاري
سامحيني اني قلت ان هذا الموضوع مو بس الي ليش لان مثل هيج مااعرف شلون شقق الي بالخارج


اما الرطوووبه فهم اسفه لان هذا هم مااعرفه لان جونااا جفاف يشقق الجلد

[بديل القمر]

وهم زززين هنااا ردت عليج اصاله ماقصرتي اصاله

اي يعني معقوله انزززين المي الي تسبحون بيه وين يروووح فهموني يابه مو داخله براسي

[بديل القمر]

ام مريم



تعاي فهميني شنو التاربت

ولج اليوم ياانااا غبيه يا انتوو جاي تحجوون هندي

اذا تقصدين الكـبيت مال المطبخ عليه بقع هاي دااامره البيت دماااار خخخخخخخخخخخخخخخخ

ولج اشتغلي بالكـلور لو اليمون

[ام علاوي الوكح]

مشاكل مشاكل مشاكل
اولا
الغسالة تنزال المي ب المجفف وهي تشتغل الكي المي صعد ب المجفف
ثانيا
الطباخ مليان دهن كل ما مسح ميروح الدهن
اتمنى اشتري الجهاز الي يذيب الدهون ب البخار بس شوية غالي 150 دولار وهسة داء اجمع حتى اشتري
ثالثا
بعدين اكمل الجهال هاجوا

[اصالة الشرق]

هههههههههههههههههه بدوله نزول على سوالفج هنا نسبح بالبانيو لو جوى الدوش اسمه( دوش روم) وبيه باب سحب

بعدين اصورلج حمامتنه واتخيله شلون

وبالنسبة للكاربت يعني موكيت واذا ماعرفتي شنو موكيت اوضحلج الفرش المفروش على الارضية ويكون لاصق بيها ومتكدرين اتغسليه
واكولها لام مريم اكو منظفات خاصة بالاسواق حتى تشيلين بيها البقع




وبالنسبة لام علاوي لازم اتجيبين مصلح غسالات لان يمكن اكو انبوب مسدود وانتظري راي صاحبة الورشه بديل القمرررررررررر

وطباخج نظفيه بالمي الحار والتايت واذا ما نفع اكو مسحوق اسمه (جف) بلكت اكو بالعراق هسه وتطلع دعاياته على دبي

[اصالة الشرق]

هذا شكل الدوش عدنه بديل واضافة الى اكو بانيو حمام بيتي البانيو الدوش موجودات واحد بصف الثاني يصيرن

http://www.ostsee-barendorf-seestern.de/h/img/FeWo-Bad.jpg

وهاي اثاث للحمام

http://www.bader.de/product_images/soyuzimages/05FK/05FK00622040142292_s_j42.jpg

[بديل القمر]

ولج يا اصاله مفتهمته بس المي وين يروح مو للمجاري اي ليش الحمام ماتغسلونهااا ابماي

[بديل القمر]

ام علا وي


شوفي حبيبتي ليش الماي يصعد على النشافه لان الصونده الي اطلع المي مسدوده ويرادلهااا تسليكـ

فضي نفسج يوم بس خليج للغساله وقرري مع نفسج انج راح تصلحيهاااا

جيبي فرد تيل شي دخليه داخل الصونده ودخلي مي قوي وحااااولي الى ان تنفتح

جربي وتعاااي قوليلي شصار



والدهن الي على الطباخ

هذا عصري عليه ليمون وماي حار وخليه شوي الى ان يدفا المي بعدهاااا عدج السيم مال الماعين وحيل بيه

هذا اذا ماعدج منضفات لان هسااا طلعت المنضفات تحل المشاكـ ل وترجع الطباخ جديد

واحسن شي عندي اف بام هذااا فعال وقوي

[بديل القمر]

اقلج الموكـيت فهمته شنووو قشم احنااا بس والله الكـاربت اول مره اسمع بيهااااا
ديالله منكـم نستفيد



اقلج البقعه حطي عليهااا سفن اب خخخخخخخخخ اي ادري راح تموتين ضحكـ بس هاي هياااااا

واذا الون للمكـيت متغير كـله حطي ديتول وخففيه بالمي وادعكـي بالموكـيت

[بديل القمر]

هااا ولجن اذا جربتووهاااا اي رجعووو قولو اتصلحت لو لا مو تخلوني اقول هذول وين راحووو

[اصالة الشرق]

ولج يا اصاله مفتهمته بس المي وين يروح مو للمجاري اي ليش الحمام ماتغسلونهااا ابماي

