السحلب

[um Dania]

السلام عليكم
اليوم جبتلكم طريقة السحلب.........طيب خصوصا بلشتى

اهنا بعمان كلش يحبون يشربوا

المقادير

4 أكواب أو ليتر من الماء

علبة 397 غرام من حليب نستله المكثف المحلّى

4/1 ملعقة صغيرة من المسكة المطحونة

4/1 ملعقة صغيرة من المحلب المطحون

3 ملاعق كبيرة أو 40 غرام من دقيق الذرة

3 ملاعق كبيرة من ماء الورد

ملعقة صغيرة من القرفة المطحونة

طريقة التحضير
يوضع الماء وحليب نستله المكثف المحلّى، والمسكة، والمحلب، ودقيق الذرة داخل وعاء كبير للصلصة.

يُغلى المزيج ثم يُترك على نارٍ خفيفةٍ لمدّة تتراوح بين 7 و10 دقائق مع التحريك المستمر.

يُرفع القدر عن النار ويُضاف إليه ماء الورد، ثم يُسكب المزيج داخل أكواب للتقديم.

http://www.iraqiyat.net/up/uploads/images/iraqiyat-888f7b4b92.jpg

تُرش القرفة المطحونة على الوجه ويُقدّم الشراب ساخناً مع الكعك (البسكويت العربي).

نصيحة للطهو: يُنصح باستخدام الكميّة المحدّدة من دقيق الذرة للحصول على المذاق المرّكز المطلوب.

[am abude]

عاشت ايدج ام دانيه اني سامعه يكولون كولش طيب بس مشاربته هالمره ناويه اول شغله بعمان اسويها اشرب سحلب

بس شنو يعني محلب.....؟؟؟؟

[البعيدة]

عاشت ايدج ام دانيه بس شنو يعني مسكه:033:

[um Dania]

عاشت ايدج ام دانيه اني سامعه يكولون كولش طيب بس مشاربته هالمره ناويه اول شغله بعمان اسويها اشرب سحلب

بس شنو يعني محلب.....؟؟؟؟



شكرا ام عبودي وان شاء اللة من تجين اعزمج بمحل بلصوفية يبيع سحلب يخبل

معنى محلب بشكل هو نبات عطري ممكن مججف وممكن فرش
وهو غير عن الحلبة شكلة يكون حبوب صغيرة

[um Dania]

عاشت ايدج ام دانيه بس شنو يعني مسكه:033:
شكررررررررر
البعيدة على الرد
المسكة نوع من الاعشاب تعطي رائحة طيبة

اتوقع........... لان ما مجربتها بس سامعة بيها

[um maryam]

عاشت ايدج اني هم سامعه السحلب بس مشاربته لحد الان
خاصة المصريين يشربون سحلب هوايه

[البعيدة]

مشكوره ام دانيه

[Queen.Ur.Heart]

شكررررررررر

البعيدة على الرد
المسكة نوع من الاعشاب تعطي رائحة طيبة


اتوقع........... لان ما مجربتها بس سامعة بيها



المسكة هي المستكي احنا نسمي
مثل الحجر صغار مثل الزجاج المكسر

يخلي الحلاوة او الحليب ثخين مثل اللزوجة بي ( نسمي علاجي اذا ضفنا كمية اكبر من المستكي )

وهو نفسة يستعملوا بصناعة الحلوقوم


وعاشت ايديج ام دانيا اكيد طيب لان بي مستكي وحليب شلون مطيب

مشكورة بعد مرة

[um Dania]

مشكووووووورة انونة على الرد

[البعيدة]

مشكوره انونه على التوضيح تسلم ايدج حبيبتي\
اضحكج اني شايفه صوررته وشوفته لوحده جارتي كالت اعرفه هذا علج مر!!!!!!!!!!!!!!!! فاني استحيت اكلها لا يستعملوه للحلويات بس اني لا مستعملته ولا مشتريته وما ادري اذا يوجد منه بالعراق لو لا؟؟؟؟؟؟؟:sfsfsf:

[Queen.Ur.Heart]

لالالالالالالالالالالا
البعيدة مو علج مر

المستكي غير طعم تقريبا نفس الشكل
بس مو علج البستج

اسال عليه اكثر وارجعلج خبر

ان شاء الله

[غربة الروح]

شكرا على الوصفه
تقبلي مروري

[مسك]

طيب
خصوصا بالشتاء

[sallama]

شكرا عيوني على الطريقة و المعلومات

[حبي]

الله عاشت ايدج ورده اني لمن جنت بعمان كل فتره اروح اشرب من البلد سحلب كولش احبه يسلمو