سؤال للدكتوره الله يخليج مطلوبه هنا

[كليجه عراقيه]

سلام عليكم شونج عزيزتي دكتوره عندي سؤال بلا زحمه اني البارحه سويت فحص داخلي وطلعت متوسعه تقريباا من واحد لثنين سم واني هسه بالاسبوع 38 شون اكدر ازيد التوسيع ششرب شاخذ اني سمعت القرفه على اساس تجيب توسيع اكدر اخذ هالشغلات لو لا لانه مشي جاي امشي وحركتي هم زينه او وزن البيبي وحالته ولله الحمد زينه ممكن تفيديني ومشكوره :17:

[أنــتـــــےـ عمـــــےـري]

كليجايه ليش تشربين قرفه اذا صاير عندج توسع حبيبتي

اطلع بعد امشي واذا كلش كلش اشربي هيل ومي دافي لان يفيد وصحي وامين اكثر من القرفه الي اعرفه القرفه تساعد بشكل كلش قوي واحتمال يطك مي الراس بدون اي توسع
اكلي تمر هسه هم هوايه واقري سورة مريم
وياربي ساعه سهله ام حمودي ولتنسيني من دعائج

وان شاء الله الدكتوره تفيدج اكثر

[زمردا]

حبيبتي انا دخلت بس اريد اكلج فد شيء

سلفتي الي هي زوجة حمايه قبل 20 يوم ولدت

خلصت نص شهر العاشر وماكو توسع

شربت زيت الخروع الدكتورة كتبته الها

وموجود بصيدليات على نكهات بالفراوله البرتقال

شربت شوشتين صغار وجابت صار عدها توسع وحتى تكول ما حسيت بالم كثير

كالت للدكتورة كالت الها هاي زيت الخروع وما يعمل

حتى طفل يجي مزيت ما يأذي الام

انا الي اعرفه كتبته بس هسا الدكتورة تجاوبج

[هنودي]

الله يسهل ولادتج لا تنسينا بالدعاء

[كليجه عراقيه]

بنات مشكورات على الردود عيوني انت عمري اني المشي مجاي اقصر وربي مرات احس ظهري يريد يطلع من مكانه من الوجع هالكد مجاي اتعب واني مراح اشرب شي من غير ما اتاكد مابي ضرر الي وللنونو طبعاا بس اني سامعه بالقرفه اما علمود زيت الخروع هم سامعه بيه بس اخاف يصير اسهال للبيبي ويتبرز ابطني اخا ف شويه والله واتمنه الدكتوره ترد عليه باسرع وقت تحياتي للجميع

[أنــتـــــےـ عمـــــےـري]

ان شاء الله ساعه سهله ومتحتاجين تشربين اي شي

ربي يسهل عليج بجاه هالايام المباركه واحنه وراااج

وان شاء الله الدكتوره تجاوبج عمري

[سنوبيا]

كليجة متخافين تاخذين هل شغلات اني ضد هل اشياء مو زين خلي يصير توسع طبيعي ماكو احسن من الدرج صعدي ونزلي كلش يفيد وربي يسهل عليج بحق محمد

[مسره]

حبيبتي انتي ليش مستعجله بعد عندج اسبوعين يعني خلي الامور تمشي طبيعي ليش تردين تعجلين الولاده هي الطبيعي 40 اسبوع والمتاخره 42 اعتقد انتي تعرفين لان هذا مو اول طفل الج حبيبتي هي من تجي ساعة الولاده عود الله يسهل كلشي لاتاخذين بس سوي تمارين من دخلين بالاسبوع الاخير(40) مو هسه والله يسهل عليج وينطيج الساعه السهله وتقر عينج بسلامة المولود

[الألق]

حبيبتي ربي يسهل عليج يارب وان شاءالله رب العالمين يجعلها ساعة الخفيفة عليج وتكوميلنا انتي والنونو بخير وسلامة وان شاءالله الدكتورة اتفيدج

[أم نور]

عيني كليجة اني مرة كلت على النبات داغ جربيه حبي وهو كلش سهل

اجيبين ملعقة شكر اتخليها بماعون فافون تحركين الشكر يصير لونه ذهبي وبعدين اتخلين نص كلاص ماي وتنتظرين يموع الشكر وية الماي وتشربيه حار والله اني صدفة شربته كلش زيد عندي لطلوكة والله كريم

والتمارين هم كلش زين اني نشرت موضوع عن تمارين الحامل بقسم الحمل والولادة

[كليجه عراقيه]

يسلمو على المرور بنات اخ مسره تكولي ليش مستعجله مو هيه سبحان الله تسع تشهر تاصبرين تبقى اسبوع اسبوعين بعد هاي هيه تردين تخلصين باي طريقه لانه التعب قله النوم الثكل الانتفاخ كلهه تلتم عليج واني صدك تعبت يعني ياهو الي يشوفني يكولي انتي كلش مبين عليج التعب وام نور اني تمارين جا ي اسوي بس هذا الي تكولين عليه مجربته بعد خلي اروح لموعد الدكتوره اشوفهه شتنصحني والله كريم اجربه اذا ماكو منه ضرر

[د.فراشة الليل]

حبيبتي الله يسهل عليج وتكومين بالسلامه يارب
زيت الخروع كلش مفيد بهيج حالات
اما القرفه فما انصح بيها
والمشي والاتصال الجنسي
والمي الحار بالحمام على ظهرج كلش يسهل
وان شاء الله ساعه سهله..واسفه عالتاخير بالرد

[أم نور]

موفقة حبي كليجة يلة مابقى شي

روحي للدكتورة وشوفي شدكلج انتي اقصى شي بقالج أسبوع ان شاء الله

لان ما تتحمل الشغلة بعد أكثر تأخير

[كليجه عراقيه]

شكراا على الردود مشكوره دكتوره عيوني تحياتي الج

[Miss Perfume]

ان شالله تكومين بالسلامة حبيبتي
ينقل الى عيادة الحمل والولادة