هم رجعنه لسالفة الحمام هههههههه بدوله حماماتنه مابيها بلوعه بالكاع على الكاشي تصريف المي بس بالبانيو والدوش والكاع تبقى ناشفة دائما حتى الحمام نفرشه بفرشات خاصة والله يعجبج شكل الحمام هنا مثل الغرفة مسويه كاونترات وفرش على الكاع وممنوع سكب المياه على الارض لان ماكو بلووعة هههههههه

موضوعج كلش حلو بديل اني اجي حتى افيد واستفيد منكم

[ورد الجوري]

بدلوة والله ضحكتيني تعرفين ردت اكول بلوعة ونسيت اسمه :3D_Smilies185: كلت مجاري
فعلا هنا مكاو بلوعة بالارض بس بالبانيو والمغسلة والعفو (التوواليت )

مشكورة هو موضوعج وكلت بلكي تلكيلي حل


اصالة الف شكرا للاجابة

الشبابيك دبل زجاج وهم يتكثف واسوي مثل مكلتي امسح الشبابيك كمرة باليوم واهوي بس كلت بلكي اكو غير طريقة


والحمام اني ممفروش ولا راح افرشة بس ممكن اغسله واشفط المي بالمكناسة وارد اذبه بالتواليت واغسل المكناسة يعني شغل مريتن او مرات اسمحة مسح :3D_Smilies185:
بس كلت بلكي عندكم طرق اسهل اظاهر هاي معاناة الكل هنا

بدولة ارجع اكلج مشكورة لان موضوعج مهم

ام علاوي اعتقد حل اللليمون والماء الدافي يجوز ينفع او تايت مو سائل ومي دافي هم يجوز ينفع

[لوبي]

ولكم شنو هل الموضوع الحلو عاشت ايد صاحبه الي اسسه
وين جان غافله عنه خخخخخخخخخخ
راح اقيمه واثبته ولنا عوده
بسيطه اعلمكم من شوكت هنا واني ماادري طلع هذا سوالفه اضبط من الملف خخخخخخخخخخخ

بديل الف مبروك الاشراف عمري

[اصالة الشرق]

نايمة ورجلج بالسويد خخخخخخخخخخخخخ حقج يابه متدرين مو بدوله خالته بتوقيعها هم

يله تعاي كل يوم بهاي الورشة وخلينه نعمر ونصلح بغراضنه

[بديل القمر]

شنو شصاير لوبي هسا توج تشوفي الورشه مالتناااا

تعاي شنووو مخربتلج سيدراا نسويه وهناا عدنااا صراحه اذا ماانعرف نقلج مانعرف

والموضوع مشترك يعين اني هسااا اتعلمت اشاياء هوايا اولهااا الحمام الي بدون بلوعه خخخخخخخخ

ولا الموكيت شتسمونه هم نسيت ديالله تعاي ويااا بيوتنااا من ورا الجهال صارت دمااار

[بديل القمر]

ام يعقوب اني رديت او اي وحده ترد هذا هوااا المطلوب تبادل الخبرات المجربه يعين اني اقلج شلون اصلح هذا الشي واي يوم يخرب عندي شي ومااعرف شسوي على طول اجي هنااا واسئل شلون مالون

مو هيج احسن من اخليه بسمي وهنوب تعالو انتضروو اليوم الي ادخلواحل


المهم شنو عدج غير الرطوباااا اقلج احنا بالرياض جلدنااا يتشقق من اليبوووسه بس بالدمام يعين عند مريومه ام انور
رطوبا مو طبيعيه شلون يتنفسون ماادري اتصدقين حتى الحنفيه مالت المي املحه وصاير لوناا اخضر ولازم يقيرون بين فترا والثانيه

[um maryam]

بديل اولا مبروك الاشراف وثانيا صدك موضوع مفيد يعني دنفيد ونستفيد
واني جربت اليوم حطيت كل المواعين بالكلو او القاصر وراح كل اللون ودعيتلج بعد شتردين
بس هاي شغلة السفن لو الديتول على الموكيت يخوف اخاف يخرب بعدين شيخلصني من ابو الجهال خاصة انو لونه فاتح هوايه
لازم افكر اذا صارت الشغلة طارئه اجرب فده يوم

[بديل القمر]

ام مريم السفن اب مايخرب ولا اله لون بعدين مو تصبيه على البقع لا هيج شي بسيط بالفرشه وبعدهااا راح تمسحيه بمي وفوطه لتسحب المي من الموتيت خخخ

[ام ماهر]

اني عندي حل لام يعقوب لان نفس معاناتي بس الحمد لله
معاناتي انتهت شوفي حبي
الرطوبة ابدا مو زينة بالبيت واني بسببها طلع
عندي عفن على الحياطين

