دكتوره تعبت من العلاج ساعديني الله يحفظك

[هنودي]

السلام عليكم دكتوره متزوجه من سنتين ودخات بالثالثه اني بيه تكيس مبايض وصارلي سنه اشرب المتفورمين الفرنسي 850 حباييتين باليوم راجعت كمال السامرائي وانطوني ابر كونال اف ضربت 10 ابر وهم البيضه ماكبرت عاد تعبت من الابر الدكتوره كتبتلي على حبوب اسمها لترزول فيمارا وكبرت البيضه على هاي الحبوب وصار حجمها 20 وضربت الابره التفجيريه وسويت تلقيح صناعي وجانت الحيامن الفعاله 85 وهم اجت الدوره سويت اشعه ملونه وطلعت الانابيب نظيفه تعبت من كمال السامرائي وعفتها هسه كمت اراجع الدكتوره هند سعران انطتني اسوي تحاليل الغده وطلعت نظيفه انطتني حبوب نولفادكس وهم اجت الدوره رحتلها وكالتلي المتفورمين استمري عليه لحد ما اصير حامل وانطتني من ثاني يوم الدوره 4 حبات باليوم كلوميد لمده 5 ايام شربتهم ورحت اخذت سونار يوم 11 من الدوره وطلعن 3 بيضات حجمهم 24و20و17 وضربت الابره التفجيريه من يوم 12 ويستمر الجماع 13و15و17و18 بس من يوم 15 اشرب الدوفستون لمده اسبوعين المهم اجت الدوره الله يخليج يادكتوره اني في حيره وتعبت ونفسيتي حيل تعبت الله يخليج ساعديني اشسوي بعد اني راح ارتاح هذا الشهر وراها اروح لهند سعران بس اتمنى منج تساعديني اسفه على الاطاله

[Miss Perfume]

حبيبتي ان شالله ترد عليج الدكتورة بأسرع وقت
وربي يرزقك بالذرية الصالحة ويرزق كل محرومة

[د.فراشة الليل]

السلام عليكم
حبيبتي صحيح حالتج مزعجه وكثرة الادويه مضوجتج
بس هي الحاله تستوجب تطولين خلك
ارتاحي هالشهر وابدي مراجعه جديده ود.هند سعران مقاصره
بس نصيحتي عملية التثقيب اصبحت ناجحه بالعراق وديسووها بمستشفى العلويه للولاده
ودتنجح وهي تفيد كلش بحالة تكيس المبايض لان شنو الفائده تكبر البيوض عادي بس ميصير بيها تلقيح
بسبب التكيس
وهذي العمليه بسيطه تحت التخدير العام بس مو فتح بطن وانما بالناظور
فاذا ردتي راجعي استشارية العقم بمستشفى العلويه للولاده
وان شاء الله يرزقج الذريه الصالحه امين رب العالمين

[الفراشة العراقية]

وربي يرزقك بالذرية الصالحة ويرزق كل محرومة

[هنودي]

دكتوره اني اشكرج على الرد اسريع والله يوفقك ويرضى عنك بس يكولون عمليه تثقيب مال مبيض اسوي التصاقات وحتمال تنجح وحتمال تفشل والله حيره بس دكتوره هندسعران شافت تكيس بالسونار الداخلي وكالتلي جدا بسيط اسفه على الاطاله الله يجعله في ميزان حسناتك

[د.فراشة الليل]

حبيبتي هنودي
اذا التكيس بسيط ظلي عالعلاج واصبري وان شاء الله يستجيب
وهوايه حالات تكيس عالميتفورمين
والمنشطات البسيطه استجابوا
والله يرزقج كل خير ان شاء الله

[عيون حلوه]

عزيزتي اذا التكيس بسيط يصير حمل بشكل عادي
بس اشو مجبتي طاري صدرج اذا بية حليب او لا
لان الحليب يمنع الحمل
والله يرزقج ويرزق كل محرومة بجاه النبي

[هنودي]

لا مابيه حليب سويت كل تحاليل الهرمونات بس طلع عند تكيس اشكركم على الدعاء لاني بحاجه اليه