بالالماني اسمة شمل زين عيني اتصلنا بشركة السكن
وكالوا احنا نظف الشمل واجوي وشافوا المي الي على
الشباك تخبلوا كالوا انتم السبب يابة شلون نخلص من الرطوبة
والمي كالوا يومية يتهوا البيت مرتين مرة الصبح ومرة العصر وينفتح
الشباك كلة يعني مو الفتحة الي من فوق اكيد افتهمتي قصدي
لان اكيد كل المانيا نفس نظام الشبابيك

اول شي تدفين البيت وبعدين التهوية لمدة ربع ساعة بس
لازم يصير تيار هوا يدفع كل الرطوبة وبعدين دزوا النة بالبريد جهاز يقيس
الرطوبة ولازم من تعبر نسبة الرطوبة 50 % لازم تهوية
والرطوبة ايضا ناتجة عن عدم تشغيل التدفئة حتة همة كاتبين بالرسالة
تردون ما تصرفون تدفئة ليش ما تفتحونها خخخخخخخخخخخخخخخخخ
خخخخخخ وهذاك اليوم تقرير على قناة المانية يكولون بما انه

الاسعار كلشي صارت عالية والتدفئة من ضمنها مو الحل انه ما تشغلون
تدفئة بالعكس شغلوا التدفئة على 2 او 3 ما يصرف هواية لان
الحياطين تصير دافية
وبالتالي الهايدسون ما يصرف هواية زين حبي شوفي كتبتلج مقالة
بس والله اني هسة ولا قطرة مي بالشباك وكنت قبل المي ينزل للكاع
على الكاربت جربي وشوفي وما خسرانة ويعقوب دفيلة غرفة كعديه ب
يها بينما يتهوا البيت وبعدين دفي غير غرفة وحطيه بيها وهوي
الغرفة الثانية وهاي المشكلة شتوية يعني بالصيف ماكو

مع تحياتي كومة كتبت يمة

[بديل القمر]

قلب والله ام مهوووري لعد لني ليش خليت الردود عامه لان اعرف البيوت مختلفه

يعني والله ابد ما افهم شلون صايره بيوت المي بيهااا ينقط خخخخخخخ
ولج لعد على مود هيج عفنت الحيطان

[ورد الجوري]

ام مهوري اشكرج ع الحلول وهاي الشمل يجي فعلا من الرطوبة شوفي اني لكت حل افضل

وهو


تفتحين شباكين صغار بالليل واطفين التدفئة تكعدين الصبح تلكين ماكو رطوبة ابد وهاي هسه اكتشفته وذكرتيني اكتب



اما عن التهوية اني اهوي باليوم مرتين كل مرة 10 دقايق واتخيلي


والشمل حاسة بيج لان شقتي القديمة جانت شمل كوله ومو احنة السبب هي بيه ومسوية ويرجع يعني مو صوجنة

واني عندي محرار من زمان اشتريتة من تشيبوا العام يمكن او قبلة واشوف بس تعدي ال50 او مرات الصدوك اتصير 60 اهوي حتى لو بالليل

والتدفئة دااخليه ع ال2 ونص بالهول وباقي الغرف حسب مرات 2 مرات 1 ونص حسب حجة

لان من تصير حارة كولش متكدرين تكعدين

وهاي اني هم حجيت تجربتي وقصتي مع الرطوبة والماء

[بنوتة بصراوية]

مشكووووووووره

[الفراشة العراقية]

السلام عليكم كيف تخلص من البقع الشاي التي موجوده على الارض لفترة طويله مع تحياتي:3D_Smilies298:

[بديل القمر]

فراشه عراقيه اني قلت قبل هاي المره

سفن اب لا تستغربين مجرب

لو ديتول

لو صابون لوكـس مال الايدين

وحبابه اذا نجحت تعاييي قلولي

[اصالة الشرق]

صح كلامج بديل سفن اب واذا ميصدكون اكللهم اني الببسي كولا هم نافع لتنظيف البقع من السجاد

[um maryam]

هاي جيتكم بمشكلة جديده :3D_Smilies198:اريد تحلولي اياه عفيه :065:
الثلاجه مالتي مرات ديصير مي بالمجر السفلي شنو السبب ومرات اذا خليت فده شى ولزك بظهر الثلاجه هم يتبلل

وبالنسبة للسفن اب بعدني ممقتنعه وهالنوب اصالة تكول ببسي زين بس سؤال اخير هذوله مو بيهم شكر هالمره اخاف تروح البقعه الاصليه وتصير غير وحده من وره الشكر :3D_Smilies185:

[اصالة الشرق]

ام مريم شوفي هذا الموضوع على الببسي وبلكت تقتنعين

http://iraqiyat.net/vb/showthread.php?p=12574#post12574

وبالنسبة لثلاجتكم اعتقد الغاز مالتها ديخلص ومدتبرد زين هسه اني ثلاجتي مخليتها على اقل درجة وما بيها مثل مشكلتج

حاولي ترفعين درجتها من الاوتماتيك وشوفي شراح يصير واذا لا اعتقد تحتاج صيانه

وبقى راي بديل اكيد عدها علم بالموضوع مو هي فاتحتنه الورشه ولازم تتحمل

الي رجعة حتى احجيلكم على غسالتنه شسويت بيها

[بديل القمر]

ولج مو جاوووبتج اصاله اي لاززم تعنيني الجيه هناااا خخخخخخخ

ولا اني ماعندي هيج سوالف لان اذا نزززلت مي فهذا شي عادي بس ماينزل بالمجر

اقلج اخاف مثلجه وتريد تذووويب




انزززين اني قتلج سفن اب شوي مو اتجبينه على البقعه شوي بالفرشه وبعدهااا قطعه خاولي بلليهاا بشوي ماي ومسحيهااا

[um maryam]

اصاله تسلمين بس الثلاجه مصار سنه مشتريه يعني ممعقوله خلص الغاز بسنه اشو اشيل درجته واشوف
ومشكوره

بديل تسلمين ادري موهذا موضوعج غير ناخذ النصيحه النهائيه منج :3D_Smilies198:ومشكوره

[um maryam]

خلي احجيلكم تجاربي بالنسبة للبقع استعملت الكلور وزينه كلش راحت كل البقع والبيكاربونات هم زينه هم استعملته

وبالنسبة للسفن استعمله للكاربت او الموكيت وجان بيه بقعه كهوة وراحت ورجعت كانه اصليه

والثلاجه لكيت حلها طلع الانبوب اللي ينزل منه مي بداخل الثلاجه مسدود

شوفوا شكد شاطره حجيتلكم كل تجاربي :sfsfsf:

[بديل القمر]

ام مريم عدنا مثل يقول

مايحك ضهرك الا ضفرك

عاد شفتي بس حاولتي شلون انحلت وتبقا المراء هياااااا العامل الاساسي للبيت

عاشت ام مريوووم الورده اني وياج والبقعه ليهسااا ماراحت عن بالي

اقلج سي بس مو يضيق صدرج بس على مود ماتعودينهااا وتصبين سائلعلى البقع

هسا الكفي نزل تحت من يجيه ماي لو شي راح يصعد فوق لنج ماشفطتي الكافي قبل لاتنضفينه

بس بالمره الثانيه لان مريومه تونست عليج وانتي تزززاعقين عليهااا
وتجلين بالكاربت....
المره الخ اشفطي الشي اذا انكب وبعدين ابدي بتنضيفه

[بديل القمر]

هاولجن شنو ماعدجن خراب ابيتجن


انزززين اني اقلجن عن خراب


بس استحملوني شوي







بيتنا من انبنا صارله 20 سنه
واني جان قرفتي وحمامي بقسم من اول ماتزوجت


بس من ثلاث سنين تعرض الدور العلوي لحريق جبير بحيث الدور العلوي تجدد صيغه وارضيته
وبعد ماخلصو قررنا نغير القرف
فاخذت غرفتين وحمام
وصلنا هنااا للخراب
الحمام وبالاخص المرحاض عرفتوه الي بيعملو فيهاا البتاع زززززززززين هيج من الاول بيه اصفرار هنوب العمال جانو يستعملونه
والضاهر يغسلون بيه الادوات مالتهن لان باني عليه شي مثل الجبس مصفر

وهسااا اني مابقا شي ماسويته اله اريده يروح مافادت بيه شي
الحمام رجعته جديد يلمع يلق بس هذااااا ماقدرتله وجنت ناسيته فهسااا اجا على بالي قلت خنسئلهم يجوز عدهم حلول سحريه

[ايمان الاسلام]

شلونج عيني بدول
جربتي الفلاش والله زين
واذا ما فاد غيري البتاع احسن

[ايمان الاسلام]

هسه انا عندي مشكله
اريد شي يروح ريحة الصبغ
والله متنه من ريحته
يالله بدول انطيني حل

[بديل القمر]

افتحي النوافذ وشغلي المروحه ودخلي منقله فحم

واذا بقيتي حطي دويره معمول خليه يدخن


بس الفحم خلص هو احسن شي


والمره الثانيه اشترطو الصبغ يصير مابيه رئحه قويه لاناااا احنااا اخر مره صبغنااا وجانت الريحه مو قويه










اما الفلاش فهو من اوال التجارب ومانفع بس طلع ريحه موزينه حشررررررررنا

[بديل القمر]

انزين تعالوو حلولي هاي الي بيعملو بيهاا البتاع

شسوي بيهااا


اذا ماجاوبتوني اغيرهاااااااا

[ورد الجوري]

هلو شلونكم
عفية عندي مشكلة وهي العفو بعد الزواع(التقيء) مال ابني تصير ريحة بالكاربت (الزولية او المو كيت )


طريقة التنظيف مالتي هي


اول شي اوخر العفو (التقيء )

وبعدين انظفه بالمي كولش زين


وبعدين انظفه بالمنزف مثل ديتول وهل سوالف بس تبقى الريحة كم يوم ومااعرف شنو الحل عدكم طريقة حتى جبت معطرات وهم مدا تفيد

مشكلتي بس يتمرض يتقيء

رجاء اسعفوني بحل لان الكاربت خرب من المسح والمي ومااريد ابدله هسه

[بديل القمر]

حبيبتي ام يعقوب

اول شي لاتستعملين المي بالبدايه لان التقيء بيه مي وراح ينزل تحت وانتي تجيبين مي فراح ينزل تحت حيل بالموكـي وراح يضل تحت وين يروح على مود بس تعرفين ليش الريحه تضل بس

اتبعي هاي الطريقه مضبوط
اول شي شيلي التقيء
بعدهااا فوطه ناشفه اسحبي المي بالدوس عليهاااا حيل
وبعدهاا صابون ناشف يعني اسفنجه بيهاا صابون ومعصوره امسحي بيهااااا
وبعدين خاولي بيه ماي امسحي الصابون وعوديهااااا للسفنجه مالت الصابون
وعودي مسح بالفوطه الي بيهااا مي وشوي مطهر

خلص بعدها جيبي فوطه ثانيه ناشفه وامسحي الرطوووبه

[ورد الجوري]

بديل اشكرج هواية
اظاهر فعلا لازم انشف اول شي بدون مي لان خلص مدتروح الريحة هسه داانتظر تروح هاي صار كم متروح فعلا اذا لا سامح الله صارت مرة لخ اسوي هيج مااخلي مي

مشكورة ع الاجابة ياعيوني

[r0r0 aLwarDa]

ام يعقوب جربي جيبي نعناع يابس وفركيه فرك بلموكيت و الريحه راح تخف كلششششششششششششششش واكنسيه بعدين

[بحر الشوق]

هلالالالالالالالالالا بدوله اني ما عندي مشكله لحد الان بس حبيت ادخل واشوف مشاكل الاخوات واستفيد

[r0r0 aLwarDa]

ام هاجر غيرتي اسمج؟ ههههههههه هلا بريم الفلا

[بديل القمر]

شنو رااااح تخلون لمتجن عندي ديالله اروح اجيب المجلس اي على مود اتجلسسسسسسسسسون

ولجن ماخرب شي ببيوتجن خخخخخخخخخخخخخخ

[بحر الشوق]

بدوله يعني اذا ما خرب شلون نروح نخربه بلكوه خخخخخخخخخخ

[بديل القمر]

اي هيج يعني خخخخخخخخخخ
ولج اني مخايه هذا الموضوع للخراب مو للسوالف لا وهنوب تدخل تقول بس اريد اطل عليج
خخخخخخخخخ
روحي انشاء الله توم ولد واق ويق واق ويق واق ويق

[نداوى]

سلام عليكم

بديل اكلج طريقة جربيها بلكت اتروح خلي خل فرد ثلاث ساعات على المكان , الخل اله مفعول سحري على الكلس وهاي الشغلات .... بس خل اصلي ابن حلال مو مغشوش خخخخخخخخخخخخخخخخخخخخخخخخخ

خوش موضوع اني عندي شغلات هواية اولها عندي زولية وسخة من ورى رجلي يدخل بحذاءه للصالون هاي عدا بركات دلع واخوتها بحيث داافكر اذبها مع العلم عمرها سنة بس , هو اكو مكنات تنظيف هنا بس مو عملية .... شتكولون اذبها لو اكو امل

[بديل القمر]

يابه وينج رحمالله والديج زززين يطلع ريحه موزينه لان زوجي تتطلعله الجنونه اذا شم ريح
هه وماتروح


والزوليه
جربي وياها السفن اب مو تجبينه مثل باقي الناس

يعني بالفررررشه شي بسيط ومسحيها بعدهاا خاولي بيه رطوباااااا وخاولي ناشف

[نداوى]

بديل الخل ريحته مبينة عادي بس بعد ماتخليه بفترة ترجعين تغسلين المكان المكان بمنظف عادي ماتبى اي ريحة
والزولية راح اجرب معاها السفن اب ... زين احنا عدنا سبرايت نفس نوعيته ينفع ههههههههه
والله يشوفني حمودي امسح بالسفن اب يشغل الراديو مال حلكها ومااخلص منه والا دلع اذا سويت هيج كدامها كل يوم لتكبلي عصير وتكعد اتسوي مثلي ههههههههههه

[لوبي]

مرحبا
كلت ادخل اخاف تحتاجون من خبرتي شويه خخخخخخخخخخخخخخخخخخخخخ
اني قبل اسبوعين نظفت زوليه الممر
وكان تنظيفها مو مثل كل مره انظف بيه الزوالي
خليت نفط وقاصر الوان اريل وشويه زاهي او شامبو
وضليت اجلف وامسح الزوليه وبعدين طلع رونق وجنال لون الزوليه الاحمر نقي
عاشت ايدي طبعا ههههههههههههههههه


اي سؤال حاضره خخخخخخخخخخخخ

[بديل القمر]

بليز افيديني شنو القاصر خخخخخخخخخخ هسااااااا يقولون شنو تفتهم هاي خخخخخخخخخخخخخ

[jasmina]

بديل القاصر مثل الكلوركس
عندى مشكلة بنات الغساله مالتى مو فول اوتوماتيك لا من نوع الى بيها بابين واحد للغسل والثانى للشطف الباب الثانى مرات متفتر وتوكف مااعرف ليش وتخرب عليه الغسل كله منو منكم يعرف شلون اصلحها بدون مااوديها تصليح لانه وديتها مرتين وهم رجعت الحاله

[بديل القمر]

ياسميناااااا خليج وياي ززززززين بالتفصيل

اول شي افصلي الطاقه

افتحي الباب مو الي ينفتح دائم لا المربع بس سحبيه بخفه وقوه راح ينفتح وياج ززين لهتااااا

دخلي ايدج تحت النشافه تحت يجوز فردت جورابااااا ستيان خخخخخخ

خلص هسااااا شفتيهاا نضيفه جربيهاااا

رجعي الباب المربه ابمحله والباب الرئيسي



واني جان عدي غساله هيج بس من احط عليهااا ثقل تشتغل
فاني اترس الابريج مااااي واحطه عليهاا هيااا تشتغل عاد انتي هيج تمشي وياج الطريقه هاي
بس هاي الطريق مواقته يعني الى ان يتم تصليحهااااا

[jasmina]

تسلمي بدول راح اجرب الطيقتين واشوف بلكى تنجح وتعبتج ويايه

[بديل القمر]

دياله ماخربت المسجله الزوليه المخدات

شنو جهالجن صارو عقال مايخربون

[لوبي]

بليز افيديني شنو القاصر خخخخخخخخخخ هسااااااا يقولون شنو تفتهم هاي خخخخخخخخخخخخخ

خخخخخخخخخخخخخخخخخخخخخخخخخخخخ
حبي القاصر هو الكلور نفسه
واكو خاص للملابس (المبقعة) الي لونها ابيض
واكو للملابس الملونه ايضا كلور

[دموع بغداد]

ولج ام هجووووور ماعدج صابون سليت اي هذااااا يابه ارغيه وينفع العطار ماافسده الدهر خخخخ

هاي ذكـرتيني بيوم جيت لبيت ززوجي خخخخخخخخخخخخ
جانو ذابين اجهزززه خربانه غساله وتلفزززيون ومكـنسه ورا البيت

فتحت الغساله قلت شبيهاااا قالو مايطلع الماي منهاااا تارس النشافه

قمت طليت بالنشافه وجبت تيل ودخلته لقيت جواريب سحبتهن ومشا الماي
والمكـنسه البلاكـ مالهاااا محترق وفالت واير قصيته واعدت تركـيبه واشتغلت


هنوب صنفووو عليه خوش عروووس
شفتي بالله شلون ناس ماتستحي
ههههههههههه
حلوى منك

[بديل القمر]

شلون غبار

اي غير تجون تنضفون

خخخخخخخخخخخخخخخخخ
هذا الموضوع جان مثبت وعصبت قلت ليش مايدخلون ويخلونه يفزفز الغيت تثبيته اشو هسااا اريد اثبته

[بديل القمر]

طبعا بعد اذن المشرفه اذا تشوف مايستاهل
تفتح الربطه مالته خخخخخخخخخخ اقصد التثبيت

[حبي]

مشكلتي الوحيده بلبيت هيه الكأبه والفراغ منو يقدر يحله :092:

[بديل القمر]

:11_2_104[1]: انتي بعيد عن القران اقريه رددديه تغني بيه
وطنشي العالم من حولج لاتنضرررررررررين للناس الي تشوفينهم سعداء ومرتاحين هذول سعادتهم زززززززئفه

جربيهاا وياي اسبوع واطيني النتيجه واطيج حل اااخر

اي خلي نيتج لالله مو لتعمين عيني خخخخخخخخخخخ
عفوااا دموعه اني صريحه وياج واذا تضايقتي قوليلي واني ابوسج بوسه على :11_2_104[1]:راسج

[اسيرة الدهر]

اما اني فحبيت اشارك وياكم بس ماعندي اي مشكله

لان اني طالبه ودراستي بقسم داخلي يعني بعيد عن البيت ومشاكله

وتسلمين حبي بديل القمر

[بديل القمر]

http://aa15.jeeran.com/11/17.gif

منورين يالغالين

[بديل القمر]

جااي انضف الغبار

خخخخخخخخخخخ

[S U S U]

http://abeermahmoud07.jeeran.com/663-WAITING-AbeerMahmoud.gif

[بديل القمر]

هم اني


http://abeermahmoud07.jeeran.com/663-WAITING-AbeerMahmoud.gif

[بديل القمر]

تعرفون راس السنه الجديده فقل انضف الغباااااااااار خخخخخخخخخخ
ماتردون منا منا نصيحه فالته

[بديل القمر]

شنو ماعدكم خراااااااااااب ببيوتكم ترااااااااا اجيبها من ذيلهااااااااا
بس قولو المشكله واني ان شاء الله اطيج الحل
شنو هالغباااااااااااار
توني من ست اشهر منضفه الموضوع ديالله خلي انفض المحل

[بديل القمر]

خخخخخخخخ احبه مو بيدي

[بديل القمر]

http://www.iraqiyat.net/vb/customavatars/avatar27_31.gif (http://www.iraqiyat.net/vb/member.php?u=27)

[بنت البلد وافتخر]

مساء الخير اولا الموضوع كلش حلو ومميز وعاشت ايدج
ومشكلتي الاولى هيه الصراصر شلون انهيها تماما علما اني استخدم المبيدات بس فتره وترجع والي مضوجني انها تدخل الثلاجه ياريت عندج حل
والمشكله الثانيه الثلاجه عندي بخاخ بس هلايام مدينزل المي من خلف الثلاجه كلمعتاد دينزل من الامام وديصير بيها ثلج
والف شكر والي عوده +نصيحه

[ريـ A ــ S ــ K ــم]

هههههههههههههههههههههه الله يعينكم
ما عندي بيت ولا مشاكل:bp::bp:
موضوع رآآئع بديل

[بنت البلد وافتخر]

يعني هيج راح ازعل منج لان مرديتي عليه

[بديل القمر]

والله حقج تزعلين بس لو تشوفين شقد صارله مهجوووووووووور فنسيته
,,,,,,,,,,,,

الصراصير

اكو معجون
تجي شركه
ماعرف انتي بيا دوله واذا بالعراق اعتقد العراق تتطورت هسه وكلشي بيهااااا
هذا المعجون
عباره عن
نقط توزع
بين الاخشاب
تلصق العامل الي جبناااه يقول هاي النقطه الها رائحه قويه تشمها الصراصير وخلا قدامنا نقطه وحده بالارض
تجمعووو على النقطه
طبعا كان بيتنااااااااا الصراصير الصغيره بكثرههههههه جده بحيث مثل الجيش بالمطبخ من تسدين الضوااااااا
بس الحمد لله هسسسسسسسه
معدومين جدااا ولا صرصار
واكتشفنا ان الكبار
هم هوايه بس بالبواليع الكبيره
احاول اجيبلج صورته من النت

[بديل القمر]

اما الثلاجه والله ما اعرف ولا افتهمت شنو البخاخ

[بديل القمر]

http://www.mstaml.com/imagesData/925750.jpg


هذا الجل
وصدقيني هوااااا خلال يومين
مراح تصدقين عيونك
يمكن يكون موجود بس باسماء تجاريه اخرااا
هذا الجل الانسان مايشمه
وهيه نقطه عند الباب او نقطتين
وعن الاثاث وبالثلاجه يبوي شقد طلنا منهااااااا

[بزونه]

بدوله عاشت ايدج على هذا الموضوع الي يخبل

[بزونه]

بدوله مشكلتي الوحيده الي امتعبتني كلش ملاعيب بنتي لان شقتي غرفه وحده يعني هيه وياي بالغرفه موتتني بالملاعيب المه منا واتهوسهه منا بحيث استحي من احد يجي لان دائما الغرفه امخربطه من وره الملاعيب ياريت اشوف الحل عندج يا غاليه

[بزونه]

بدوله الموضوووووووع امترب ماتجين اتنظفيه واشوفيلي حل صارلي شهرين كاتبه السؤااااااااااال

[jasmina]

اى والله بزونه خوش سؤال انى هم عندى مشكله ملاعيب ابنى كلما اصفطها يجى يلعب ويخربطها ياريت بدوله تجى تنفض التراب من الموضوع ويتجدد لان خوش موضوع

[بديل القمر]

يا عمري والله انسسسسساه انتو دقووو عليه
لان توقفت الرجل عليه صاروووو يعرفون يحلون مشاكل بيوتهم خخخخخخخ
.............

اسفه بزونه
وهذا رايي
اخذي صندوق
وخلي بيه الالعاب الي نادر يلعب بيهاااااااااااا
وصندوق بيه الالعاب اليييلعب بيهااا بكثره
اول شي انتي لزم تعلميه من يلعب هواااا الي يشيل الالعااااااب
وهاي مهمه جداااا
اذا عذبك ورفض تشلين الالعااااااااب كلياتهااا وترفعيهاااا فوق شي عالي
ومن يبكي
تطلبين منه وعد انه يشيل الالعاب
يالله تنزليهااا وماتنزليها كلياتهاا بس الي يحب يلعب بيها بستمرار
ويمكن يتملص
من رفعهم
حمري العين وارجعي ارفعيهن مره اللخ يوم يومين وذكريه بعدم وفائه للوعد
لاتقليلي صغير ابو سنه يفتهم
هذاك اول اكوو جهال هسسسسسسه ماكو كلياتهم يفتهمون

[بديل القمر]

ياسمين نفس الجواب هاااااااا شتقولين مو خوش
اسسفه يا الغاليه على التائخير واوعدكم افوت هنااا

[بزونه]

تسلمين بدوله حبي هسه اجربهه ويه بنتي وانشالله اتفيد

هسه ارجعلج بكم مشكله هعهعهعهع

[jasmina]

تسلمين بدوله حبيبتى راح اجرب واشوف :ec:

[sweety]

هلو بديل القمر .. عاشت ايدج عالموضوع الخرافي
طبعا اني ماعندي مشكلة واذا صار عندي اشي شي اكيد رح اسالج لان ماشالله عندج خبرة
بس حبيت افيدكم بنصيحة عن تنظيف الزوالي.. اني الزوالي من اشيلهم ما اغسلهم لان الغسل المتكرر يتلف الزولية.. شاسوي انظف الزولية بمنظف الجام اللي اسمه (ايزي) ارش عالزولية وبالفرشة انظفها رح تطلع الزولية عبالك جديدة وافتح البنكة عليها الا ان تجف الزولية واشيلها
جربوها وبالمناسبة اني استعمل الايزي حتى وية البقع الصعبة على التخم او الزوالي او الكاربت كلش عملي ومفيد
وادعولي

[بديل القمر]

منوره اختي
وهوايه احب المشاركه بالخبرات
منضف الجام اجربه بس احنا مانشيلها للزوليه خخخخخ يصير انضفهااا واخليهاااا
....... بزونه منوره
وصرت هسه اني حلالة المشاكل
خخخخخخخخ

[بزونه]

عيني حلالة المشاكل مشكلي ويه اعيون الطباخ الكهربائي هيه فضيه وصايره سوده واشكد مااجلفهه مايطلع لونهه موتتني وضوجتتني

[بديل القمر]

اني سامعه الشطه الي تنباع ببطول كلش زينه

[بديل القمر]

http://www.hayah.cc/forum/imgcache/7645.png (http://www.hayah.cc/forum/imgcache/7645.png)


صبيت الشطة عليها ونقعتها مدة نصف ساعة

http://www.hayah.cc/forum/imgcache/7646.png (http://www.hayah.cc/forum/imgcache/7646.png)

وهذة النتيجة النهائية للتنظيف

http://www.hayah.cc/forum/imgcache/7647.png (http://www.hayah.cc/forum/imgcache/7647.png)

ملاحظة .. لابد من لبس قفازات عند التنظيف
اتمنى تجربوها ... واذا عجبتكم التجربة لا تحرموني من دعواتكم الغالية


منقووول للافادة

[بزونه]

هاي شنو متاكده لو لا